San Mateo 26:45 - Kaqchiquel Bible

⁴⁵ Y k'ari' ri Jesús xpe kik'in ri e oxi' rutijoxela', y xubij chike: Kixuxlan y kixwer, yin ri xiqaqa-pe achi'el wineq chi'ikojol kan jare' xoqaqa ri hora richin xkijach-el pa kiq'a' ri aj-maki'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁵ Atoq xtzolij chik apeꞌ ekꞌo kan ri oxiꞌ discípulos, kereꞌ xubꞌij chake: ¿Kꞌa chin ngixwer y ngixuxlan? ¡Titzꞌetaꞌ! Ja xuqaqa ri hora atoq riyin ri aj chikaj ri xinuꞌalex chiꞌikajal ngijach e pa kiqꞌaꞌ aj mak teq wineq.

Kaqchikel Santa Maria de Jesus

⁴⁵ Y cꞌajareꞌ ri Jesús xpa quiqꞌuin ri iyoxeꞌ ru-discípulos y xuꞌej chica: Vacame quixvar y quixuxlan. Ruma ja xalka ri huora chi ri Xtak-pa chicaj chi xalax chiꞌicajol can xtijach-el pa quikꞌaꞌ ri pecadores.

Kaqchikel Central Guatemala

⁴⁵ Y c'ari' ri Jesús xpe c'a quiq'uin ri e oxi' rutijoxela', y xubij c'a chique: ¿Can c'a yixver na c'a? ¿Nivajo' nitz'akatisaj ri ivaran? Yin ri xinalex chi'icojol can ja vi c'a re' xoka' nu-hora, can xquijach c'a el pa quik'a' ri itzel tak achi'a'.

Re C'ac'a Testamento pa Kach'abal

⁴⁵ Y c'are' re Jesús xpa quiq'uin re je oxe' ru-discípulos, y xubij chique: Vocame quixvar. Titz'aktisaj re ivaran. Yen re xinalax chi'icojol can jac'a re nu-hora xbeka, can xquinjach-a pa quik'a' re itzel tak achi'a'.

Kaqchikel Western Solola

⁴⁵ Yac'ari' tek ri Jesús xpe c'a quiq'ui ri ye oxi' rudiscípulos, y xubij c'a chique: ¿Can c'a yixwer na? Wacami can quixwer c'a y quixuxlan. Riyin ri C'ajolaxel ri xinalex chicojol can ya wi c'a re' xoka ri hora, chi xquijach c'a el pa quik'a' ri aj maqui'.

San Mateo 26:45 ပူးပေါင်းရင်းမြစ်များ

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 17:1

Toq ri Jesús rubin chik k'a kan ronojel re' chike, rija' xtzu'un k'a chikaj richin xch'on rik'in ri Dios, y xubij: Nata' kan jare' k'a xoqaqa ri hora. Wakami kan tabana' k'a chuwe yin ri ak'ajol chi niq'alajin ri nuq'ij-nuk'ojlen; richin keri', yin kan jari' k'a chuqa' xtinben awik'in rat, chi kan xtiq'alajin ri aq'ij-ak'ojlen.

San Juan 12:27

Yin kan janila k'a niq'axo ri wánima wakami. Jak'a man ruk'amon ta chi ninbij chire ri nata' chi kirukolo' chuwech re q'axomal re' y xa kan roma ri' xinoqaqa, xcha'.

San Lucas 22:53

Kan q'ij-q'ij k'a xik'oje' iwik'in ri pa rachoch ri Dios, y man jun achike ta xiben chuwe. K'a ja ramaj re' ri ya'on chiwe rix, ramaj richin xtich'akon ri q'equ'm, xcha' ri Jesús.

San Mateo 26:18

Ri Jesús xunataj rubi' jun wineq y xubij: Kixbiyin pa Jerusalem, pa rachoch rija', y tibij chire: Ri qatijonel rubin k'a pe chi ri q'ij xa naqaj chik k'a k'o-wi-pe. Ja ri pan awachoch rat nrajo' nuben-wi ri wa'in, e rachibilan ri rutijoxela', xcha' ri Jesús.

San Mateo 26:2

Rix kan iwetaman-wi chi pa ka'i' apo q'ij niqanataj toq ri Jehová xuya' ri Solbelri'il. Chupan k'a ri q'ij ri' toq yin ri xiqaqa-pe achi'el wineq chi'ikojol kan xkijach-wi-el richin chi yibajix chuwech cruz richin chi xkiken, xcha' chike.

1 Rey 18:27

Jari' toq ri Elías niyojoben-apo chikij y xubij chike: Kixsik'in kow, roma rija' kan dios-wi, rik'in juba' xa xbechulun kan, o k'o jun rusamaj nuben, o xa xbebiyaj, o rik'in juba' xa niwer y k'o chi nik'asoj, xcha' ri Elías chike.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

San Mateo 26:44

Ri Jesús xeruya' chik k'a kan jun bey y xbe chik chi ch'owen rik'in ri Dios. Oxi' yan bey ri' ri tuben keri'. Rija' xukamuluj chik rubixik ri ch'owen rik'in ri Dios achi'el ri k'a juba' tuben-qa.

San Mateo 26:46

Chi'anin, kixyakatej. Jala' peteneq ri xkijacho-el, xcha' ri Jesús.

Marcos 14:35

Rija' xbiyin chik k'a apo juba' y k'ari' xxuke-qa y xuqasaj-qa-ri' k'a pan ulew richin xch'on rik'in ri Dios. Xuk'utuj k'a chi wi ta tikirel, choj ta niq'ax-el ri ramaj ri', y chi man ta nuk'owisaj ri tijoj-poqonal.

San Juan 12:23

Ri Jesús kan jari' k'a xubij chike ri ka'i' tijoxela' ri': Ja q'ij re' xoqaqa richin chi yin, ri xiqaqa-pe achi'el wineq chi'ikojol, xtik'oje' nuq'ij-nuk'ojlen.