San Mateo 6:1 - Kaqchiquel Bible

¹ Kan tichajij k'a iwi' jebel chi man tibananej chikiwech ri winaqi' chi kan yixtajin chubanik ri nrajo' ri Dios, xaxe richin yixtz'et; roma wi xa keri' xtiben, kan man jun k'a ruk'exel xtik'ul rik'in ri aj-chikajil qatata'.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Atoq rix ndibꞌen utz chare jun, ma tibꞌananej chikiwech ri wineq, porque si keriꞌ ndibꞌen, ri aj chikaj Itataꞌ nixta jun rajel-rukꞌexel xtuyaꞌ pe chiwa.

Kaqchikel Santa Maria de Jesus

¹ Can tibꞌanaꞌ cuenta-iviꞌ jaꞌal, man tiꞌan chiquivach ri vinak chi ntitoꞌ jun, joꞌc chi nquixquitzꞌat chi ixreꞌ can ntiꞌan ri nrajoꞌ ri Dios. Y xa quireꞌ xtiꞌan, ri Itataꞌ ri cꞌo chicaj can man jun rucꞌaxiel xtuyaꞌ chiva rumareꞌ.

Kaqchikel Central Guatemala

¹ Can tichajij c'a ivi' jebel, chi man tibananej chiquivech ri vinek chi can yixajin chubanic ri nrajo' ri Dios, roma xa man utz ta. Roma vi xa queri' xtiben, can man jun c'a rajel-ruq'uexel xtic'ul riq'uin ri aj-chicajil Itata'.

Re C'ac'a Testamento pa Kach'abal

¹ Can jabal tichajij-ivi', che man tibananej chiquivach re vinak che can yixtajin chubanic re nrajo' re Dios. Roma vo xa quire' xtiban, can man jun c'a rajal-ruq'uixel xtic'ul riq'uin re Irta' re c'o chila' chicaj.

Kaqchikel Western Solola

¹ Can tichajij c'a iwi' jabel, chi ma xaxu (xaxe) ta riche (rixin) chi utz yixtz'etetej cuma ri winek tek niben ri nrajo' ri Dios, ri' ma utz ta. Ruma wi xa queri' niben, can majun c'a rajel ruq'uexel xtic'ul riq'ui ri Itata' ri c'o chila' chicaj.

San Mateo 6:1 ပူးပေါင်းရင်းမြစ်များ

2 Rey 10:16

Y ri Jehú xubij chire: Wakami yabe wik'in richin xtatz'et chi yin rik'in ronojel wánima ninwajo' ri Jehová, xcha'. Y keri' junan k'a xebe chupan ri ru-carruaje.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Wuj Richin ri Zacarías 13:4

Y xtibek'uluwachitej chi konojel ri e q'alajirisanela' xa kan xkek'ix k'a chi xtikiq'alajirisaj ri xk'utumej chikiwech, y man jun bey chik xtikikusaj sale'y retal chi e q'alajirisanela', y nikitz'uk-tzij chikiwech ri winaqi'.

Wuj Richin ri Zacarías 7:5

chi tinbij k'a chike konojel ri winaqi' y chuqa' chike ri sacerdote chi juna' chi juna' chupan ri oxk'al lajuj juna', rije' xemewayin y xejilon chupan ri ro' y ri ruwuq ik'. Jak'a rije' xa man richin ta xkiya' ruq'ij-ruk'ojlen ri Jehová.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

San Mateo 16:6

Roma ri' ri Jesús xubij k'a chike: Tichajij-iwi' chuwech ri ch'amilej-q'or ri kik'uan ri fariseo y ri saduceo, xcha'.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

San Mateo 23:5

Rije' nikibanala' k'a ri utz, jak'a man richin ta chi utz nikiben chuwech ri Dios. Rije' xaxe richin chi ketz'et y kenimex koma ri winaqi'. Y tikitz'eta' k'a ri retal ri kik'uan chirij ri kiq'a' y ri nik'aj-kiwech, ri ek'o mokaj ruch'abel ri Dios chupan. Y chuqa' más nima'q raqen nikibanala' chire ri retz'aba'l ruchi' taq kitziaq retal chi kan kijachon-ki' pa ruq'a' ri Dios.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Mateo 5:46

Wi rix ye'iwajo' xaxe ri ye'ajowan iwichin, xa man jun rajel-ruk'exel xtik'ul, roma ri keri' xa kan kibanobal chuqa' ri e itzel taq moloy méro ri k'o chi nitoj chire ri rey aj-Roma.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

San Mateo 6:16

Toq rix yixmewayin richin yixch'on rik'in ri Dios, man k'a tiben achi'el nikiben ri winaqi' ri ka'i' kipalej; ri kan yebison ri yetzu'un; kan e jalatajineq k'a ri yetzu'un, xaxe richin tiq'alajin chikiwech ri winaqi' chi kan yemewayin. Kan qitzij ninbij chiwe chi ri yebanon keri' xa kan xkik'ul yan k'a ri rajel ruk'exel.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Marcos 8:15

Ri Jesús xubij chike: Kan tiwak'axaj k'a re xtinbij chiwe, chi kan tichajij iwi' chuwech ri ch'amilej-q'or ri kik'uan ri fariseo y ri Herodes, xcha' ri Jesús.

San Lucas 11:35

Roma ri' tichajij ri ik'aslen, richin keri' ri saqil ri ruya'on ri Dios pan iwánima man tijalatej, y xa xtok qa q'equ'm.

San Lucas 12:1

Janila chi winaqi' ri xkimol-apo-ki' ri chiri'. Roma ri' nikinimila' chik ki'. Ri Jesús xuchop k'a tzij kik'in ri rutijoxela' nabey, y xubij chike: Tichajij-iwi', roma ri fariseo xa ka'i' kipalej, y man niq'alajin ta achike kibanik, achi'el ri ch'amilej-q'or.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

San Juan 12:43

Rije' xa más k'a xkich'ob achike xtikibij ri winaqi', y man ja ta ri nuch'ob ri Dios.

San Juan 5:44

Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

Hechos 3:12

Toq ri Pedro xerutz'et ri winaqi', xubij k'a chike: Nuwinaq israelita, ¿achike k'a roma toq achi'el nisach ik'u'x roma re xbanatej? ¿Achike roma toq ja roj ri yojitzu'? Man ja ta ri quchuq'a' roj ri xbanon re', y chuqa' man ja ta ri utz ri niqaben chuwech ri Dios ri xbanon.

Gálatas 6:12

Ri winaqi' ri yebanon chiwe chi kan tiqupix ri kich'akul ri achi'a' richin jun etal, kan xaxe richin ketz'et y kenimex chi kan nikiben-wi ri nubij ri pixa'. Rije' man nikajo' ta chi ye'etzelex. Roma ri' man nikiq'alajirisaj ta chi ri kolotajik nibanatej kan xaxe roma ri rukamik ri Jesucristo.

Deut 24:13

K'o chi nitzolij-el chire toq niqaqa yan qa ri q'ij, richin keri' k'o nuq'uj-qa toq niwer-qa. Keri' rija' xtroyoj urtisanik pan iwi' y kan xtiben jun utzilej banobel chuwech ri Jehová ri qa-Dios.

Hebreos 11:26

Rija' nuch'ob chi más rejqalen nutej poqon, roma xcha'ox roma ri Dios, ke chuwech nuk'ul ta ronojel ri beyomel ri k'o chiri' pa ruwach'ulew Egipto, roma kan royoben chik apo ri rajel ruk'exel ri xtuya' ri Dios chire.

Hebreos 2:1

Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

2 Juan 1:8

Jak'a rix ri jebel isamajin-pe ri Dios, tichajij k'a ri ik'aslen, richin keri' man ta xtisach kan juba' chire ri ich'akon k'a re wakami. Y wi keri' xtiben, kan tz'aqet k'a ri xtik'ul.