San Mateo 5:47 - Kaqchiquel Bible

⁴⁷ Y wi rix xaxe ri iwach'alal ri ye'iq'ejela', ¿achike ta chik k'a ri más utz ri yixtajin chubanik? Man jun. Roma xa keri' chuqa' nikiben ri winaqi' ri man ketaman ta ruwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁷ Y si rix xaxe ri iwetaman kiwech utz inoꞌoj ndibꞌen chake, ¿la kꞌo kꞌa rukajal ndibꞌen rix ke chuwech ri ndikibꞌen ri ma erutinamit ta ri Dios? Porque hasta jajun rejeꞌ, keriꞌ ndikibꞌen.

Kaqchikel Santa Maria de Jesus

⁴⁷ Y xa joꞌc quiqꞌuin ri iv-hermanos jaꞌal ntiꞌan saludar-iviꞌ, ¿chica otz nitzꞌiet iviqꞌuin? ¿Man quireꞌ ta came niquiꞌan ri man cataꞌn ta roch ri Dios?

Kaqchikel Central Guatemala

⁴⁷ Y vi xaxe ri ivach'alal nik'etela' tok nik'ejela' (nik'ijala'), ¿achique ta chic c'a ri más utz yixajin chubanic? Man jun. Roma hasta ri vinek ri man quetaman ta ruvech ri Dios yetiquir niquiben queri'.

Re C'ac'a Testamento pa Kach'abal

⁴⁷ Y vo xaxe chivach-ka yex mismo niyala-va ruxnokil-ivach, man jun rajkalen re quire' niban. Roma hasta re vinak re man quitaman-ta rach re Dios quire' niquiban.

Kaqchikel Western Solola

⁴⁷ Y wi xaxu (xaxe wi) ri iwach'alal ye'ik'etela' tek niya' rutzil quiwech, ¿achique ta chic c'a ri más rejkalen ri yixtajin chubanic riyix? Majun. Ruma ri winek ri ma quetaman ta ruwech ri Dios can queri' chuka' niquiben riye'.

San Mateo 5:47 ပူးပေါင်းရင်းမြစ်များ

San Mateo 10:12

Y toq k'ari' yixok-apo chupan ri jay ri yixbek'oje-wi kan, kixq'ejelon k'a.

San Mateo 5:20

Roma ri', rix ri niwajo' yixok chupan ri aj-chikajil ajawaren, kan nik'atzin k'a chi ri ik'aslen más ta choj chuwech ri kik'aslen ri achi'a' etamanela' chirij ri pixa' y chuwech ri kik'aslen ri fariseo.

San Mateo 5:46

Wi rix ye'iwajo' xaxe ri ye'ajowan iwichin, xa man jun rajel-ruk'exel xtik'ul, roma ri keri' xa kan kibanobal chuqa' ri e itzel taq moloy méro ri k'o chi nitoj chire ri rey aj-Roma.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

San Lucas 6:32

Wi rix xaxe ri winaqi' ri ye'ajowan iwichin ri ye'iwajo', ¿achike ruk'amon-pe chiwe ri'? Roma xabachike wineq nitikir nibanon keri'. Kan keri' chuqa' ri winaqi' ri janila e itzel yekajo' xaxe ri ye'ajowan kichin.

Colosenses 4:14

Y chuqa' ri Lucas nuteq-el rutzil-iwech. Rija' jun aq'omanel chirij ri ruch'abel ri Dios y yin janila ninwajo'. Chuqa' ri Demas nuteq-el rutzil-iwech.

Colosenses 4:15

Y rix tibana' utzil tiya' rutzil-kiwech ri qach'alal ri ek'o pa tinamit Laodicea. Y tiya' rutzil-ruwech ri Ninfa y ri molaj qach'alal ri nikimol-ki' pa rachoch rija'.

1 Pedro 2:20

Wi rix niya'ox ruk'ayewal pan iwi' roma kan k'o imak xiben, man jun utz nuk'en-pe chiwe chi janila yixkoch'on. Jak'a wi nik'uluwachij ta jun tijoj-poqonal roma jun banobel utz y yixkoch'on, ri Dios kan niqa-wi chuwech ri niben.