San Mateo 7:11 - Kaqchiquel Bible

¹¹ Wi rix stape' kan janila ix mal, man yixtikir ta niben keri' chike ri iwalk'ual, k'a ta la' k'a ri aj-chikajil qatata' chi man ta nuya-pe chiwe ri nik'utuj chire. Y ronojel ri nuya-pe rija' kan e utz wi.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y si rix ri ma utz ta inoꞌoj iwetaman ndiyaꞌ utzulej teq achike chake ri iwalkꞌuaꞌl, ¡kin más wi retaman nduyaꞌ utzulej teq achike ri aj chikaj Itataꞌ Dios chake ri ngekꞌutun chare!

Kaqchikel Santa Maria de Jesus

¹¹ Mesque ixreꞌ itziel inoꞌj, pero man jun bꞌay ntiyaꞌ jun itziel kax chica ri ivalcꞌual. Ixreꞌ ja ri utzulaj tak kax ntiyaꞌ chica. ¿Cuánto más ri Itataꞌ ri cꞌo chicaj nuya-pa utzulaj tak kax chica ri ncaꞌcꞌutun cha? Y nojiel ri nuya-pa, can otz.

Kaqchikel Central Guatemala

¹¹ Rix man yixtiquir ta niben queri' chique ri ivalc'ual. Man riq'uin chi rix man can ta utz ina'oj, pero man jun bey niya' jun cosa itzel. Rix ja ri utz tak cosas ri niya'. C'a ta la' c'a ri aj-chicajil Itata', chi man ta nuya-pe ri nic'utuj chire. Y ronojel ri nuya-pe rija', can e utz vi.

Re C'ac'a Testamento pa Kach'abal

¹¹ Yex astapa' itzel ina'oj, pero chique re ivajc'ual man jun bey quire' niban. Roma yex ja re otz tak cosas re niya' chique. C'alapa' re Irta' Dios re c'o chila' chicaj, che man-ta nuya-pa re nic'utuj cha. Y ronojel re nuya-pa reja', can je otz-va.

Kaqchikel Western Solola

¹¹ Riyix majun bey niben ta queri'. Y astape' ta chi ma can ta utz ri ina'oj, pero riyix ya ri utz tak cosas ri niya' chique ri iwalc'ual. C'a ta c'a ri Itata' ri c'o chila' chicaj, chi man ta xtuya' pe ri nic'utuj chare. Riya' ronojel utz ri nuya' pe chiwe.

San Mateo 7:11 ပူးပေါင်းရင်းမြစ်များ

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

Wuj Richin ri Achin Job 15:16

¡K'atala', chik jun achin ri kan man jun narayij chire ri ruk'aslen y chuwirineq chupan, ri kan jebel nuna' nuben ri itzel taq banobel, achi'el xa ta nuqum ruya'!

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 85:12

Ri Jehová kan xtuya' k'a ri urtisanik pa qawi', y ri qaruwach'ulew kan xtiwachin k'a.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin ri Jeremías 33:14

Chuqa' ri Jehová xubij: Xtipe k'a q'ij chi yin kan xtintaqej ri urtisanik ri rusujun chike ri tinamit Israel y ri Judá.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

San Mateo 23:9

Man tibij qatata' chire jun wineq ri k'o ruq'ij re wawe' chuwech re ruwach'ulew. Roma xa kan xaxe jun qatata' ri k'o chila' chikaj.

San Mateo 7:10

¿Nuya' ta kami jun itzel kumetz pa ruq'a', toq ri ak'ual xa jun ker nrajo'?

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Romanos 3:9

Y wakami, ¿nibij rix chi chuwech ri Dios ri qak'aslen roj kan más utz ke chuwech ri kik'aslen ri man e judío ta? Man keri' ta. Qonojel winaqi', chi judío y man judío ta, qonojel oj qajineq chuxe' ri mak.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.

1 Juan 4:10

Y rik'in re' xq'alajin ri ajowabel: Chi kan ja ri Dios ri xojajowan-pe nabey, y man ja ta roj. Y roma ri janila rajowabal pa qawi', xuteq k'a pe ri Ruk'ajol richin xken qoma, richin chi nikuyutej ri qamak.