San Mateo 5:19 - Kaqchiquel Bible

¹⁹ Xabachike wineq ri nuq'ej ruwi' jun chike ri nubij chupan ri pixa', stape' ta jun tzij ri achi'el xa ta man jun rejqalen niq'alajin; y kan keri' chuqa' yerutijoj-wi ri ch'aqa' chik winaqi'; ri nibanon keri', xa man jun k'a ok ruq'ij xtik'oje' chikikojol ri ek'o chupan ri aj-chikajil ajawaren. Jak'a ri wineq ri nibanon ronojel ri tz'ibatel chupan ri pixa' y kan keri' chuqa' yerutijoj-wi ri ch'aqa' chik winaqi', ri nibanon keri' kan xtik'oje' k'a ruq'ij chikikojol ri ek'o chupan ri ajawaren ri'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Roma kꞌa riꞌ, achike na jun wineq ri nduqꞌej jun chikiwech ri mandamientos chin ri ley, maske ja ri mandamiento ri más maneq ok reqalen ndiqꞌalajin, y keriꞌ ndukꞌut chi tikibꞌanaꞌ chꞌaqa chik, ndibꞌan chare chi más maneq ok reqalen chupan ri ru-reino ri aj chikaj Dios. Pero ri ndibꞌanun ri ndikibꞌij ri mandamientos, y keriꞌ ndukꞌut chi tikibꞌanaꞌ chꞌaqa chik, ndibꞌan chare chi nim reqalen chupan ri ru-reino ri aj chikaj Dios.

Kaqchikel Santa Maria de Jesus

¹⁹ Xa chica-na vinak ri man nrajoꞌ ta nuꞌon ri nuꞌej chupan ri ley, mesque jun tzij ri man can ta rakalien, y can quireꞌ mismo nucꞌut chiquivach nicꞌaj chic vinak chi man tiquiꞌan ri nuꞌej ri tzij reꞌ, ri nibꞌano quireꞌ xtiꞌan chꞌuteꞌn cha chupan ri reino ri cꞌo chicaj. Pero ri nibꞌano nojiel ri nuꞌej chupan ri ley y quireꞌ mismo nucꞌut chiquivach nicꞌaj chic vinak, chi tiquibꞌanaꞌ ri nuꞌej ri ley, can xtiꞌan nem cha chupan ri reino ri cꞌo chicaj.

Kaqchikel Central Guatemala

¹⁹ Xabachique vinek ri man nrajo' ta nuben ri nubij chupan ri ley, stape' ta jun tzij ri achi'el xa man jun rejkalen nik'alajin y can que chuka' ri' ri nuchilabej chique ch'aka' chic vinek chi tiquibana'; ri nibanon c'a queri', xa man jun c'a oc ruk'ij ri xtic'oje' chiquicojol ri ec'o pa rajavaren o pa ruk'a' ri Dios. Jac'a ri vinek ri nibanon ronojel ri nubij chupan ri ley y can que chuka' ri' nuchilabej chique ri ch'aka' chic vinek chi tiquibana', rija' can xtic'oje' c'a ruk'ij chiquicojol ri ec'o pa rajavaren o pa ruk'a' ri Dios.

Re C'ac'a Testamento pa Kach'abal

¹⁹ Mare' xabanchique vinak re man nrajo-ta nuban re nubij chupan re ley, astapa' jun tzij re can ancha'l che camanak rajkalen, y vo xa can quire' chuka' xtuc'ut chiquivach re nic'aj chic vinak che tiquibana', re nibano quire', xa camanak ruk'ij xtic'ue' chiquicojol re jec'o pa ruk'a' re Dios. Jac'a re vinak re nibano ronojel re nubij chupan re ley y can quire' chuka' xtuc'ut chiquivach re nic'aj chic vinak che tiquibana', reja' can xtic'ue' ruk'ij chiquicojol re jec'o pa ruk'a' re Dios.

Kaqchikel Western Solola

¹⁹ Xabachique winek ri ma nrajo' ta nuben jun chique ri pixa' ri nubij chupan ri ley, astape' jun pixa' ri achi'el xa ma nim ta rejkalen y can queri' chuka' nuc'ut chiquiwech ri winek, ri nibano c'a queri', ma nim ta oc ruk'ij ri xtic'oje' pa rajawaren ri caj. Yac'a ri winek ri can nuben wi ronojel ri pixa' ri nubij chupan ri ley y can queri' chuka' nuc'ut chiquiwech ri winek, riya' can nim c'a ruk'ij xtic'oje' pa rajawaren ri caj.

San Mateo 5:19 ပူးပေါင်းရင်းမြစ်များ

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Mateo 11:11

Kan qitzij k'a ninbij chiwe chi chikikojol ri janipe' ri e q'alajirisey ruch'abel ri Dios kan man jun k'a ri más ta nim ruq'ij chuwech ri Juan. Man rik'in ri' chupan ri aj-chikajil ajawaren, ri más ti ko'ol ruq'ij xa kan más nim ruq'ij chuwech ri Juan.

Wuj Richin Bix Chire ri Dios 119:6

Wi keri' kan man xkik'ixbitej ta k'a roma nintaqej ronojel ri apixa'.

Tito 3:8

Ronojel re xinbij yan, kan qitzij wi. Roma ri' ninwajo' chi man tatanaba' kitijoxik ri qach'alal chire ronojel re', richin keri' kan beneq ruwech tikitija' kiq'ij nikiben ri utzilej taq banobel. Ronojel re' kan utz wi y kan k'o utz nuk'en-pe chiqe qonojel.

Dn 12:3

Ri winaqi' ri e etamanela' ri xkeyuqen kichin ri winaqi' ri yebanon pa ruchojmilal xtikik'ul janila ruwaq'ijaj; y ri utzilej kitzijol kan xtitalutej chuwech chijun ruwach'ulew y chikaj.

Wuj Richin Bix Chire ri Dios 119:128

Roma ri' kan ja ri apixa' ri nutzeqeliben pa ruwi' ronojel; kan ninwetzelaj k'a ronojel ri man qitzij ta.

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.

Romanos 6:15

¿Achike k'a nel chi tzij ri xqabij? ¿Kan jantape' ta k'a xqojmakun xaxe roma ja ri rutzil ri Dios ri nikolon qichin, y man ja ta ri pixa'?

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

Romanos 6:1

¿Achike xtiqabij wakami? ¿Utz ta k'a chi k'a yojmakun na richin chi más niq'alajin ri rutzil ri Dios?

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

San Lucas 11:42

¡Toq'ex iwech rix fariseo! roma rix niya' ri lajujteq chire ronojel ri maneq janila rejqalen, achi'el ri q'ayis menta, ri róra*f23* y ronojel kiwech ichaj. Jak'a iya'on kan rubanik ri más rejqalen achi'el nubij chupan ri pixa' chi choj tiqabana' kik'in ri winaqi', y tiqajo' ri Dios. Jare' ri nabey ta ruk'amon qabanon, y k'a ta ri' niqaben ri yojtajin chubanik.

San Mateo 19:28

Ri Jesús xubij: Kan qitzij k'a ninbij chiwe chi toq xtapon ri ruq'ijul toq ronojel k'ak'a' chik rubanik, y toq yin, ri xiqaqa-pe achi'el wineq chi'ikojol, k'o chik nuq'ij-nuk'ojlen y xkitz'uye' pa nutz'uyubal richin q'atoy-tzij, jari' toq rix ri xixtzeqeliben wichin, chi'ijujunal xkixtz'uye' pa tz'uyubel richin niq'et-tzij pa kiwi' ri kablajuj tzobaj richin ri qawinaq judío.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

Romanos 3:8

Man tich'ob chi ri banoj-etzelal nuk'en-pe utz. Jak'a kan ek'o k'a ri e biyon chi yin keri' ninch'ob, y re' xaxe richin yech'on itzel chuwij. Roma ri' ri yech'obon keri', kan ruk'amon chi niqaqa ruk'ayewal pa kiwi'.

Hechos 1:1

Nimalej Teófilo: Yin nintz'ibaj-el re jun wuj re' chawe, achi'el ri wuj ri xintz'ibaj-el chawe pa nabey. Y chupan ri wuj ri' nutz'iban k'a el ri samaj ri xutikeriba' kan rubanik ri Jesús, y ri xutikeriba' kan ruk'utik chikiwech ri winaqi'.

San Lucas 9:48

Xubij k'a chike: Ri xtik'ulu jun ak'ual pa nubi', kan achi'el ja k'a yin ri xkiruk'ul, y ri xtik'ulun wichin yin, chuqa' kan xtuk'ul ri in taqayon-pe. Kan ja ri iwachibil ri más man jun ruq'ij, xa jari' ri más nim ruq'ij, xcha' ri Jesús.

San Lucas 1:15

Roma re alk'ual re' kan xtok nimalej samajel chuwech ri Dios. Roma ri' k'o chi man xtuqum ta vino, ni ch'aqa' chik kiwech ya' ri yeq'abarisan, roma kan k'a man jani nalex kan nojineq chik rik'in ri Loq'olej Espíritu.

San Mateo 20:26

Jak'a ri chi'ikojol rix man keri' ta. Roma ri nrajo' k'a nik'oje' ruq'ij, k'o chi nuqasaj-ri' chubanik xabachike samaj.

1 Juan 3:4

Konojel ri yemakun xa nikiq'ej ruwi' ri rupixa' ri Dios, roma ri mak, junan rik'in naq'ej ruwi' ri pixa'.