San Mateo 4:16 - Kaqchiquel Bible

¹⁶ Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Ri tinamit ekꞌo pa qꞌequꞌ, Xkitzꞌet jun nimalej luz, Y ri wineq ekꞌo pa rumochꞌochꞌil ri kamik Xyikꞌan jun nimalej luz pa kiwiꞌ.

Kaqchikel Santa Maria de Jesus

¹⁶ Ri vinak ri can kꞌakuꞌn rubꞌanun quicꞌaslien, xquitzꞌat jun nem Luz. Ri can cꞌo chic ri rumuchꞌuchꞌil ri camic pa quiveꞌ, xaꞌruꞌon alumbrar ri Luz. Quireꞌ ri tzꞌibꞌan can.

Kaqchikel Central Guatemala

¹⁶ Can e tinamit c'a ri k'ekumatajinek ri quic'aslen, pero xapon c'a ri Nimalej Sakil quiq'uin. Y chuka' can e tinamit c'a ri pa rumujal ri camic ec'o-vi, pero xapon c'a quiq'uin ri nisakirisan quichin. Queri' ri tz'ibatel can.

Re C'ac'a Testamento pa Kach'abal

¹⁶ Re quic'aslen re vinak re' can pa k'oko'm c'o-va, pero can xapon re Namalaj Sakil quiq'uin. Y chuka' re vinak re' can c'o chic re rumuch'uch'il re camic pa quive', pero can xapon chuka' quiq'uin re nisekresan quichin. Quire' nubij re tz'iban can.

Kaqchikel Western Solola

¹⁶ Can ye tinamit c'a ri achi'el pa k'eku'm yec'o wi, y xapon c'a ri Nimalaj Sakil quiq'ui. Y chuka' can ye tinamit c'a ri pa rumujal ri camic yec'o wi, y xapon c'a quiq'ui ri nisakirisan quiche (quixin). Queri' ri tz'ibatal ca.

San Mateo 4:16 ပူးပေါင်းရင်းမြစ်များ

Wuj Richin ri Achin Job 10:22

Ri chiri' kan nik'o chik ruwi' ri rubanik ri q'equ'm. Kan q'equ'm-q'equ'm, kan nik'o ruwi' ri q'equ'm ri'. Xa junan rik'in toq k'o saqil kan seq k'a ri', jak'a ri chiri' ri q'equ'm kan q'equ'm jumul, xcha' ri Job.

Wuj Richin ri Achin Job 3:5

Jebel ta ri', xa ta ri q'ij ri' xqa' ta q'equ'm y muj pa ruwi', kan ta xmuqutej ri q'ij ri' roma ri q'equ'm; y ri rumujal ri ik' xuk'en ta pe xibinri'il pa ruwi' ri q'ij ri'.

Wuj Richin ri Achin Job 34:22

Ri ruchuq'a' ri ruwech ri Dios, kan maneq k'a q'equ'm ni muj chuwech, roma ri' ri winaqi' ri e banoy taq etzelal kan man yetikir ta nikewaj-ki' chuwech.

Wuj Richin Bix Chire ri Dios 44:19

Man rik'in ri', rat xojaq'ututej; xojaya' akuchi yek'oje-wi ri k'uxunela' taq chikopi'. Y ri kamik kan niqaqa yan k'a pa qawi'.

Wuj Richin ri Isaías 9:1

Jak'a ri chiqawech-apo kan maneq chik q'equ'm chike ri ek'o pa q'axo'n. Pa rutikeribel ri Dios xuqasaj ruq'ij ri kiruwach'ulew kan ri Zabulón y ri Neftalí. Jak'a chiqawech-apo xtuya' kiq'ij ri ruwach'ulew Galilea akuchi ek'o-wi winaqi' ri man e qawinaq ta. Re ruwach'ulew re' k'o chikikojol ri palou y ri raqen-ya' Jordán, xcha' ri Isaías.

Wuj Richin ri Isaías 9:2

Ri qawinaq ri ek'o pa jun nimalej q'equ'm, kan xtikitz'et jun nimalej saqil. Ri xek'ase' chupan jun ruwach'ulew ri kan xkitz'et ruwech kikamik, jak'a re wakami ri saqil kan xkerusaqirisaj.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Am 5:8

Kinikanoj yin ri xibanon kichin ri ch'umila' ri ek'o chuwech ri kaj. Ja yin ri xibanon kichin ri ch'umila' ri nibix Pléyades y Orión chike. Yin ri yijalo ri aq'a' rik'in nimaq'a', y ri paq'ij rik'in ri q'equ'm. Yin ri yimolo-ruchi' ri ya' richin ri palou, richin ninya'aj ri ruwach'ulew chire.

Wuj Richin ri Miqueas 7:8

Rix ri ix etzelanel qichin, man kixkikot chiqij, roma stape' xojtzaq, xa kan xqojyakatej chik. Stape' xojk'oje' pa q'equ'm, jak'a ri Jehová jari' ri saqil chiqe roj.

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.