San Mateo 27:39 - Kaqchiquel Bible

³⁹ Ri winaqi' k'a ri yeq'ax-el y ye'apon rik'in ri Jesús, nikisilola' ri kijolon. Y k'o chuqa' itzel taq ch'abel ri yekibila' kan chire:

နောက်ထပ်ဗားရှင်းများ

Kaqchikel Santo Domingo (Xenacoj)

³⁹ Y ri ngeꞌeqꞌax chiriꞌ, ndikiyoqꞌolaꞌ ri Jesús, ndikiselolaꞌ kijolon,

Kaqchikel Santa Maria de Jesus

³⁹ Ri vinak ri ncaꞌkꞌax ri pacheꞌ cꞌo-ve ri Jesús niquisiluoj can quijaluon choch, y cꞌo tzij ri man otz ta ri ncaꞌquiꞌej can cha.

Kaqchikel Central Guatemala

³⁹ Ri vinek c'a ri yek'ax-el y ye'apon riq'uin ri Jesús, niquisilola-apo quijolon (quivi') chuvech, roma can man niquinimaj ta chi ja rija' ri Ruc'ajol ri Dios. Y c'o chuka' ch'abel ri yequibila' can chire.

Re C'ac'a Testamento pa Kach'abal

³⁹ Re vinak re ye'k'ax re anche' c'o-va re Jesús, niquisiloj-apo quijalom chach, roma can man niquinimaj-ta che ja reja' re Ruc'ajol re Dios. Y chuka' c'o tzij re ye'quibila' can cha.

Kaqchikel Western Solola

³⁹ Ri winek c'a ri yek'ax el riq'ui ri Jesús, niquisiloj apo quijolon (quiwi') chuwech, y c'o chuka' pokon tak ch'abel ri yequibila' ca chare, ruma can ma niquinimaj ta chi ya Riya' ri Ruc'ajol ri Dios.

San Mateo 27:39 ပူးပေါင်းရင်းမြစ်များ

Wuj Richin Bix Chire ri Dios 109:25

Yin xa kan xinok k'a chike ri winaqi' jun in yakol tze'en. Rije' yinkitzu', yetze'en y nikisilola' ri kijolon chuwij.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Wuj Richin Bix Chire ri Dios 109:2

roma ri winaqi' ri xaxe q'oloj nikiben kan janila pa kichi' chuwij. Kan janila k'a tzij xkitz'uk chuwij.

Wuj Richin Bix Chire ri Dios 69:20

Ri q'axo'n kan rusokon k'a ri wánima y kan in k'ayewatajineq. Kan xinwoyobej chi k'o ta jun xjoyowan nuwech y kan man jun. Xinwajo' chi k'o ta xkuquban nuk'u'x, jak'a kan man jun.

Wuj Richin Bix Chire ri Dios 22:17

Yin kan nintz'et chik qa ronojel ri nubaqil. Y roma ri' ri winaqi' kan chaq in kitzuliben y yinkiyojobej.

Wuj Richin ri Achin Job 16:4

Yin chuqa' yitikir ta yich'on achi'el ri yixch'on rix, xa ta yin ink'o ta pan ik'exel y rix ixk'o ta pa nuk'exel yin. Kan yitikir ta ninbij ronojel ri ch'abel ri xibij yan qa rix, y kan ninsiloj ta apo nujolon chiwech roma ninna' chi wetaman ronojel.

2 Rey 19:21

Ja ch'abel re' ri xubij rija' pa ruwi' ri rey ri': Ri winaqi' aj-Sión xkebeyojoben chawij; Ri aj-Jerusalem xkebetze'en chawij toq rat xkatanimej.

San Mateo 27:38

Jak'a chuqa' ri' toq ek'o e ka'i' eleq'oma' ri yekamisex chuwech cruz. Jun xk'oje' pa rijkiq'a' y ri jun chik pa rajxokon.

San Lucas 22:65

K'iy k'a ch'abel ri man e utz ta ri xkibila' chire.

Wuj Richin ri Achin Job 30:11

Y wakami toq ri Dios xrelesaj ri wuchuq'a' y kan xuqasaj ri nuq'ij jumul, kan man jun chik ri yitikir ninben, y roma ri' re winaqi' re', kan achi'el e solkopitajineq-pe chuwij y kichapon nikiben etzelal chuwe.