San Mateo 5:39 - Kaqchiquel Bible

³⁹ Jak'a yin ninbij chiwe chi man tipaba-iwi' chuwech ri nibanon etzelal chiwe. Wi xa k'o k'a jun ri nupaq'ij ri ipalej, xa kan utz k'a niya-iwi' pa ruq'a' jun bey chik.

နောက်ထပ်ဗားရှင်းများ

Kaqchikel Santo Domingo (Xenacoj)

³⁹ Pero riyin nibꞌij chiwa: Si kꞌo jun ndubꞌen jun itzel chawa, ma ndabꞌen rukꞌexel chare. Pa rukꞌexel chi keriꞌ ndabꞌen, si kꞌo jun ndutzꞌej ri rikiqꞌaꞌ aqꞌoꞌtz, tayaꞌ chi apu ri jun aqꞌoꞌtz chuwech.

Kaqchikel Santa Maria de Jesus

³⁹ Pero inreꞌ niꞌej chiva: Man tiꞌan rucꞌaxiel cha ri nibꞌano itziel chiva. Xa cꞌo jun nuyaꞌ jutzꞌaj kꞌaꞌ cha ri akꞌoꞌtz derecha, xa tayaꞌ chic apa ri jun chic lado choch.

Kaqchikel Central Guatemala

³⁹ Jac'a yin ninbij chive: Man tipaba-ivi' chuvech ri nibanon etzelal chive. Vi xa c'o c'a jun ri yixch'ayon, man c'a tiya' ruq'uexel chire. Utz c'a niya' chic ivi' pa ruk'a' jun bey.

Re C'ac'a Testamento pa Kach'abal

³⁹ Pero yen nimbij chiva, che man titzolij ruq'uixel cha re anchique xbano re etzelal chiva. Vo xa c'o jun re xch'ayo avichin, man taya' ruq'uixel cha. Otz che naya' chic jun bey-avi' pa ruk'a' chin yatruch'ay.

Kaqchikel Western Solola

³⁹ Yac'a riyin nbij chiwe: Xa ticoch'o' ri nibano jun pokon chiwe. Wi xa c'o c'a jun ri xupak'ij juc'an apalej chi k'a' ri c'o pan awajquik'a', xa taya' chic apo ri juc'an apalej chuwech.

San Mateo 5:39 ပူးပေါင်းရင်းမြစ်များ

1 Tesalonicenses 5:15

Y wi k'o ri xkebanon etzelal chiwe, man tiben ruk'exel chike. Xa titija' iq'ij niben ri utz chike ri qach'alal, y chike konojel winaqi'.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

Wuj Richin Etamabel-Tzij 20:22

Rat kan man jun bey k'a tabij chire jun wineq: Nabetojo' na pa nuq'a', xa más utz tawoyobej chi ja na ri Jehová nichojmirisan ri' y xkarukol chuwech jun ch'a'oj.

Wuj Richin ri K'uxla'anik 3:30

Wi ta niya'ox jun q'a' chiqapalej, kan tiqaya' q'ij richin niya'ox jun chik, y tiqakoch'o' ronojel ri yebix chiqij.

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

Wuj Richin Etamabel-Tzij 24:29

Man jun bey k'a tabij: Kan achi'el ri xuben rija' chuwe yin, kan keri' ri xtinben yin chire; ri ruk'exel ri xtinya' yin chire rija', kan achi'el k'a ri rubanik ri rubanobal, man kacha'.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

1 Corintios 6:7

Kan man utz ta k'a ibanon rix chi k'o ch'ojikil chi'ikojol. ¿Man más ta kami utz chi man jun ta niben rix toq k'o ri nibix y k'o ri niban chiwe? ¿Man más ta kami utz chi rix niya' q'ij chi k'o ri nelesex kan chiwe, ke chuwech nichop oyowal chirij?

Santiago 5:6

Rix beyoma' niyek ch'a'oj chikij ri winaqi' choj kik'aslen, y rik'in ri' yeken pan iq'a'. Y rije' man jun nikiben richin nikito' ta ki'.

Wuj Richin ri Achin Job 16:10

Ri winaqi' xkijeq k'a pa kichi' chuwij yin; xkaqer k'a ri nupalej roma xinkik'ixbisaj. Kan konojel k'a xkimol-ki' chuwij.

Hebreos 12:4

Rix kan itijon k'a iq'ij chirij ri mak, y roma ri' itijon poqon, jak'a man jani ix apowineq ta pa kamik.

San Lucas 22:64

K'ari' xkitz'apej runaq'-ruwech, xkipaq'ila' chupalej y nikik'utula' k'a chire: ¿Achike ri xach'ayo? Tabij na k'a chiqe, yecha' chire.

1 Rey 22:24

K'ari' xjel-apo ri Sedequías ruk'ajol ri Quenaaná rik'in ri Micaías y xuya' jun q'a' chupalej, y xubij chire: ¿Achi'el toq xel-el ri espíritu richin ri Jehová wik'in yin, y xa awik'in chik rat nich'on-wi?, xcha'.

Wuj Richin ri Miqueas 5:1

Kixyakatej k'a rix aj-labal aj-Jerusalem, roma sutin chik iwij koma ri e etzelanel iwichin. Re winaqi' re' kan xtikijich'aj rupalej ri i-rey rik'in jun xik'a'y.

San Mateo 5:40

Y wi k'o jun wineq ri kan yixruchop chi oyowal roma nrajo' nrelesaj kan ri itziaq chiwij, kan man k'a tipoqonaj niya' kan chire; y pa ruwi' ri', kan tiya' k'a kan chuqa' ri iq'u' chire.

San Lucas 6:7

Ek'o-apo jujun etamanela' chirij ri pixa' y chuqa' jujun fariseo ri kiq'eleben ri Jesús richin nikitz'et wi nuk'achojirisaj ri achin ri', richin nikisujuj roma nisamej chupan ri jun uxlanibel-q'ij ri'.

San Juan 18:23

Jak'a ri Jesús xubij chire ri chajinel ri': Wi k'o ch'abel ri man ja ta rubixik xinben-apo chire, taq'alajirisaj achike ri man pa rubeyal ta ri xinbij-apo. Y wi ronojel ri xinbij-apo, qitzij, ¿achike k'a roma toq xaya' jun q'a' chuwe?, xcha' ri Jesús.