San Mateo 5:11 - Kaqchiquel Bible

¹¹ Jebel ruwa-iq'ij rix, toq xkixyoq', xkixtzeqelibex y xtitz'uk-tzij chiwij woma yin.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Kin jabꞌel roꞌiqꞌij rix, atoq ri wineq ngixkichapalaꞌ, ngixkitzeqlebꞌej chin ndikibꞌen itzel chiwa, y ndikitzꞌukulaꞌ xa achike na chi aqꞌ chiwij roma rix oqey wichin.

Kaqchikel Santa Maria de Jesus

¹¹ Can jaꞌal quixquicuot ixreꞌ ri itziel nquixtzꞌiet y niꞌeꞌx nojiel clase chi tzij chiva, y nitzꞌak tzij chivij vuma inreꞌ.

Kaqchikel Central Guatemala

¹¹ Y ri vinek ri yeyok', ri man nic'an ta quivech y ri nitz'uculux tzij chiquij voma yin, can jebel c'a chuka' ruva-quik'ij.

Re C'ac'a Testamento pa Kach'abal

¹¹ Otz chuka' quibanoj re ye'ch'olix y nitz'uculas tzij chiquij y niban ronojel rach etzelal chique nutzij yen.

Kaqchikel Western Solola

¹¹ Jabel ruwa'ik'ij tek wuma riyin yixyok' y tek ri winek itzel niquina' chiwe, y niquibij ronojel itzel chiwij, y tek wuma riyin nitz'uculux tzij chiwij.

San Mateo 5:11 ပူးပေါင်းရင်းမြစ်များ

1 Pedro 4:14

Jebel ruwa-iq'ij rix wi nibix poqon taq tzij chiwe roma itzeqeliben ri Cristo, roma re' nel chi tzij chi ri jebelej Loq'olej Espíritu richin ri Dios kan k'o iwik'in.

San Lucas 21:17

Xa kan xkixetzelex-wi k'a koma konojel, roma in itzeqeliben yin.

Marcos 13:13

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

San Mateo 24:9

Xkixyalox k'a pa taq tijoj-poqonal, y ek'o k'a chiwe rix ri kan xkekamisex. Xa kan xkixetzelex-wi k'a koma konojel kiwech winaqi' ri ek'o chuwech re ruwach'ulew, roma ri nubi' yin.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

1 Pedro 2:23

Toq xebix poqon taq ch'abel chire, man xutzolij ta ruk'exel rik'in poqon taq ch'abel. Toq xban chire chi nutej poqon, man xubij ta chi nuben ruk'exel chike. Xa pa ruq'a' ri Dios ri kan pa ruchojmilal niq'aton-tzij xuya-wi ronojel ri xkiben chire.

San Juan 15:21

Jak'a kan xtikiben itzel chiwe roma ix wichin yin, y roma man ketaman ta ruwech ri Dios ri taqayon-pe wichin.

San Mateo 10:22

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

Wuj Richin ri Isaías 66:5

Kan tiwak'axaj ri nuch'abel yin Jehová, rix ri kan iya'on nuq'ij. Kan ek'o iwach'alal ri kan itzel nikina' chiwe, roma rix in itzeqeliben yin. Rije' nikibij chiwe chi yin nink'ut ri nuk'ojlen, y chi rije' nikajo' richin yixkitz'et rik'in kikoten. Man rik'in ri' rije' xkek'ixbitej, nicha' ri Dios.

San Mateo 10:39

Ri wineq ri xa ja ri k'aslen richin chuwach'ulew ri más nrajo', re' xa man xtik'oje' ta jun qitzij ruk'aslen. Jak'a ri man nupoqonaj ta ri' xtipe y napon pa kamik woma yin, kan xtril wi k'a ri qitzij ruk'aslen.

Apocalipsis 2:3

Ik'owisan tijoj-poqonal, y janila ix samajineq woma yin y man jani ix q'itajineq ta.

San Mateo 19:29

Xabachike wineq ri woma yin ruya'on kan rachoch, rach'alal, rute-rutata', [rixjayil],*f27* ralk'ual o rulew, ri xtibanon keri' kan xtuk'ul pa ruk'iyal ri urtisanik y kan xtik'oje' ruk'aslen richin q'asen.

2 Corintios 4:11

Roma roj ri k'a oj k'es na, kan jantape' k'a ojk'o chuwech ri kamik, roma niqaben rusamaj ri ajaw Jesús. Richin keri' ri ruk'aslen rija' kan niq'alajin ta k'a chuqa' ri pa taq qak'aslen roj, stape' xa oj winaqi' y oj kamel.

1 Corintios 4:10

Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

Romanos 8:36

Roma ri' chupan ri ruch'abel ri Dios ri tz'ibatel kan, nubij:*f15* Man rik'in ri' awoma k'a rat ajaw, jubama yojkamisex, achi'el niban chike ri karne'l toq ye'uk'uex richin yebekamisex.

San Lucas 21:12

Toq man jani tibanatej ronojel re', rix xkixtzeqelibex y xtiban chiwe richin nitej poqon. Xkixuk'uex k'a chikiwech ri aj-raqen richin ri jay ri akuchi nikimol-ki' ri winaqi' richin nikak'axaj ri ruch'abel ri Dios. Xkixtz'apex pa cárcel. Xkixuk'uex chikiwech q'atoy taq tzij y chikiwech ri e rey. Ronojel k'a re' xtik'uluwachila' roma in itzeqeliben yin.

San Lucas 9:24

Ri wineq ri xa ja ri k'aslen richin chuwach'ulew ri más nrajo', re' xa man xtik'oje' ta jun qitzij ruk'aslen. Jak'a ri man nupoqonaj ta ri' xtipe y napon pa kamik woma yin, rija' kan xtril-wi k'a ri qitzij ruk'aslen.

Marcos 8:35

Ri wineq ri xa ja ri k'aslen richin chuwach'ulew ri más nrajo', re' xa man xtik'oje' ta jun qitzij ruk'aslen. Jak'a ri man nupoqonaj ta ri' xtipe y napon pa kamik woma yin y roma ri utzilej ch'abel richin kolotajik, rija' kan xtril wi k'a ri qitzij ruk'aslen.

San Mateo 10:25

Tiwak'axaj k'a: Ri tijoxel kan achi'el ri rutijonel y ri samajel kan achi'el ri rajaw. Roma chuwe yin ri in tata'aj xkibij Beelzebú chuwe, k'a ta la' chik chiwe rix ri ix aj pa wachoch chi man ta xtibix janila chi ch'abel chiwij.

Hechos 9:16

Ri janipe' tijoj-poqonal ri xtuq'axaj roma ri nubi' yin, k'a ja na yin ri xkik'utu chuwech, xcha'.

Wuj Richin Bix Chire ri Dios 44:22

Roj kan awoma k'a rat ajaw, jubama yojkamisex, xa kan banon chiqe chi oj achi'el ri karne'l toq ye'uk'uex richin yebekamisex.

Marcos 13:9

Jak'a rix kan tichajij-iwi' jebel, roma xa kan ek'o ri xkejacho iwichin pa kiq'a' ri achi'a' ri pa komon yeq'aton-tzij. Chuqa' xkixch'ay ri pa taq jay richin molojri'il, akuchi nikak'axaj ri ruch'abel ri Dios. Xkixuk'uex k'a chikiwech q'atoy taq tzij y chikiwech rey, richin xkiniq'alajirisaj chikiwech.

San Mateo 27:39

Ri winaqi' k'a ri yeq'ax-el y ye'apon rik'in ri Jesús, nikisilola' ri kijolon. Y k'o chuqa' itzel taq ch'abel ri yekibila' kan chire:

Marcos 4:17

Jak'a roma kan man nuk'en ta qa ruxe' jebel ri ruch'abel ri Dios, kan man niyaloj ta k'a ri kikoten kik'in. Jak'a toq yepe tijoj-poqonal y ye'etzelex roma kiniman ri ruch'abel ri Dios, xa kan chi'anin yetzaq kan.

San Mateo 10:18

Chuqa' ri winaqi' kan xkixkik'uaj k'a chikiwech q'atoy taq tzij; y chikiwech ri e rey. Y xa woma k'a yin keri' xtik'uluwachij, y kan xkiniq'alajirisaj chikiwech rije' y chikiwech ri winaqi' man e qawinaq ta.

San Juan 9:28

Jak'a ri achi'a' ri' xyakatej koyowal y xkibij chire: Rat xa at jun ojqey richin rija', jak'a roj kan oj ojqey richin ri Moisés.

Wuj Richin Bix Chire ri Dios 35:11

Xeyakatej winaqi' chuwij ri nikitz'uk-tzij chuwij. y nikik'utuj chuwe ri xa man wetaman ta.

Wuj Richin ri Isaías 25:8

Chupan ri q'ij ri' xtuben chi man jun chik wineq ri xtiken. Kan xtusu' ri ruya'al-kiwech konojel winaqi', y xtrelesaj ri qak'ixbilal. Ronojel re' xtibanatej roma ja ri Jehová ri xbin.

Wuj Richin ri Isaías 51:7

Kiniwak'axaj k'a rix winaqi' ri iwetaman ri ruchojmilal, tinamit ri kan k'o ri nupixa' pan iwánima. Man tixibij-iwi', y man kixk'ix chikiwech ri winaqi' ri yech'on itzel chiwij. Y man timayamo-qa ri iwánima chikiwech ri janila yixkiyoq'.

Wuj Richin ri Jeremías 37:14

Jak'a yin xinbij chire chi yin man yibeq'ax ta kik'in. Jak'a ri Irías man xuya' ta rejqalen ri nuch'abel y xa xiruk'uaj-el chikiwech ri aj-raqen pa ruwi' ri tinamit.

Filipenses 1:29

Rix man xaxe ta k'a ya'on q'ij chiwe richin nikuquba' ik'u'x rik'in ri Cristo, xa kan ya'on chuqa' q'ij chiwe richin chi nitej poqon roma ri rubi' rija'.