San Mateo 24:4 - Kaqchiquel Bible

⁴ Y ri Jesús xubij chike ri rutijoxela': Kan jebel k'a tichajij-iwi' richin man jun xkixq'olo.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Y ri Jesús kereꞌ xubꞌij chake: Tichajij iwiꞌ chi nixta jun tichꞌakatin iwichin.

Kaqchikel Santa Maria de Jesus

⁴ Y ri Jesús xuꞌej chica: Tibꞌanaꞌ cuenta-iviꞌ chi man jun tibꞌano maña chiva.

Kaqchikel Central Guatemala

⁴ Y ri Jesús xubij chique ri rutijoxela': Can jebel c'a tichajij-ivi' richin man yixk'olotej.

Re C'ac'a Testamento pa Kach'abal

⁴ Y re Jesús xubij chaka: Can jabal tichajij-ivi' chin man quixk'olotaj.

Kaqchikel Western Solola

⁴ Y ri Jesús xubij c'a chique ri rudiscípulos: Can jabel c'a tichajij iwi' riche (rixin) chi ma xquixk'olotej ta.

San Mateo 24:4 ပူးပေါင်းရင်းမြစ်များ

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

Wuj Richin ri Jeremías 29:8

Yin Jehová k'iytisanel richin ronojel ri yibin. Man k'a kixkiq'ol ri nikibananej chi e q'alajirisey nuch'abel ri ek'o chi'ikojol, ni ri yeq'olon rik'in ri nimalej taq banobel. Rix man tiya' ixikin chire ri nikiq'alajirisaj chiwech ri yebanon achik'.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

Efesios 5:6

Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

San Lucas 21:8

Y ri Jesús xubij chike: Kan jebel k'a tichajij-iwi' richin man jun xkixq'olo. Roma xa kan e k'iy-wi k'a ri xkebek'ulun-pe pa nubi' y xtikibila' chi ja rije' ri Cristo. Janila e k'iy ri xkeq'olotej pa kiq'a'. Jak'a rix man ke'inimaj, ni man ke'itzeqelibej.

Colosenses 2:18

Ek'o winaqi' nikibananej chi janila kiqasan-ki' y nikiya' kiq'ij ri ángel. Man tiya' q'ij chi rije' yixkiq'ol, y nikelesaj ri sipanik ri k'o chi nik'ul chila' chikaj. Re winaqi' re' nikibij chi k'iy kitz'eton ri xa man e tz'etel ta, y xa yesipoj rik'in ri itzel taq kich'obonik roma kik'uan ri ch'obonik richin re ruwach'ulew.

Wuj Richin ri Jeremías 37:9

Yin Jehová ninbij chiwe rix chi man tikuquba' ik'u'x chi ri aj-Babilonia man xketzolin ta chik pe chiwij, roma rije' xa kan xkepe chik chiwij.

Gálatas 6:3

Jak'a wi k'o jun ri nuch'ob chi k'o ruq'ij roma man qajineq ta pa mak, xa kan ruyon k'a rija' nuq'ol-qa-ri'.