San Mateo 24:38 - Kaqchiquel Bible

³⁸ Roma ri pa ruq'ijul ri Noé, kan k'a man jani tiqaqa ri ya' ri xmuqu richin ri ruwach'ulew, ri winaqi' xa beneq k'a kánima rik'in ri wa'in y rik'in ri achike yekiqumula'. Xa kan beneq k'a kánima rik'in ri kik'ulubik y rik'in ri yeyatej-el kimi'al-kik'ajol richin yek'ule'. Y kan keri' na ye'ajin chubanik chupan ri q'ij toq ri Noé y ri e aj pa rachoch xe'ok chupan ri nimalej barco.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ Porque chupan ri tiempo atoq kꞌajani tiqaqa ri kamik chi jabꞌ, ri wineq xewaꞌ, xkitij kiyaꞌ, xekikꞌulubꞌaꞌ ri kalkꞌuaꞌl y xekiyaꞌ ri kimiꞌal pa kꞌulubꞌik, y keriꞌ ngetajin rikꞌin hasta kꞌa xuqaqa na ri qꞌij atoq ri Noé xok pa arca.

Kaqchikel Santa Maria de Jesus

³⁸ Ruma pa ru-tiempo ri Noé, antok cꞌa majaꞌ tika ri diluvio; ri vinak xa bꞌanak cánima chirij ri chica niquitej y ri chica niquikun, ncaꞌcꞌulieꞌ y ncaꞌyoꞌx chi ncaꞌcꞌulieꞌ, y cꞌa quireꞌ niquiꞌan chupan ri kꞌij antok ri Noé xuoc chupan ri arca (ri incheꞌl jun nem barco).

Kaqchikel Central Guatemala

³⁸ Roma ri pa ru-tiempo ri Noé, tok can c'a man jani tibanatej ri camic job, ri vinek xa benek c'a cánima riq'uin ri quiva'in y riq'uin ri achique yequikumula'. Xa can benek c'a cánima riq'uin ri quic'ulubic y riq'uin ri yeyatej-el quimi'al-quic'ajol richin yec'ule'. Y can c'a que na ri' ye'ajin chubanic chupan ri k'ij tok ri Noé y ri e aj pa rachoch xe'oc chupan ri nimalej barco.

Re C'ac'a Testamento pa Kach'abal

³⁸ Roma pa ru-tiempo re Noé, tak c'amaje-na tibanataj re job re can man jun bey tz'eton-ta re nibex diluvio cha, re vinak binak cánma riq'uin re andex ye'quitaj y riq'uin re andex ye'quikumula'. Xa can binak cánma riq'uin re c'ulubic y chuka' can binak cánma chin che ye'quiya-a re quimi'al-cajc'ual chin che ye'c'ule'. Y can c'a quire' quitz'amon rubanic tak re Noé y re ru-familia xe'oc chupan re barco.

Kaqchikel Western Solola

³⁸ Ruma ri pa rutiempo ri Noé, tek can c'a ma jane tibanatej ta ri nimalaj job, ri winek xaxu (xaxe) wi c'a chrij ri quiway quic'uya' benak wi ri cánima. Chuka' chi achi'a' chi ixoki' can benak c'a cánima chrij ri quic'ulanen. Y can c'a que na ri' yetajin chubanic ri winek chupan ri k'ij tek ri Noé y ri ye aj pa rachoch xe'oc chupan ri nimalaj barco.

San Mateo 24:38 ပူးပေါင်းရင်းမြစ်များ

San Lucas 12:45

Jak'a ek'o ch'aqa' chik samajela' nikich'ob-qa pa kánima chi ri kajaw xa k'a man jani noqaqa, y nikichop ta k'a kich'ayik ri ch'aqa' chik samajela' chi achi'a' chi ixoqi', y xaxe ta wa'in nikiben, y nikichop q'abarik.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

San Lucas 12:19

Xtinbij-qa pa wánima chi janila k'o wik'in y k'iy juna' man xtintej ta wayjal. Xkikikot k'a, y xkinuxlan. Xkiwa' y xkinuk'ya', xcha-qa ri beyom.

San Mateo 22:30

Roma toq xtapon ri q'ij chi ri kaminaqi' xkek'astej-el, man xkek'ule' ta chik, ni man xkeyatej ta el kimi'al-kik'ajol richin yek'ule'. Rije' xa xke'ok k'a achi'el ri ru-ángel ri Dios.

Wuj Richin ri Rutikeribel 7:7

Ri Noé, ri rixjayil, ri e ruk'ajol y ri kixjayilal rije' xe'ok k'a chupan ri nima-barco richin yekolotej chuwech ri ya' ri xtumuq ri ruwach'ulew.

Wuj Richin ri Rutikeribel 7:23

Keri' k'a xbanatej toq xek'is konojel chuwech re ruwach'ulew, nitiker-el rik'in ri wineq y napon k'a rik'in ronojel kiwech taq chikopi', ri nikiqirirej-ki' y ri aj-xik' taq chikopi'; konojel re' xerumes k'a el. Xaxe chik ri Noé y ri ek'o rik'in chupan ri nima-barco ri xek'ase' kan.