San Mateo 24:31 - Kaqchiquel Bible

³¹ Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Rikꞌin nimalej ruxulik trompeta, ngenteq ri nu-ángeles chuwech nojel ri rochꞌulew, chin ngebꞌekimoloꞌ ri enuchaꞌon. Y ma jun apeꞌ chuxeꞌ ri kaj ri man ta xkeꞌeqꞌax wi.

Kaqchikel Santa Maria de Jesus

³¹ Y ri trompeta xtikꞌajan cof, y xcaꞌrutak ri ru-ángeles chi ncaꞌquimol ri i-ruchoꞌn chic. Can xcaꞌquimol quinojiel ri icꞌo oriente, ri icꞌo occidente, ri icꞌo norte y ri icꞌo sur. Can xcaꞌquimol quinojiel ri i-ruchoꞌn chic; chica-na lugar ri roch-ulief icꞌo-ve.

Kaqchikel Central Guatemala

³¹ Y jac'a chuka' ri' tok ri trompeta xtik'ajan riq'uin janíla uchuk'a', y yin xquentek c'a ri nu-ángeles chiquimolic ri e nucha'on chic. Can xquequimol-vi c'a pe re quere' pa relebel-k'ij y re quere' pa kajibel-k'ij, re quere' c'a pa jotol y re quere' chuka' pa xulan. Can xquequimol-vi c'a pe; ronojel ri acuchi nitiquir-pe ri jun rutza'n re caj, c'a la jun chic rutza'n.

Re C'ac'a Testamento pa Kach'abal

³¹ Y jare' chuka' tak re trompeta can cof xtik'ajan, y yen xque'ntak re nu-ángeles chiquimolic re je'ncha'on chic. Can xque'quimol-pa re jec'o pan oriente y re jec'o pan occidente, re jec'o pa norte y re jec'o pa sur. Can xque'quimol c'a-pa conojel re anche' nitiquir-pa re jun rutza'n re rocaj, c'a la jun chic rutza'n.

Kaqchikel Western Solola

³¹ Y yac'a chuka' ri' tek c'o jun trompeta ri can riq'ui ruchuk'a' xtik'ajan pe y riyin xquentek c'a ri nu'ángeles chiquimolic ri ye nucha'on chic. Can xquequimol wi c'a pe re quere' pa relebel k'ij y re quere' pa rukajbel k'ij, re quere' c'a pa jotol y re quere' chuka' pa xulan. Can xquequimol wi c'a pe, ronojel ri acuchi (achique) nitiquir wi pe ri jun ruchi' re caj, c'a la jun chic ruchi'.

San Mateo 24:31 ပူးပေါင်းရင်းမြစ်များ

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

Marcos 13:27

Jari' toq yin xkenteq ri nu-ángel chikoyoxik ri e nucha'on chik. Kan xkekimol k'a pe re kere' pa relebel-q'ij, pa qajibel-q'ij, pa xaman y pa xokon. Kan xkekimol k'a pe chijun ruwach'ulew, nitiker-pe pa jun rutza'n re kaj napon k'a la jun chik rutza'n.

Wuj Richin ri Isaías 27:13

Chupan ri q'ij ri' kan xtixupux k'a ri trompeta; ri ek'o chiri' pan Asiria y ri e beneq pan Egipto xkepe richin xtokiya' ruq'ij ri Jehová chupan ri juyu' ri chiri' pa Jerusalem.

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

Wuj Richin ri Isaías 11:12

Ri Dios xtuya' k'a jun retal kichin ri winaqi' richin ri ruwach'ulew chi xkerumol k'a konojel qawinaq ri e uk'uan-el juk'an chik ruwach'ulew. Xkerumol chik k'a konojel qawinaq ri e talutajineq chuwech ri ruwach'ulew. Xkeruk'en-pe ri ek'o pa relebel-q'ij, pa xokon, pa xaman y pa qajbel-q'ij chire ri ruwach'ulew.

San Mateo 13:41

Toq xtapon k'a ri q'ij ri', yin ri xiqaqa-pe achi'el wineq chi'ikojol, xkenteq k'a ri nu-ángel chikimolik konojel ri yebanon etzelal y nikiben chike ch'aqa' chik chi yetzaq.

2 Tesalonicenses 2:1

Qach'alal, wakami niqajo' yojch'on pa ruwi' ri q'ij toq xtipe chik ri qajaw Jesucristo richin niqak'ul qi' rik'in.

Efesios 1:10

Rija' ruch'obon-pe chi chupan re ruk'isibel taq q'ij xtuya' ronojel pa ruq'a' ri Cristo: Ronojel ri k'o chila' chikaj y ronojel ri k'o wawe' chuwech re ruwach'ulew xa jun xtikiben pa ruq'a'.

San Juan 11:52

Y ri Jesús kan man xaxe ta k'a pa kik'exel ri winaqi' richin ri ruwach'ulew ri' toq xtiken, xa kan xtiken k'a richin yerumol konojel ri winaqi' ri kan e ralk'ual wi ri Dios ri e talutajineq chuwech re ruwach'ulew.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 43:6

Y chike ri winaqi' ri ek'o pa xaman xtinbij chi kekijacha-pe konojel ri nuwinaq, y chike ri ek'o pa xokon xtinbij chi man kekiq'et-qa. Jak'a kan kebekik'ama-pe ri nuk'ajol, y ri numi'al ri ek'o k'a janila nej chire ri ruwach'ulew.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Wuj Richin ri Zacarías 2:6

Ri Jehová nubij chi kixanimej-pe ri pa ruwach'ulew ri k'o pa xaman, ri akuchi ixintalun-wi-el.

Wuj Richin ri Isaías 60:4

K'ulan k'a xkixtzu'un y xke'itz'et konojel ri xtibekimolo-ki' iwik'in. Xkepe k'a ri iwinaq stape' janila nej ek'o-wi, y kan xkech'elex k'a pe koma ri man e iwinaq ta.

Wuj Richin ri Isaías 49:18

Kixtzu'un k'a nej, roma konojel ri iwinaq xtikimol-pe-ki' richin xkepe iwik'in. Yin Jehová kan ninya' nutzij chi konojel rije' kan janila e jebel ok xketz'et, achi'el jun wiqobel ri niya'ox chire jun xten ri nik'ule'. Kan keri' xtokibana' iwik'in rix.

Wuj Richin ri Isaías 13:5

Xkepe chupan ruwach'ulew ri ek'o janila nej. Xkepe k'a chiri' pa ruk'isibel chire ri ruwach'ulew. Ja ri Jehová xtipe rik'in royowal richin nik'is ri ruwach'ulew Babilonia.

Apocalipsis 7:1

Chirij ri' xintz'et k'a chi e kaji' ángel e pa'el pa jujun chike ri kaji' rukajtz'uk ri ruwach'ulew, kiq'aton ri kaji' ruwech kaq'iq', richin chi man ye'apon pa ruwi' ri ruwach'ulew, pa ruwi' ri palou, y pa kiwi' ri che'.

Wuj Richin ri Zacarías 9:14

Chupan ri q'ij ri' yin kan xtink'ut k'a wi' chiwech rix nuwinaq. Ri nuch'ab ri xkenk'eq kan achi'el xa ta koyopa'. Y ja yin ri xkixupun ri trompeta richin labal. Xtinchop kere' pa xokon, y xkipe achi'el jun surkum.

Deut 30:4

Stape' ta ri winaqi' e talun-el pa taq tinamit ri ek'o k'a pa ruk'isibel chire ri ruwach'ulew, ri Jehová ri qa-Dios k'a chiri' k'a xkeberuk'ama-pe.

Apocalipsis 8:2

Y k'ari' xentz'et k'a ri e wuqu' ángel e pa'el-apo chuwech ri Dios y xjach jujun trompeta chike.

Romanos 10:18

¿Kan qitzij kami chi ri nuwinaq judío man xkak'axaj ta? Ja', kan xkak'axaj-wi, roma chupan ri tz'ibatel kan, nubij: Kan chuwech k'a chijun ruwach'ulew niq'alajin-wi ri kitzijol rije'. Kan k'a pa ruk'isibel k'a chire re ruwach'ulew niq'alajin-wi, nicha'.*f35*

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

San Mateo 24:22

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Wuj Richin ri Zacarías 14:5

Ri aj-Jerusalem kan xke'el-el chiri' pa kitinamit, y xke'animej chupan ri taq'aj ri', y xke'apon k'a pan Asal. Kan xke'animej k'a achi'el xe'animej ri winaqi' ri ojer toq xuben ri nimalej silonel pa ruq'ijul kan ri rey Uzías. Jari' toq xtipe ri Jehová e rachibilan-pe ri choj kik'aslen.

Dn 7:2

Yin xintz'et k'a chupan ri wachik' chi xpe jun nimalej kaq'iq' pa relebel-q'ij, pa xokon, pa qajbel-q'ij y pa xaman. Y re kaq'iq' re' kan janila k'a nusiloj ruwi' ri palou.

Wuj Richin ri Isaías 42:10

Tiqabixaj k'ak'a' bix chire ri Jehová, y chuqa' chijun ruwach'ulew ri ek'o janila nej. Kixbixan chuqa' chi'iwonojel rix ri yixbiyin pa ruwi' ri palou, konojel ri winaqi' ri ek'o pa taq'aj ruwach'ulew, y konojel chikopi' ri ek'o pa ya'.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

Wuj Richin Bix Chire ri Dios 67:7

Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Wuj Richin ri Zacarías 9:10

Rija' kan xkeruwulaj k'a ri carruaje e richin labal richin ri Israel. Y xkeruk'is k'a ri kiej e richin labal ri ek'o pa Jerusalem. Y xkeruk'is chuqa' ri ch'ab ri yekusex pa labal. Rija' kan xtrelesaj ronojel oyowal pa taq ruwach'ulew. Rija' xtuq'et-tzij chupan chijun ruwach'ulew; xtitiker-el chuchi' jun palou, xtapon k'a chuchi' jun chik palou, xtitiker-el chuchi' ri raqen-ya' Éufrates, y xtapon k'a pa ruk'isibel chire re ruwach'ulew.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

Ex 19:16

Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Deut 4:32

Tik'utuj k'a chirij ri ojer kan, kan k'a ja toq ri Dios xutz'uk-pe ri achin chuwech re ruwach'ulew. Kixbiyin k'a, k'a pa rutikeribel y k'a pa ruk'isibel chire ri ruwach'ulew richin nik'utuj wi k'o jun bey k'uluwachitajineq re nimalej banobel re'.

Wuj Richin ri Zacarías 6:5

Y rija' xubij chuwe chi jare' ri kaji' espíritu ri ye'el-pe rik'in ri Jehová richin yepe chuwech chijun ri ruwach'ulew.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Mateo 24:32

Kan tik'ama' k'a ina'oj rik'in ri wíkix. Toq nuchop nijotayin, etaman chik chi naqaj chik k'o-pe ri job.

Hebreos 12:19

Xkak'axaj xq'ajan ri trompeta, y xkak'axaj chuqa' toq xch'on-pe ri Dios kik'in. Jak'a rije' xkik'utuj utzil chi man chik tich'on-pe kik'in,