San Mateo 5:42 - Kaqchiquel Bible

⁴² Y wi k'o jun ri k'o nuk'utuj chiwe, kan tiya' k'a chire. Y wi k'o chuqa' nuk'utuj pa qajik chiwe, man tipoqonaj niya-el chire.

နောက်ထပ်ဗားရှင်းများ

Kaqchikel Santo Domingo (Xenacoj)

⁴² Si kꞌo jun ndukꞌutuj rutoꞌik chawa, tatoꞌ, y si kꞌo jun ndirajoꞌ nduqej jun achike chawa, ma takꞌekꞌej chare.

Kaqchikel Santa Maria de Jesus

⁴² Y xa cꞌo jun cꞌo nucꞌutuj chava, tayaꞌ cha ri nrajoꞌ. Y xa cꞌo jun nucꞌutuj jun kax pa kajic chava, can taya-el cha.

Kaqchikel Central Guatemala

⁴² Y vi c'o c'a jun chive rix c'o nic'utux chire roma jun vinek, can tuya' c'a el chire. Y vi c'o chuka' nrajo' chi nukej-el, man jun bey c'a tuch'ob chi man nuya' ta el.

Re C'ac'a Testamento pa Kach'abal

⁴² Y vo xa c'o jun chiva yex c'o jun cosa nuc'utuj jun vinak cha, can tuya-a cha. Y vo xa c'o chuka' jun nrajo' nukaj-a jun cosa chava, man jun bey tanojij che man naya-ta-a cha.

Kaqchikel Western Solola

⁴² Y wi c'o c'a jun chiwe riyix ri c'o nic'utux chare ruma jun winek, can tuya' c'a el chare. Y wi c'o chuka' jun ri c'o nrajo' nukej el chare, ma tupokonaj ta nuya' el chare.

San Mateo 5:42 ပူးပေါင်းရင်းမြစ်များ

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

Wuj Richin Bix Chire ri Dios 37:21

Ri banoy etzelal k'o ri nuqej, y man nutzolij ta chik; jak'a ri choj ruk'aslen kan k'o joyowanik rik'in y nuya'.

Romanos 12:20

Y chuqa' nubij chi ruk'amon chi roj niqaya' ruway ri etzelanel qichin, y wi ta chaqi'j ruchi', ruk'amon richin niqaya' ruya'. Y wi niqaben keri' rik'in, ri etzelanel qichin xa xtiq'aq'er rupalej roma k'ix, nicha' ri ruch'abel ri Dios.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Wuj Richin ri Molojri'il 11:6

Kan pa ruq'ijul yan k'a tabana-qa ri atiko'n, y chuqa' kan tabana' toq eleneq chik ri nabey tikoj. Kan man kakos chubanik ri asamaj; rat kan man awetaman ta k'a achike ri utz nel chawech, wi ja ri xatik-qa pa nabey ó ja ri xatik-qa pa ruka'n, ó xa chi ka'i' utz nel chawech.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

Wuj Richin Etamabel-Tzij 21:26

Ek'o winaqi' ri kan niq'ax ri q'ij pa kiwi' y ronojel yekirayila' chi k'o ta pe kik'in, jak'a ri wineq ri choj ruk'aslen, roma kan k'o ri nukusaj, kan rik'in kikoten nuya'.

San Mateo 5:41

Wi jun aj-labal nibanon chiwe chi tik'uaj-el ri rejqa'n, xa kan rik'in k'a kikoten tik'uaj ri ejqa'n ri', y chuqa' man tipoqonaj nisuj-iwi' richin nik'uaj más nej.