San Mateo 24:2 - Kaqchiquel Bible

² Jak'a toq rija' xch'on-apo chike, xubij: Ja' yalan e jebel. Jak'a yin kan qitzij ninbij chiwe, chi xtapon k'a jun q'ij toq xa kan xkewulex re nimalej taq abej re e ukusan chike re jay re'; xketzaq k'a pe y kan man jun k'a abej ri xtik'oje' kan, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

² Y ri Jesús xubꞌij chake: ¿Ngeꞌitzꞌet nojel re kꞌo waweꞌ? Kin qetzij nibꞌij chiwa, chi ngetuqaqa qꞌij atoq nixta jun abꞌej ndikanej kan pariꞌ jun chik abꞌej, xa kin nojel xtiwulix.

Kaqchikel Santa Maria de Jesus

² Ri Jesús xuꞌej chica: ¿Ntitzꞌat nojiel va? Inreꞌ can ketzij niꞌej chiva, chi xtalka jun kꞌij antok nojiel va xcaꞌvulex. Quinojiel ri nimaꞌk tak abꞌaj ri i-cusan, can xcaꞌvulex, y man jun abꞌaj ri xticꞌujieꞌ can pa ru-lugar, xchaꞌ chica.

Kaqchikel Central Guatemala

² Jac'a tok rija' xch'on-apo chique ri rutijoxela', xubij c'a: Rix can ye'itzu' c'a chi re jay re' yalan e jebel. Pero yin can kitzij ninbij chive, chi xtapon c'a jun k'ij tok xa can xquevulex y man xquepa'e' ta chic can. Ronojel re nimalej tak abej re e ucusan chique re jay re', xa can xquec'akalox c'a pe. Can man jun c'a abej ri xtic'oje' ta can achi'el la rubanon vacami, xcha' chique.

Re C'ac'a Testamento pa Kach'abal

² Y reja' xubij chaka: Yex can ye'tz'at che re jay re' camas otz quibanic. Pero yen can katzij nimbij chiva, che xtapon jun k'ij che ronojel re ye'tz'at vova' can xque'vulax y can man jun re xtipa'e-ta can. Ronojel re aboj re je'cusan chin che je'banon-va re jay re', xa can xque'vulax. Can man jun aboj re xtic'ue-ta can ancha'l la rubanon vocame, xcha' chaka.

Kaqchikel Western Solola

² Yac'ari' tek Riya' xubij chique ri rudiscípulos: Riyix can ye'itzu' c'a chi re jay re' sibilaj ye jabel. Yac'a riyin can kitzij c'a nbij chiwe, chi xtapon na jun k'ij tek xa can xquewulex y majun chic ri xtipa'e' ta ca. Ronojel re nima'k tak abej re ye ucusan chique re jay re', xa can xquewulex c'a pe. Can majun c'a abej ri xtic'oje' ta ca achi'el la rubanon wacami, xcha' chique.

San Mateo 24:2 ပူးပေါင်းရင်းမြစ်များ

Wuj Richin ri Jeremías 26:18

Ri ojer kan toq niq'aton-tzij ri Ezequías, rey richin Judá, ri Miqueas aj-Moréset xch'on pa rubi' ri Jehová kik'in konojel winaqi' richin ri qatinamit Judá y xubij: Ri Jehová k'iytisanel richin ronojel nubij chi re tinamit Sión kan xtik'oje' kan achi'el jun ulew ri xjosq'ix yan el ruwech. Ri Jerusalem kan xtiwuluwu' kan, y kan xtuben achi'el jun tzobaj ulew. Chuqa' ri ruwa-juyu' ri akuchi k'o-wi ri rachoch ri Dios kan xtok jun k'echelaj, xcha' ri Miqueas chike.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

San Lucas 19:44

Xtikiqasaj k'a pan ulew ri itinamit junan iwik'in rix. Chire ri itinamit man jun k'a jay, ni man jun tz'aq ri xtipa'e' kan. Roma kan man nitzu' ta chi ri Dios xoqaqa yan iwik'in, richin yixrukol, xcha'.

2 Pedro 3:11

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

Apocalipsis 21:22

Jak'a kan man jun jay ri akuchi niya'ox-wi ruq'ij ri Dios ri xintz'et ta, roma ri ajaw Dios ri kan k'o ronojel uchuq'a' pa ruq'a' y ri Karne'l, kan jantape' ek'o ri chiri'.