San Mateo 24:8 - Kaqchiquel Bible

⁸ Jak'a ri' ri nabey taq q'axomal, y k'ari' xkepe chik ch'aqa' kiwech tijoj-poqonal.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pero nojel re kꞌayew reꞌ xa kꞌaja ri nabꞌey teq qꞌaxomal, achel ri nabꞌey teq qꞌaxomal chin alanik ri ndunaꞌ jun ixaq.

Kaqchikel Santa Maria de Jesus

⁸ Y nojiel reꞌ xa cꞌa ja oc rutzꞌucbꞌal richin ri sufrimientos ri xcaꞌpa.

Kaqchikel Central Guatemala

⁸ Y jac'ari' ri nabey tak k'axomal, y c'ari' xquepe chic c'a ch'aka' quivech tijoj-pokonal.

Re C'ac'a Testamento pa Kach'abal

⁸ Y jare' re nabey tak k'axomal, y c'are' xque'pa chic c'a nic'aj quivach tijoj-pokonal.

Kaqchikel Western Solola

⁸ Y yac'ari' ri nabey tak k'axomal, y c'ac'ari' tek xquepe c'a nic'aj chic quiwech tijoj pokonal.

San Mateo 24:8 ပူးပေါင်းရင်းမြစ်များ

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Deut 28:59

jari' toq rija' xtunimirisaj ri nima'q taq ruk'ayewal chiwij rix y chikij ri iwijatzul, ruk'ayewal ri kan nak'en rukiy y kan yeyaloj, y xkepe itzel taq yabil chiwij ri maneq kaq'omal y man chik xkixk'achoj ta.

Wuj Richin ri Isaías 10:4

Kan man jun xtik'oje' kan iwik'in, xaxe xtiqasaj-iwi' chikiwech ri xkixuk'uan-el pa ximonri'il, ó xa xkixkamisex kan. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:21

Ri israelita ri ek'o pa xaman xtikiben-qa oyowal chikiwech rije', y k'ari' rije' xke'ok chirij ri qaruwach'ulew Judá. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:12

Ri pa relebel-q'ij xkepe ri aj-Siria, y ri pa qajbel-q'ij ja ri aj-Filistea. Y rije' kan xkekitej chi rex ri israelita. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Os 13:13

Ri ruwach'ulew Israel xapon yan k'a ri ramaj richin nalex, jak'a xa kan achi'el jun nakanik ak'ual ri kan man retaman ta nuchojmirisaj-ri' richin nalex.

Marcos 13:8

Roma jun ruwach'ulew xtiyakatej k'a el chirij jun chik ruwach'ulew. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew. Jari' ri nabey taq q'axomal, y k'ari' xkepe chik k'a ch'aqa' kiwech tijoj-poqonal.

San Lucas 21:12

Toq man jani tibanatej ronojel re', rix xkixtzeqelibex y xtiban chiwe richin nitej poqon. Xkixuk'uex k'a chikiwech ri aj-raqen richin ri jay ri akuchi nikimol-ki' ri winaqi' richin nikak'axaj ri ruch'abel ri Dios. Xkixtz'apex pa cárcel. Xkixuk'uex chikiwech q'atoy taq tzij y chikiwech ri e rey. Ronojel k'a re' xtik'uluwachila' roma in itzeqeliben yin.

Santiago 5:1

Wakami k'o jun ninwajo' ninbij chiwe rix beyoma'. Ninbij k'a chiwe chi ruk'amon chi yixoq', kixsik'in chi oq'ej, roma janila tijoj-poqonal ri xtipe pan iwi'.