San Mateo 23:9 - Kaqchiquel Bible

⁹ Man tibij qatata' chire jun wineq ri k'o ruq'ij re wawe' chuwech re ruwach'ulew. Roma xa kan xaxe jun qatata' ri k'o chila' chikaj.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y ma jun achoq chare tibꞌij qatataꞌ chochꞌulew, porque xa kin xe wi jun ri Itataꞌ, y rijaꞌ chikaj kꞌo wi.

Kaqchikel Santa Maria de Jesus

⁹ Y man cꞌa tiꞌej katataꞌ cha jun vinak ri vaveꞌ choch-ulief chi ntiyaꞌ rukꞌij. Ruma ri Katataꞌ joꞌc Jun, y reꞌ ja ri Katataꞌ ri cꞌo chicaj.

Kaqchikel Central Guatemala

⁹ Chuka' man roma ta chi ri vinek c'o ruk'ij, roma ta ri' rix nibij ta katata' chire. Man tiben queri'. Roma ri Tata'aj xa Jun c'a ri c'o pa kavi' konojel, y ri' ja ri aj-chicajil Itata'.

Re C'ac'a Testamento pa Kach'abal

⁹ Chuka' man tibij irta' cha jun vinak xaxe roma c'o ruk'ij. Roma re Irta' yex xaxe Jun y ja reja' re c'o pa kave' konojel, y re' ja re Tata'aj re c'o chila' chicaj.

Kaqchikel Western Solola

⁹ Majun ri c'o wawe' chuwech ri ruwach'ulef ri utz nibij tata'ixel chare. Ruma xa jun ri Tata'ixel iwuche (iwixin) riyix ri c'o chila' chicaj.

San Mateo 23:9 ပူးပေါင်းရင်းမြစ်များ

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

San Mateo 7:11

Wi rix stape' kan janila ix mal, man yixtikir ta niben keri' chike ri iwalk'ual, k'a ta la' k'a ri aj-chikajil qatata' chi man ta nuya-pe chiwe ri nik'utuj chire. Y ronojel ri nuya-pe rija' kan e utz wi.

1 Corintios 4:15

Rix xikuquba' ik'u'x rik'in ri Cristo Jesús roma ri ch'abel ri xintzijoj chiwe, y roma ri' yin xinok achi'el jun tata'aj chiwe rix. Y stape' ta e janila ri yetijon iwichin chirij ri Cristo, man xtik'oje' ta k'iy itata'.

2 Corintios 6:18

*f6*Yin xkinok k'a tata'aj iwichin rix, y rix xkixok numi'al-nuk'ajol, nicha' ri ajaw ri k'o ronojel uchuq'a' pa ruq'a'.

Hechos 22:1

Rix achi'a' ri k'o iq'ij y rix ch'aqa' chik nuwinaq, kan tiwak'axaj k'a ri ch'abel ri xkenbij chiwe wakami, richin ninto-wi', xcha'.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

San Mateo 6:32

Ri winaqi' ri man ketaman ta ruwech ri Dios xa nikiben ronojel re'. Jak'a roj k'o ri qatata' chila' chikaj ri kan retaman chik chi jare' ri nik'atzin chiqe.

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

2 Rey 6:21

Toq ri rey richin Israel xerutz'et, kan xuk'utuj k'a chire ri Eliseo y xubij: Ajaw, ¿yeqakamisaj re winaqi' re'? ¿Kan yeqakamisaj wakami yan?, xcha'.

San Mateo 23:10

Kan man tiwajo' k'a chi nibix ajaw chiwe, roma xaxe jun ajaw k'o, y ri' ja ri Cristo.