San Mateo 26:35 - Kaqchiquel Bible

³⁵ Jak'a ri Pedro xubij chire: Stape' ta kan k'o chi yiken awik'in, kan man xkitikir ta xtinbij chi man wetaman ta awech, xcha'. Y kan konojel k'a ri tijoxela' keri' chuqa' xkibij.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Ri Pedro xubꞌij chare: Maske xtikꞌatzin chi ngiken junan awikꞌin, pero ma jubꞌaꞌ xtinbꞌij chi ma wetaman ta awech, xchajeꞌ. Y keriꞌ chuqaꞌ xkibꞌij konojel ri discípulos.

Kaqchikel Santa Maria de Jesus

³⁵ Y ri Pedro xuꞌej cha: Mesque nicꞌatzin chi junan nquicon aviqꞌuin, pero man xtinꞌej ta chi man vataꞌn ta avach, xchaꞌ ri Pedro. Y quinojiel ri ru-discípulos quireꞌ jeꞌ xquiꞌej.

Kaqchikel Central Guatemala

³⁵ Y ri Pedro xubij c'a chire: Stape' ta can c'o chi yiquen (yicom) aviq'uin rat, can man xquitiquir ta xtinbij chi man vetaman ta avech, xcha' ri Pedro. Y can conojel c'a ri tijoxela' que chuka' ri' xquibij.

Re C'ac'a Testamento pa Kach'abal

³⁵ Y re Pedro xubij cha: Astapa' can xtinvel nucamic aviq'uin, pero man jun bey xtimbij che man ntaman-ta avach. Y can konojel yoj re yoj ru-discípulos quire' chuka' xkabij.

Kaqchikel Western Solola

³⁵ Y ri Pedro xubij chic c'a chare: Wi can rajawaxic chi yicom junan awuq'ui riyit, can quec'ari' ri', pero can ma xtinbij ta chi ma wetaman ta awech, xcha' ri Pedro. Y quinojel c'a ri discípulos can queri' chuka' xquibij.

San Mateo 26:35 ပူးပေါင်းရင်းမြစ်များ

Romanos 11:20

Jak'a rije' roma ri man xkinimaj ta ri Dios, roma ri' toq xe'elesex-el. Y rix xaxe roma ikuquban ik'u'x rik'in ri Dios toq ixk'o kan pa kik'exel. Roma ri' man ruk'amon ta chi ninimirisaj-iwi'. Xa tixibij-iwi'.

San Juan 13:37

Jak'a ri Pedro xubij chire: Wajaw, ¿achike k'a roma toq man yitikir ta yatintzeqelibej-el wakami? Roma wi nik'atzin, kan ninya' k'a ri nuk'aslen awoma rat, xcha'.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

Filipenses 2:12

Roma ri', rix ri yalan yixinwajo', ninbij k'a chiwe chi jantape' tinimaj tzij, achi'el ibanon-pe toq xik'oje' iwik'in. Kan keri' chuqa' tibana' wakami, stape' man ink'o ta iwik'in. Rik'in qasanri'il, titija' iq'ij richin nisamajij ri ik'aslen rik'in ri Dios k'a toq xtitz'aqatisaj na.

1 Corintios 10:12

Roma ri' wi k'o jun qach'alal ri kan nuch'ob chi kan jebel kuqul ruk'u'x, roma ri' man nitzaq ta, xa kan nik'atzin k'a chi tuchajij-ri' jebel richin chi man nitzaq.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Wuj Richin Etamabel-Tzij 28:14

Kan jebel k'a ruwa-ruq'ij ri wineq, ri kan jantape' k'o rukiy ri Dios chuwech; jak'a ri kan rukowirisan ránima chuwech ri Dios, xa xtitzaq pa mak.

Ex 19:8

Y konojel k'a ri winaqi' kan junan k'a xech'on y xkibij: Roj kan xtiqaben k'a ronojel ri rubin-pe ri Jehová, xecha'. Y ri Moisés xuk'uaj k'a chire ri Jehová ri ch'abel ri xkibij ri winaqi'.

San Mateo 10:33

Jak'a ri wineq ri xa nrewaj chi rija' wichin chik yin, yin chuqa' kan man xtinq'alajirisaj ta apo ri rubi' chuwech ri nata' ri k'o chila' chikaj.