San Mateo 6:9 - Kaqchiquel Bible

⁹ Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Rix atoq ndibꞌen orar, kereꞌ tibꞌij: Qatataꞌ Dios ri ratkꞌo chikaj, Kin jumul tinimrisex ri loqꞌolej abꞌiꞌ.

Kaqchikel Santa Maria de Jesus

⁹ Antok ixreꞌ xtiꞌan orar, tiꞌej cava: Katataꞌ Dios ri atcꞌo chila chicaj, quinojiel ta ri vinak xtiquiyaꞌ akꞌij y nem xtiquiꞌan cha ri santo abꞌeꞌ.

Kaqchikel Central Guatemala

⁹ Tok rix niben orar, tibana' jun oración achi'el re': Katata' Dios atc'o chila' chicaj, xtibanatej ta c'a chi conojel ta ri vinek niquiya' ta ak'ij, y man ta xtiquixolk'otij (xtiquixalk'atuj) ri lok'olej abi'.

Re C'ac'a Testamento pa Kach'abal

⁹ Tak yex niban orar, tibana' jun oración ancha'l re': Karta' Dios yatc'o chila' chicaj, can-ta conojel re vinak niquiya' ruk'ij re abe'.

Kaqchikel Western Solola

⁹ Tek riyix niben orar, tibana' jun oración achi'el re': Katata' Dios yitc'o chila' chicaj, xtibanatej ta c'a chi quinojel ta ri winek niquiya' ta ak'ij, y man ta xtiquixolk'otij ri lok'olaj abi'.

San Mateo 6:9 ပူးပေါင်းရင်းမြစ်များ

2 Sam 7:26

richin kan xtinimirisex ta ri abi' jumul, y ri winaqi' richin chijun ri ruwach'ulew xtiketamaj ta chi kan ja rat ri at Jehová k'iytisanel richin ronojel, ri at qa-Dios roj. Chuqa' kan xtiketamaj ta chi ri wijatzul kan xtik'oje' richin jantape' chawech rat.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Crón 17:24

richin chi ri wijatzul xtik'oje' richin q'asen, y richin chi ri abi' kan xtinimirisex k'a. Y roma ri' ri winaqi' xtikibij chi ja rat Jehová, ri Dios ri k'iytisanel richin ronojel; ja rat ri Dios ri atk'o pa qawi' roj ri oj aj-Israel. Y chuqa' keri' rat xtajikiba' ri wijatzul richin q'asen.

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

Wuj Richin Bix Chire ri Dios 111:9

Xuteq k'a pe ri kolotajik chire ri rutinamit; ri jikibel-tzij ri rubanon, kan jari' ri k'o jantape'. Ri rubi' rija' kan loq'olej-wi y kan k'o rukiy.

Wuj Richin Bix Chire ri Dios 115:3

Ri qa-Dios roj k'o k'a chila' chikaj. Ronojel ri nurayij chi nuben, kan rubanon.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Wuj Richin ri Isaías 63:16

Man rik'in ri', ja rat ri at qatata', stape' ri Abraham y ri Jacob man ek'o ta pe wawe' richin yojkiya-apo chawech. Stape' rik'in ronojel re' kan ja rat ri at qatata', y kan ja rat ri at qakolonel richin tibe-q'ij tibe-seq.

Wuj Richin ri Isaías 64:8

Man rik'in ri', ajaw ja rat ri at qatata'. Roj ojk'o pan aq'a' achi'el ri xeq-ulew toq k'o pa ruq'a' ri banoy bojo'y. Qonojel k'a roj, ja rat ri xabanon qichin.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Ez 36:23

Y chikiwech konojel ri tzobaj winaqi' richin ri ruwach'ulew xtink'ut ri loq'olej nubi', ri iqasan ruq'ij rix chikikojol rije'. Y toq yin xtinben re', jari' xtiketamaj chi ja yin Jehová.

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Wuj Richin ri Zacarías 14:9

Ri q'ij k'ari' kan ja ri Jehová xtiq'aton-tzij pa ruwi' chijun ruwach'ulew. Y xaxe chuqa' rija' xtiya'ox ruq'ij.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

San Mateo 10:29

Rix kan jebel k'a iwetaman chi ka'i' taq aj-xik' chikopi' xaxe ok jun ti méro kajel. Y man rik'in chi maneq ok kajel, man jun chike rije' ri xtitzaq ta pan ulew wi man nuya' ta q'ij ri aj-chikajil qatata'.

San Mateo 23:9

Man tibij qatata' chire jun wineq ri k'o ruq'ij re wawe' chuwech re ruwach'ulew. Roma xa kan xaxe jun qatata' ri k'o chila' chikaj.

San Mateo 26:29

Kan ninbij-wi k'a chiwe chi ja ruk'isibel bey re' xinqum-el ri vino k'a toq xtinqum chik jun bey k'ak'a' vino, chupan chik ri rajawaren ri nata'. Y chiri' kan junan chik k'a xtinqum iwik'in rix, xcha' ri Jesús chike.

San Mateo 26:42

Ri Jesús xbe chik apo richin xbech'on chik ruka'n bey rik'in ri Dios y xubij: Nata' yin, wi kan k'o chi nink'owisaj ri tijoj-poqonal ri', kan tibanatej k'a ri arayibel rat.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

San Mateo 6:14

Roma ri' wi rix ye'ikuy ri winaqi' ri k'o etzelal nikiben chiwe, ri aj-chikajil qatata' kan xkixrukuy chuqa' rix.

San Mateo 6:6

Roma ri', toq k'o jun chiwe rix nich'on rik'in ri Dios, kan utz k'a tok pa jay y tutz'apej-pe ri ruchi' ri jay, y k'ari' tich'on pan ewel rik'in ri qatata' ri nak'axan richin. Ri nak'axan-pe richin pan ewel, kan xtutz'et-wi y xtuya' rajel ruk'exel chikiwech ri winaqi'.

San Mateo 7:11

Wi rix stape' kan janila ix mal, man yixtikir ta niben keri' chike ri iwalk'ual, k'a ta la' k'a ri aj-chikajil qatata' chi man ta nuya-pe chiwe ri nik'utuj chire. Y ronojel ri nuya-pe rija' kan e utz wi.

San Lucas 15:18

Más utz kitzolin na rik'in ri nata', y xtinbij k'a chire chi ximakun chuwech ri Dios, y ximakun chuqa' chuwech rija'.

San Lucas 15:21

Ri ala' kan jari' xubij chire ri rutata': Táta, ximakun chuwech ri Dios, y kan ximakun chuqa' chawech rat. Man chik k'a ruk'amon ta chi nabij ak'ajol chuwe, xcha'.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

Romanos 8:15

Y ri Espíritu ri nuya' ri Dios chiqe man nuben ta chiqe chi oj achi'el jun samajel ri janila nuxibij-ri' chuwech ri rajaw. Pa ruk'exel ri' wakami oj ralk'ual chik rija', y qatata' niqabij chire ri Dios.

Gálatas 1:1

Yin Pablo, in jun taqon roma ri Cristo, y man winaqi' ta k'a xecha'on, ni xetaqon wichin. Ri taqayon-pe wichin ja ri Jesucristo y ri Dios ri Tata'ixel; ri xbanon chire ri Jesucristo chi xk'astej chik pe.

Gálatas 4:6

Y richin niq'alajin chi oj-ralk'ual chik ri Dios, rija' xuteq k'a pe ri Loq'olej Espíritu pa taq qánima qonojel. Y ri Loq'olej Espíritu nubij k'a: ¡Nata' yin, nata' yin!, nicha' chire ri Dios.

1 Timoteo 6:16

Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Apocalipsis 5:12

Y rije' rik'in ronojel kuchuq'a' nikibixaj: Ri Karne'l ri xkamisex kan ruk'amon-wi chi nuk'ul ronojel uchuq'a', beyomel y etamabel. Kan ruk'amon chi nuk'ul ruq'ij-ruk'ojlen y ruwaq'ijaj, yecha'.