San Mateo 4:13 - Kaqchiquel Bible

¹³ Xq'ax-el pa Nazaret, y xbek'oje' pa tinamit Capernaum; jun tinamit ri k'o chuchi' ri choy chukojol ri kulew ri e kiy-kimam kan ri Zabulón y ri Neftalí.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Pero ma xkꞌojeꞌ ta pa tinamit Nazaret, xa xbꞌekꞌojeꞌ pa Cafarnaúm, jun tinamit kꞌo chuchiꞌ ri lago apeꞌ kꞌo kulew ri kiy-kimam kan ri Zabulón y ri Neftalí.

Kaqchikel Santa Maria de Jesus

¹³ y xbꞌaka pa tanamet Nazaret. Después xuyaꞌ can y xꞌa pa tanamet Capernaum y chireꞌ xcꞌujie-ve. Ri tanamet reꞌ cꞌo chuchiꞌ jun mar y cꞌo chiquicajol ri caꞌyeꞌ lugar quibꞌinan Zabulón y Neftalí.

Kaqchikel Central Guatemala

¹³ Ri Jesús xbec'oje' c'a pa tinamit Nazaret, y tok xuya' can ri tinamit ri', xbe c'a richin chi nec'oje' pa jun tinamit rubini'an Capernaum; jun tinamit ri c'o chuchi' jun nima-ya'. Re Capernaum re' c'o chucojol ri culef ri e quiy-quimam can ri Zabulón y ri Neftalí.

Re C'ac'a Testamento pa Kach'abal

¹³ Pero re Jesús man xc'ue-ta chic chupan re aldea rubini'an Nazaret, sino que reja' xa chupan re tenemit rubini'an Capernaum chire' xbec'ue-va, y re jun tenemit re' chuchi' jun lago c'o-va. Re tenemit Capernaum chiquicojol re ca'e' lugar quibini'an Zabulón y Neftalí c'o-va.

Kaqchikel Western Solola

¹³ Pero xa ma xc'oje' ta ka pa tinamit Nazaret, xa xuya' ca ri tinamit ri', riche (rixin) chi xbec'oje' pa jun tinamit ri Capernaum rubi'; jun tinamit ri c'o chuchi' jun choy. Ri Capernaum ri' pa culef ri ye quiy quimam ca ri Zabulón y ri Neftalí c'o wi.

San Mateo 4:13 ပူးပေါင်းရင်းမြစ်များ

San Juan 4:46

K'ari' ri Jesús xbe chik k'a jun bey ri pa tinamit Caná ri k'o chiri' pa Galilea, ri akuchi xuben chi xok vino ri ya'. Y ri chiri' pa Galilea, chupan ri tinamit Capernaum, k'o k'a jun achin aj-raqen richin ri rey, y rija' janila yawa' jun ruk'ajol.

Marcos 1:21

Chirij ri' ri Jesús y ri e beneq rik'in, xe'apon k'a pa tinamit Capernaum. Chupan ri q'ij richin uxlanen, ri Jesús xbe pa jay richin molojri'il, akuchi nikak'axaj ri ruch'abel ri Dios, y xuchop k'a yerutijoj ri winaqi'.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Juan 6:59

Jare' k'a ri xubij ri Jesús chike ri winaqi' judío ri kimolon-ki' chupan ri jay ri kan nitzijox-wi ri ruch'abel ri Dios, ri chiri' pa Capernaum.

San Juan 6:24

Ri winaqi' ri', toq xkitz'et chi ri Jesús xa man k'o ta chik ri chiri' y ri rutijoxela' xa xetzolin yan, rije' chuqa' xe'ok-el pa taq barco, y xebe k'a pa Capernaum chukanoxik ri Jesús.

San Juan 6:17

Rije' xe'ok-el pa jun barco y kichapon k'a el bey richin chi yebe k'a pa tinamit Capernaum. Jak'a janila chik q'equ'm ri chiri', y ri Jesús xa man apowineq ta kik'in.

San Juan 2:12

Toq kan k'achojineq chik k'a kan ri k'ulubik, ri Jesús rachibilan ri rute', ri e rach'alal y ri rutijoxela', xbe pa tinamit Capernaum. Y xek'oje' k'a ka'i-oxi' q'ij ri chiri'.

San Mateo 17:24

Toq ri Jesús y ri rutijoxela' xe'apon ri pa Capernaum, ri yemolo ruchi' ri méro*f24* ri k'o chi nimol pa rachoch ri Dios, kan xe'apon k'a rik'in ri Pedro y xkik'utuj chire: ¿Ri itijonel nuya' ri méro ri k'o chi nutoj rija' richin pa rachoch ri Dios?, xecha'.

San Lucas 4:23

Jak'a ri Jesús xubij chike: Yin ninbij chi rix nich'ob-qa chuwij achi'el nubij ri jun k'ambel-tzij: Rat aq'omanel tawaq'omaj-qa-awi' ayon; roma qak'axan chi k'iy nima'q taq banobel abanon pa Capernaum, xa kan tabana' chuqa' wawe' pa qatinamit, yixcha'.

San Mateo 4:14

Ri Jesús xapon k'a chiri', richin chi nibanatej ri tz'ibatel kan roma ri Isaías toq xubij:*f13*

San Mateo 4:15

Ri ruwach'ulew kichin ri e riy-rumam kan ri Zabulón y ri Neftalí; ri k'o chuchi' ri palou ri k'o-apo juk'an chire ri raqen-ya' Jordán. Ruwach'ulew Galilea, akuchi ek'o-wi winaqi' ri man e qawinaq ta.

San Mateo 9:1

K'ari' ri Jesús y ri e tzeqelibeyon richin, xe'ok chik el pa barco, y xebe ri juk'an chik ruchi' ri choy, y xe'apon pa tinamit ri kan tik'oje-wi rija'.

Marcos 2:1

Toq ik'owineq chik k'a ka'i-oxi' q'ij, ri Jesús xtzolin chik jun bey pa tinamit Capernaum. Y toq ri janila chi winaqi' xkak'axaj chi rija' k'o pa jun jay ri chiri' pa tinamit,

San Lucas 10:15

Keri' chuqa' rix aj-Capernaum, kan nich'ob chi yixbe chila' chikaj rik'in ri Dios y janila xtinimirisex iq'ij. Jak'a xa man keri' ta. Xa xkixqaqa chupan ri q'aq'.