San Mateo 3:11 - Kaqchiquel Bible

¹¹ Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Qetzij wi chi riyin chare yaꞌ ngixinbꞌen bautizar, retal chi iyoꞌon kan ri mak y tzolijneq pe iwánima rikꞌin ri Dios. Pero chuwij riyin nduqaqa Jun ri más kꞌo uchuqꞌaꞌ pa ruqꞌaꞌ ke chinuwech riyin y nixta rukꞌulun chi ja ok riyin nginelesan e ri ruxajabꞌ chiraqen. Rijaꞌ kin xkixrubꞌen bautizar chare ri Espíritu Santo y chare qꞌaqꞌ.

Kaqchikel Santa Maria de Jesus

¹¹ Inreꞌ, yaꞌ ri nicusaj chi nquixꞌan bautizar antok nitzalaj-pa ivánima riqꞌuin ri Dios y ntiꞌan ri nrajoꞌ jajaꞌ. Pero cꞌo Jun ri xtipa chuvij inreꞌ ri ni xa ta nucꞌul chi inreꞌ nivalasaj-el y niyaꞌ ri ruxajabꞌ chirakan, ruma jajaꞌ cꞌo nojiel poder riqꞌuin que chinoch inreꞌ, y jajaꞌ xquixruꞌon bautizar riqꞌuin ri Espíritu Santo y riqꞌuin kꞌakꞌ.

Kaqchikel Central Guatemala

¹¹ Yin, ya' vi c'a ri nincusaj richin yixinben bautizar tok nitzolej-pe ic'u'x riq'uin ri Dios. Pero c'o c'a Jun ri xtipe ri chikavech apo, ri man achi'el ta oc yin. Roma yin can man ruc'amon ta richin ninvelesaj y ninya' ri ruxajab chiraken, ri Jun ri nim ruk'ij y nim ruchuk'a'. Re Jun c'a re xtipe, can xquixruben-vi bautizar riq'uin ri Lok'olej Espíritu y riq'uin k'ak'.

Re C'ac'a Testamento pa Kach'abal

¹¹ Y yen, ya' nincusaj chin yiximban bautizar tak nijalataj ic'aslen chach re Dios. Pero c'o c'a Jun re xtipa re tiempo pitinak, re man ancha'l-ta-oc yen. Roma reja' camas-va ruk'ij y ru-poder, mare' yen can man ruc'amon-ta che ninlisaj y ninya' re ruxajab charakan. Re Jun re xtipa, can xquixruban-va bautizar riq'uin re Espíritu Santo y riq'uin k'ak'.

Kaqchikel Western Solola

¹¹ Riyin, pa ya' yixinben wi bautizar tek nitzolin pe ic'u'x riq'ui ri Dios. Pero c'o c'a jun achi ri xtipe re chkawech apo, ri man achi'el ta oc riyin. Riyin can ma yin ruc'amon ta (takal ta chuwij) riche (rixin) chi nc'uaj ri ruxajab, ruma ri jun achi ri' can más wi nim ruk'ij y can más wi nim ruchuk'a' que chinuwech riyin. Tek Riya' xtipe, can xquixruben wi bautizar riq'ui ri Lok'olaj Espíritu y riq'ui k'ak'.

San Mateo 3:11 ပူးပေါင်းရင်းမြစ်များ

San Lucas 3:16

Roma ri' ri Juan xubij chike ri winaqi': Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a kan k'o jun ri xtipe ri chiqawech-apo, ri man achi'el ta ok yin. Roma yin kan man ruk'amon ta richin ninsol ri ruximibal ri ruxajab. Ri jun ri' nim ruq'ij y nim ruchuq'a', y kan xtuqasaj pa kiwi' ri winaqi' ri Loq'olej Espíritu rachibilan q'aq'.

Wuj Richin ri Isaías 4:4

Jak'a pa nabey rija' kan xtuq'et-tzij rik'in q'aq'. Y keri' xtuch'ej ri kimak ri ixoqi' aj-Sión, y nuch'ajch'ojirisaj ri kik' ri biyineq chiri' pa taq bey.

Hechos 1:5

Roma pa ka'i-oxi' q'ij apo, ri Dios xtuteq-pe pan iwi' ri Loq'olej Espíritu achi'el ri ya' ri xukusaj ri Juan pa kiwi' ri winaqi' ri e tzeqelibeyon richin, xcha' ri Jesús.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

1 Corintios 12:13

Roma toq xqasex ya' pa qawi', xojok ruch'akul rija'. Chuqa' kan qonojel xok ri Loq'olej Espíritu pa taq qak'aslen. Jun k'a xuben chiqe. Keri' xqaben qonojel, chi judío y chi man judío ta; ri man e totajineq ta y ri e totajineq chik.

San Mateo 3:6

Y ri winaqi' ri ye'apon rik'in nuqasaj ya' pa kiwi', y rije' kan nikiq'alajirisala' k'a ri kimak chuwech ri Juan.

Hechos 19:4

Ri Pablo xubij chike: Ri xuben ri Juan, retal chi ri winaqi' xtzolin-pe kik'u'x rik'in ri Dios. Jak'a xubij k'a chuqa' chi k'o jun chik ri xtipe chirij rija', y jari' ri tikikuquba' kik'u'x rik'in. Y ri' ja ri Jesús, roma ja rija' ri Cristo, xcha' ri Pablo.

San Lucas 1:17

Ja rija' ri xtinabeyej-el chuwech ri ajaw, y kan xtik'oje' k'a uchuq'a' rik'in y kan xtuben achi'el xuben ri Elías, richin nuben chike ri te'ej-tata'aj chi nijunamatej chik kiwech kik'in ri kalk'ual. Chuqa' nuben chike richin nitzolej-pe kik'u'x ri man e nimey ta tzij y nunaba' jun tinamit ri kan nrajo' richin nroyobej-apo ri Dios, xcha' ri ángel chire.

San Juan 1:30

Jare' ri nutzijon chiwe, toq xinbij chi ri chuwij yin xtoqaqa k'a jun achin ri xa kan más nim ruq'ij chinuwech yin, y kan k'o-wi-pe pa nabey, toq yin k'a man jani kinalex.

Marcos 1:4

Ri ya'ol rutzijol ri', ja ri Juan q'alajirisey ruch'abel ri Dios. Rija' k'o k'a pa tz'iran ruwach'ulew, y nubij chike ri winaqi' chi titzolej-pe kik'u'x rik'in ri Dios y tiqasex ya' pa kiwi' richin nikik'ut chi xjalatej ri kik'aslen, y keri' ri Dios nukuy kimak.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Wuj Richin ri Isaías 44:3

Yin kan xtinben chi xtibiyin ya' chupan ri ruwach'ulew ri kan jantape' nutz'u' ri ya'. Chuqa' kan xtibiyin raqen taq ya' chupan ri chaqi'j taq ulew. Pa kiwi' ri iwijatzul kan xtinya' ri nu-espíritu, y chuqa' xtinya' urtisanik.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

San Juan 1:15

Ri Juan kan k'o k'a ri xuq'alajirisaj chirij rija'. Kan rik'in-wi ruchuq'a' nubila': Jare' ri nutzijon chiwe, toq xinbij chi ri xtoqaqa chuwij yin, kan más nim chinuwech yin. Roma kan k'o-wi-pe toq yin k'a man jani kinalex, nicha' rija'.

San Lucas 3:3

Rija' xaxe k'a chunaqaj ri ruchi' ri raqen-ya' Jordán ri xuchop-el, y xbe. Y nubij k'a chike ri winaqi' ri ye'apon rik'in chi titzolej-pe kik'u'x rik'in ri Dios y tikiqasaj ya' pa kiwi' richin nikik'ut chi xjalatej ri kik'aslen, y keri' ri Dios nukuy kimak.

Hechos 8:36

Jak'a toq xe'apon ri akuchi k'o ya', ri achin ri' xubij k'a chire ri Felipe: Wawe' k'o ya'. ¿K'o ta kami ri nibanon chuwe chi yin man ta utz chi niqasex-ya' pa nuwi'?, xcha'.*f21*

Hechos 8:38

Roma ri' ri achin xubij chi tipa'e' juba' ri karruaje. Y jari' toq xeqaqa chi e ka'i', y ri Felipe xuqasaj-ya' pa ruwi' ri achin ri chiri', retal richin xukuquba' ruk'u'x rik'in ri Cristo.