San Mateo 4:2 - Kaqchiquel Bible

² Xmewayin k'a kawineq q'ij y kawineq aq'a', y toq q'axineq chik ri q'ij ri' k'ari' xpe ruwayjal.

နောက်ထပ်ဗားရှင်းများ

Kaqchikel Santo Domingo (Xenacoj)

² Y atoq ri Jesús xubꞌen yan ayunar 40 qꞌij y 40 aqꞌaꞌ, xchꞌumu pe rupan.

Kaqchikel Santa Maria de Jesus

² Ri Jesús cuarenta kꞌij y cuarenta akꞌaꞌ xuꞌon ayuno. Después reꞌ, xnem-pa rupan.

Kaqchikel Central Guatemala

² Ri Jesús can cavinek k'ij y cavinek ak'a' ri man va'inek ta; y tok e ic'ovinek chic ri k'ij ri', c'ari' xpe ruvayjal.

Re C'ac'a Testamento pa Kach'abal

² Y reja' cuarenta k'ij y cuarenta ak'a' re man viynak-ta, y tak xe'k'ax-yan re k'ij re', c'are' xpa ch'umunic rupan.

Kaqchikel Western Solola

² Tek ri Jesús can cawinek k'ij y cawinek ak'a' chic ri ma waynek ta, yac'ari' tek xpe runumic.

San Mateo 4:2 ပူးပေါင်းရင်းမြစ်များ

1 Rey 19:8

Y keri' rija' xyakatej y xwa-xuk'ya'; y kan xk'oje' chik el ruchuq'a' roma ri wa'in ri'. Ri rubinen xuk'uaj k'a kawineq q'ij y kawineq aq'a', y keri' xapon k'a pa juyu' Horeb, ri juyu' richin ri Dios.

Ex 24:18

K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

San Mateo 21:18

Nimaq'a' ruka'n q'ij, toq kichapon bey richin yetzolin pa Jerusalem, ri Jesús xpe ruwayjal.

San Mateo 25:35

Roma toq yin xiwayjan, rix xiya' nuway. Toq yin xchaqi'j nuchi', rix xiya' nuya'. Toq xk'atzin akuchi ta xik'oje-wi, rix kan xiya' q'ij chuwe.

San Mateo 25:42

Roma yin kan xiwayjan y man jun xiya' chuwe richin xintej. Janila k'a xchaqi'j nuchi', y man jun xiya' chuwe richin xinqum.

Marcos 11:12

Pa ruka'n q'ij toq xe'el-pe pa Betania richin xebe pa Jerusalem, ri Jesús xpe k'a ruwayjal.

San Lucas 4:2

Chiri' xk'oje-wi kawineq q'ij, y ri Itzel-Wineq nutejtobela' k'a. Y chupan ri janipe' q'ij xk'oje' ri Jesús chiri', man jun wey xutej. Roma ri' ninum nuna' rija'.

San Juan 4:6

Ja ri chiri' k'o-wi ri pozo ri xuk'ot kan ri Jacob, ojer. Chiri' k'a xtz'uye-wi-qa ri Jesús, roma rija' kan janila k'a kosineq-pe roma ri binen kibanon-pe. Ri' pa nik'aj-q'ij la'eq ri'.

Deut 18:18

Yin xkibanon richin chikikojol rije' xtel-wi-pe jun q'alajirisey ri nuch'abel achi'el rat, jun ri kan iwinaq rix, y kan xtubij chike ri winaqi' achike ri xtinbij chire.

Deut 9:18

K'ari' yin xixuke' chik k'a chuwech ri Jehová kawineq q'ij y kawineq aq'a' y man xiwa-xinuk'ya' ta, roma ri mak ri xkiben chuwech rija', xkiya' q'axo'n pa ránima y xkiyek janila royowal.

Deut 9:25

Roma ri' rija' xubij chi yeruk'is jumul, y jari' toq yin xixuke' kawineq q'ij y kawineq aq'a' chuwech ri Jehová koma rije'.

Deut 9:9

Toq yin xijote-el pa ruwi' ri juyu' ri' richin xebenk'ulu' kan ri ka'i' tz'alem taq abej richin ri rujikibel-tzij ri Jehová ri xuben qik'in, xik'oje' k'a chiri' kawineq q'ij y kawineq aq'a' man xiwa' ta y man xinuk'ya' ta.