San Mateo 23:5 - Kaqchiquel Bible

⁵ Rije' nikibanala' k'a ri utz, jak'a man richin ta chi utz nikiben chuwech ri Dios. Rije' xaxe richin chi ketz'et y kenimex koma ri winaqi'. Y tikitz'eta' k'a ri retal ri kik'uan chirij ri kiq'a' y ri nik'aj-kiwech, ri ek'o mokaj ruch'abel ri Dios chupan. Y chuqa' más nima'q raqen nikibanala' chire ri retz'aba'l ruchi' taq kitziaq retal chi kan kijachon-ki' pa ruq'a' ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Nojel ri ndikibꞌen, xaxe chin ngetzꞌat koma ri wineq. Ndikiyalaꞌ nimaꞌq teq retzꞌabꞌal ruchiꞌ ri kikꞌul ndikiqꞌuꞌuj, y pa runikꞌajal teq kiwech y chikiqꞌaꞌ ndikiyalaꞌ chꞌuteq yakbꞌel kibꞌiniꞌan filacterias apeꞌ kitzꞌibꞌan jubꞌaꞌ rutzij ri Dios, xe chin ngetzꞌat.

Kaqchikel Santa Maria de Jesus

⁵ Nojiel ri niquiꞌan ijejeꞌ, joꞌc chi caꞌtzꞌiet y caꞌnaꞌax cuma ri vinak chi ja ri otz ri niquiꞌan. Y can nika chiquivach nitzꞌibꞌas jujun versículo ri ruchꞌabꞌal ri Dios choch jun tzꞌun y niquiyaꞌ chupan jun chic tzꞌun, y can nem niquiꞌan cha y niquicꞌuaj chirij ri quikꞌaꞌ y chiꞌquivach. Y más nimaꞌk niquiꞌan cha ri ru-fleco ruchiꞌ ri quitziak.

Kaqchikel Central Guatemala

⁵ Y rije' niquibanala' c'a ri utz, pero man richin ta chi utz niquiben chuvech ri Dios. Xa man roma ta c'a ri' tok yequibanala'. Rije' xaxe richin chi quetz'et y quenimex coma ri vinek chi ja ri utz ri ye'ajin chubanic. Y can xe chuka' richin ri' tok janíla nima'k niquibanala' chire ri c'ojlibel ri niquic'uaj chirij ri quik'a' y ri nic'aj-quivech. C'ojlibel ri niquiyec-vi ri ch'aka' mocaj chire ri ruch'abel ri Dios. Y chuka' más nima'k raken niquibanala' chire ri retz'aba'l ruchi' tak quitziak.

Re C'ac'a Testamento pa Kach'abal

⁵ Y reje' niquibanala' re otz, pero man chin-ta che otz niquiban chach re Dios. Reje' xaxe chin che que'tz'et y que'nimax coma re vinak che reje' camas je utzulaj tak vinak. Y chuka' can ye'quiyala' re chavon tak c'ojlebal chij re quik'a' y re nic'aj tak quivach. C'ojlebal re anche' niquiyac-va nic'aj versículos cha re ruch'abal re Dios. Y chuka' camas chavon rakan niquibanala' cha re rutz'abal ruchi' re quitziak.

Kaqchikel Western Solola

⁵ Y ronojel ri niquiben xaxu (xaxe wi) riche (rixin) chi utz yetz'et cuma ri winek y yenimex. Y rumari' tek nima'k ruwech niquibanala' chare ri niquitz'ibaj wi ri ruch'abel ri Dios ri niquic'uaj chrij ri quik'a' y ri nic'aj tak quiwech. Y ruma chuka' ri' tek nima'k raken niquibanala' chare ri retz'aba'l ruchi' tak quitziak.

San Mateo 23:5 ပူးပေါင်းရင်းမြစ်များ

San Juan 12:43

Rije' xa más k'a xkich'ob achike xtikibij ri winaqi', y man ja ta ri nuch'ob ri Dios.

Filipenses 2:3

Ronojel ri niben, man tiben richin ninimirisaj-iwi' o richin chi xaxe chi utz yixk'ulun. Xa tiqasaj-iwi', y tibana' chi ja ri ch'aqa' más kiq'ij chiwech rix.

San Juan 5:44

Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

Deut 6:8

Kan tixima' chirij ri iq'a' re ruchojmilal re' y keri' chuqa' tixima-el nik'aj iwech richin jun retal.

San Lucas 20:47

Y re achi'a' re' yekimajla' kan ri kachoch ri malkani' taq ixoqi'. Y xaxe richin kenimex chi rije' e utz taq winaqi', kan yeyaloj richin yech'on rik'in ri Dios. Jak'a rije' kan xtiqaqa-wi rutojbalil-mak pa kiwi', roma ri kimak janila, xcha' ri Jesús.

Deut 22:12

Tibana' taq retz'aba'l chi kaji' ruchi' ri itziaq ri achi'el taq k'olok'eq kibanik.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Filipenses 1:15

Jak'a kan ek'o ri nikitzijoj rubi' ri Cristo xaxe roma ch'upun k'u'x y kan ek'o-wi ri kan rik'in ajowabel y rik'in ch'ajch'oj kánima nikiben ri samaj.

San Juan 7:18

Wi yin ninwajo' ta chi ri winaqi' nikiya' nuq'ij, nuyon ta yin ninq'alajirisaj-wi'. Jak'a yin ninwajo' chi rix niya' ta ruq'ij-ruk'ojlen ri Dios ri taqayon-pe wichin. Y roma ri' niq'alajin chi yin kan ja ri qitzij ninben y man jun bey ninben ri man utz ta.

San Mateo 9:20

Jak'a k'o jun ixoq yawa', ri k'o yan chik kablajuj juna' nibiyin rukik'el y man tanel ta. Rija' xjel k'a apo rik'in ri Jesús ri chirij, y xberuchapa' k'a kan juba' ri ruchi-rutziaq,

Wuj Richin Etamabel-Tzij 3:3

Ri joyowanik y ri qitzij kan awichin tabana' chike y man ke'amestaj kan; kan tabana' chi jebel ta yeq'alajin ri pan ak'aslen, achi'el niq'alajin jun ichinaj ri tzeqel chuwa-ak'u'x; kan tabana' k'a chi e tz'ibatel ta ri pan awánima.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

2 Rey 10:16

Y ri Jehú xubij chire: Wakami yabe wik'in richin xtatz'et chi yin rik'in ronojel wánima ninwajo' ri Jehová, xcha'. Y keri' junan k'a xebe chupan ri ru-carruaje.

Deut 11:18

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Wuj Richin ri Chojmirisabelri'il 13:32

Y toq xtz'aqet ri wuqu' q'ij, ri sacerdote xtutz'et chik ri ch'a'k. Y wi ri yabil man nimirineq ta, man jul ta rubanon-qa y maneq rusumal q'en e eleneq-pe,