San Mateo 5:9 - Kaqchiquel Bible

⁹ Jebel ruwa-kiq'ij ri yeqasan ruwi' oyowal, roma rije' xtibix chike chi e ralk'ual ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Kin jabꞌel rokiqꞌij ri ndikitij kiqꞌij ndikitik uxlanen chikikajal ri wineq, Porque ri Dios kin xtubꞌij ralkꞌuaꞌl chake.

Kaqchikel Santa Maria de Jesus

⁹ Can jaꞌal caꞌquicuot ri niquiꞌan chi niqꞌuis ri ayoval, ruma xtiꞌeꞌx chica chi i-ralcꞌual ri Dios.

Kaqchikel Central Guatemala

⁹ Jebel ruva-quik'ij ri c'o cánima ri nikasan ruvi' oyoval, roma rije' xtibix chique chi e ralc'ual ri Dios.

Re C'ac'a Testamento pa Kach'abal

⁹ Yex re camas ch'o'l re ivánma, y tak c'o ayoval can nitaj ik'ij che niq'uis-a re ayoval, otz-ibanoj roma can xtibex chiva che yix rajc'ual re Dios.

Kaqchikel Western Solola

⁹ Jabel ruwaquik'ij ri c'o cánima riche (rixin) chi yequibochi'ij ri yebano oyowal, ruma riye' xtibix chique chi ye ralc'ual ri Dios.

San Mateo 5:9 ပူးပေါင်းရင်းမြစ်များ

Hebreos 12:14

Titija' iq'ij chi nik'oje' uxlanibel-k'u'x chi'ikojol kik'in konojel winaqi', y tik'uaj jun k'aslen ri kan loq'olej. Roma wi man keri' ta, man xkixtikir ta xtitz'et ruwech ri Dios.

Romanos 12:18

Man k'a tiben oyowal; xa titija' iq'ij chi nik'oje' uxlanibel-k'u'x iwik'in kik'in konojel winaqi'.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Wuj Richin Bix Chire ri Dios 120:6

Xa kan xik'o yan k'a nuk'u'x chi in k'es chikikojol ri winaqi' ri man niqa' ta chikiwech ri uxlanibel-k'u'x.

Romanos 8:14

Qonojel ri oj uk'uan k'a roma ri Loq'olej Espíritu richin ri Dios, kan oj ralk'ual chik ri Dios.

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

2 Corintios 13:11

Wach'alal, pa ruk'isibel ninbij chik el chiwe chi kan tik'oje' kikoten ri pa taq iwánima, titija' iq'ij chi ri ik'aslen kan tz'aqatineq ta, tikuqubala' ik'u'x chi'ijujunal, jun iwech tibana', y man jun ta oyowal chi'ikojol. Richin keri' ri Dios kan xtik'oje' iwik'in, roma xaxe rik'in rija' nipe-wi ri ajowabel y ri uxlanen.

Colosenses 3:13

Toq k'o jun ri nibanon itzel chiqe, tiqakoch'o' y tiqakuyu', kan achi'el xuben ri Cristo chi xukuy ri qamak roj.

Wuj Richin Bix Chire ri Dios 34:12

Wi rix niwajo-qa-iwi', y wi niwajo' k'iy q'ij richin yixk'ase',

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

2 Corintios 5:20

Roma ri' roj kan yojch'on pa rubi' ri Cristo, y kan achi'el ja ta ri Dios ri nich'on iwik'in qoma roj. Niqak'utuj k'a utzil chiwe pa rubi' ri Cristo chi tijunamatej-iwech rik'in ri Dios.

Hechos 7:26

Pa ruka'n q'ij, ek'o k'a e ka'i' winaqi' judío nikiben oyowal. Ri Moisés xapon k'a apo kik'in, y xrajo' ta xok chikikojol richin chi man ta nikiben oyowal. Roma ri' rija' xuk'utuj chike chi achike roma nikiben oyowal, roma rije' kan kach'alal-ki'.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

1 Crón 12:17

Y ri David xpe richin xeberuk'ulu-el, y xubij chike: Wi rix ix peteneq rik'in utzilej iwánima y richin yinito-el; xkixink'ul k'a rik'in ronojel wánima y xkixk'oje' wik'in. Jak'a wi xa ix peteneq richin chi yiniq'ol y yinijech-el pa kiq'a' ri etzelanel wichin, stape' xa man jun itzel nubanon chiwech; kan ja ta ri qa-Dios y ri ki-Dios ri qati't-qamama' xkixtz'eton y kan ta xtuya' ruk'ayewal pan iwi', xcha' ri David.

1 Corintios 6:6

Pa ruk'exel chi keri' ta ibanon, ri qach'alal xa kichapon yekiqasaj qach'alal chikiwech q'atoy taq tzij. Y ri q'atoy taq tzij ri' xa man kikuquban ta kik'u'x rik'in ri Cristo.

Filipenses 4:2

Nink'utuj utzil chike ri qach'alal Evodia y ri Síntique chi junan ta kiwech chubanik ri rusamaj ri Ajaw.

San Lucas 20:36

Roma rije' man chik xtapon ta ri kamik kik'in, roma kan e achi'el chik ri ángel. Chuqa' konojel e ralk'ual ri Dios roma e k'astajineq chik el.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

Romanos 8:16

Roma ri Loq'olej Espíritu nuben chiqe chi niqana' pa qánima chi kan qitzij oj ralk'ual wi ri Dios.

Romanos 8:19

Y re ruwach'ulew y ri ch'aqa' chik ri e rubanon ri Dios, kan koyoben ri q'ij toq rija' nubij achike ri' ri e ralk'ual rija'.