San Mateo 27:24 - Kaqchiquel Bible

²⁴ Toq ri Pilato xutz'et chi xa man jun chik nitikir nuben y ri winaqi' xa xkichop janila nikiben, k'ari' rija' xberuk'ama-pe juba' ruya' y xuch'ej ruq'a' chikiwech konojel ri winaqi' ri ek'o chiri' y xubij: Yin man jun numak chire ri rukamik re jun chojmilej achin re'. Ri' xa jak'a rix, xcha' chike.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Atoq ri Pilato xutzꞌet chi xa ma jun utz ndukꞌen pe ri ndubꞌij chake ri wineq, y xa más ndiyakatej koyowal konojel, xukꞌutuj chi tukꞌuꞌex apu yaꞌ chare chin xuchꞌej ruqꞌaꞌ chikiwech, y xubꞌij chake: Riyin nichꞌej nuqꞌaꞌ chiwech chin ndiqꞌalajin chiwech chi nixta jun numak niweqalej pa ruwiꞌ rukamik re achi reꞌ. Riꞌ kin rix wi.

Kaqchikel Santa Maria de Jesus

²⁴ Y antok ri Pilato xutzꞌat chi man jun chic kax nitiquir nuꞌon chi nucol ri Jesús, y ri vinak xa más altíra niquiꞌan-apa, xucꞌutuj jubꞌaꞌ ruyaꞌ y ja xuchꞌaj rukꞌaꞌ chiquivach quinojiel ri vinak reꞌ, y xuꞌej: Inreꞌ manak nuchꞌoꞌj chirij ri rucamic ri jun choj ache reꞌ. ¡Titzꞌataꞌ ixreꞌ chica ntiꞌan cha!

Kaqchikel Central Guatemala

²⁴ Y tok ri Pilato xutz'et chi xa man jun chic c'a ri nitiquir nuben y ri vinek xa xquichop janíla niquiben, xpe rija' xberuc'ama-pe juba' ruya' y xuch'ej ruk'a' chiquivech conojel ri vinek ri', y xubij: Yin man jun numac chire ri rucamic re jun chojmilej achin re'. Ri' xa jac'a rix, xcha' chique.

Re C'ac'a Testamento pa Kach'abal

²⁴ Y tak re Pilato xutz'at che man jun chic cosa nitiquir nuban y re vinak camas niquiban, xpa reja' xbo'rc'ama-pa ba' ya' y xuch'aj ruk'a' chiquivach conojel re vinak re', y xubij chique: Camanak-va numac yen cha re rucamic re jun ache re' re man jun rumac. Re' xa jac'a yex yixc'o-va.

Kaqchikel Western Solola

²⁴ Y tek ri Pilato xutz'et chi xa majun chic c'a ri nicowin ta nuben y ri winek xa sibilaj pa quichi' niquiben, xpe riya' xberuc'ama' pe juba' ruya' y xuch'ej ruk'a' chiquiwech quinojel ri winek ri', y xubij: Riyin majun numac chare ri rucamic re jun chojmilaj achi re'. Kas yix wi c'a riyix achique niben chare, xcha' chique.

San Mateo 27:24 ပူးပေါင်းရင်းမြစ်များ

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

Wuj Richin Bix Chire ri Dios 26:6

Ninch'ej k'a ri nuq'a' richin niq'alajin chi maneq numak chawech. K'ari' yisutin chirij ri porobel richin ninya' aq'ij,

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

San Mateo 26:5

Jak'a rije' xkibij-qa chikiwech: Man tiqachop chupan re nimaq'ij re', richin chi man keyakatej-pe ri winaqi' chiqij, xecha'.

Hechos 3:14

Xa ja ri jun kamisanel xibij chi tikol-el, y ri loq'olej y choj chuqa' ri ruk'aslen, jari' ri xiya' kan pa ruk'exel.

San Juan 19:4

Jari' k'a toq ri Pilato xel chik pe jun bey ri pa jay richin xoch'on chikiwech ri winaqi', y rija' xubij k'a chike: Titzu', ja achin re' ninwelesaj-pe chiwech, richin tiwetamaj chi rija' xa man jun ch'a'oj ninwil chirij, xcha'.

San Mateo 27:54

Ri aj-labal aj-Roma y ri aj-raqen pa kiwi', toq xkitz'et ri xuben ri silonel, y kitz'eton chuqa' ri ch'aqa' chik ri xebanatej, rije' kan janila k'a xkixibij-ki' y xkibila': Kan qitzij na wi chi re jun achin re' ruk'ajol ri Dios, xecha'.

San Mateo 27:9

Rik'in k'a ri' kan xbanatej-wi ri rubin kan ri Jeremías, ri q'alajirisey ruch'abel ri Dios, toq xubij:*f40* Xkik'en k'a el ri juwineq lajuj méro ri banon rik'in saqipueq, rajel ri rusamajel ri Dios, ri xkiya' ri judío.

Wuj Richin ri Jeremías 2:35

jak'a rix nibij chi man jun imak ibanon. Y rix nich'ob chi yin man woyowal ta chik chiwe. Roma nibij chi man ix makuwineq ta, roma ri' wakami, yin xtinq'et-tzij pan iwi'.

Wuj Richin ri Jeremías 2:27

Kan nibij k'a chire jun che': Ja rat ri at qatata', y chire jun abej nibij: Ja rat ri xatalan qichin, yixcha'. Jak'a chinuwech yin ja ri ruche'el-iwij ri xiya' kan. Man rik'in ri' toq nipe ruk'ayewal chiwij, k'ari' nibij chuwe: Katanpe chiqakolik, yixcha'.

San Mateo 27:19

K'ari' ri Pilato xtz'uye' k'a ri akuchi nuq'et-wi tzij, y jari' toq xapon rutzijol rik'in ri rubin-el ri rixjayil. Y kere' ri rubin-el: Ri Jesús jun achin choj; roma ri' rat, man jun taben chire. Roma yin xinben jun itzel achik' roma ri Jesús. Keri' ri rubixikil ri rubin-el.

San Mateo 27:23

K'ari' ri Pilato xubij chike ri winaqi': ¿Achike rumak rubanon chiwech?, xcha'. Jak'a ri winaqi' man yetane' ta qa. Xa rik'in más uchuq'a' xech'on-apo y nikibij: Xa tikamisex chuwech cruz, yecha'.

San Juan 13:9

Roma ri' ri Simón Pedro xubij chire ri Jesús: Wajaw, wi keri', man k'a xaxe ta re waqen nach'ej, xa kan tach'aja' k'a chuqa' re nuq'a' y re nujolon, xcha' chire.