San Mateo 5:48 - Kaqchiquel Bible

⁴⁸ Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁸ Romariꞌ, tibꞌanaꞌ nojel pa ruchojmil achel ri aj chikaj Itataꞌ Dios ndubꞌen nojel pa ruchojmil.

Kaqchikel Santa Maria de Jesus

⁴⁸ Ixreꞌ can choj tibꞌanaꞌ riqꞌuin nojiel ri ntiꞌan, incheꞌl ri Itataꞌ ri cꞌo chicaj; jajaꞌ can choj riqꞌuin nojiel ri nuꞌon.

Kaqchikel Central Guatemala

⁴⁸ Rix can quixoc c'a tz'aket riq'uin ri ibanobal achi'el ri aj-chicajil Itata'. Rija' tz'akatinek riq'uin ri rubanobal.

Re C'ac'a Testamento pa Kach'abal

⁴⁸ Yex can quixoc tz'akat riq'uin re ibanabal ancha'l re Irta' re c'o chila' chicaj. Reja' can tz'akat riq'uin re rubanabal.

Kaqchikel Western Solola

⁴⁸ Riyix can choj tibana' riq'ui ri ye'ibanala' achi'el nuben ri Itata' ri c'o chila' chicaj. Riya' can choj wi riq'ui ri yerubanala'.

San Mateo 5:48 ပူးပေါင်းရင်းမြစ်များ

Santiago 1:4

Man jun bey tik'is ri koch'onik iwik'in, roma k'iy utzil nuk'en-pe chire ri ik'aslen, nuben chiwe chi yixk'iy, tz'aqet ri ik'aslen y man jun chik nrajo'.

Wuj Richin ri Chojmirisabelri'il 19:2

tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi.

San Lucas 6:36

Tijoyowaj kiwech ri winaqi', kan achi'el ri nujoyowaj qawech roj ri qatata' Dios.

Deut 18:13

Jak'a rix kan choj ri ik'aslen tibana' chuwech ri Jehová ri qa-Dios.

Colosenses 1:28

Roj kan ja ri Cristo ri niqaq'alajirisaj. Niqabij chike konojel chi tikiya' kan ri mak, y rik'in ronojel etamabel yeqatijoj konojel, roma niqajo' chi kan tz'aqet ta ri kik'aslen toq ye'apon-q'anej rik'in ri Dios.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

San Lucas 6:40

Keri' chuqa' man jun k'a tijoxel ri más ta retamabal chuwech ri rutijonel. Xa kan k'a nretamaj na ronojel ri nik'atzin, k'ari' junan nuben-el rik'in ri rutijonel.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Chojmirisabelri'il 11:44

Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

2 Corintios 13:9

Y roma ri' roj kan yojkikot toq rix k'o iwuchuq'a' stape' roj maneq uchuq'a' qik'in. Roj kan niqak'utuj k'a chire ri Dios chi rix ix tz'aqatineq ta rik'in ri ik'aslen.

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

2 Corintios 13:11

Wach'alal, pa ruk'isibel ninbij chik el chiwe chi kan tik'oje' kikoten ri pa taq iwánima, titija' iq'ij chi ri ik'aslen kan tz'aqatineq ta, tikuqubala' ik'u'x chi'ijujunal, jun iwech tibana', y man jun ta oyowal chi'ikojol. Richin keri' ri Dios kan xtik'oje' iwik'in, roma xaxe rik'in rija' nipe-wi ri ajowabel y ri uxlanen.

Efesios 3:1

Roma ronojel re', yin, Pablo, xinok pa cárcel roma ninsamajij ri Cristo Jesús roma ri wajowabal pan iwi' rix ri man ix judío ta.

2 Sam 22:31

Ri Jehová kan choj-wi ri rubey, y ri rupixabanik kan janila ch'ajch'oj achi'el ri q'anapueq ri ya'erisan pa q'aq'. Rija' kan yojruto' k'a qonojel roj ri niqakuquba' qak'u'x rik'in.

San Mateo 5:47

Y wi rix xaxe ri iwach'alal ri ye'iq'ejela', ¿achike ta chik k'a ri más utz ri yixtajin chubanik? Man jun. Roma xa keri' chuqa' nikiben ri winaqi' ri man ketaman ta ruwech ri Dios.

Deut 27:10

Roma ri' k'o chi niya' ixikin chire ri ruch'abel rija', y kan niben ri nubij ronojel ri pixa' ri xinbij chiwe re q'ij re', xcha'.