San Mateo 23:2 - Kaqchiquel Bible

² Pa rubi' ri Moisés, e tz'uyul ri etamanela' chirij ri pixa' y ri fariseo richin nikich'ob rij ri pixa'.

နောက်ထပ်ဗားရှင်းများ

Kaqchikel Santo Domingo (Xenacoj)

² Pa kiqꞌaꞌ ri tijonelaꞌ chin ri ley xyoꞌox chare ri Moisés y pa kiqꞌaꞌ ri fariseos yoꞌon kan chin ngixkitijoj pa ruwiꞌ ri ley riꞌ.

Kaqchikel Santa Maria de Jesus

² Pa rucꞌaxiel ri Moisés, icꞌo can ri achiꞌaꞌ escribas y ri achiꞌaꞌ fariseos.

Kaqchikel Central Guatemala

² Pa ruq'uexel c'a ri Moisés, e tz'uyul ri achi'a' ri e etamanela' chirij ri ley y ri achi'a' fariseos.

Re C'ac'a Testamento pa Kach'abal

² Pa ru-lugar c'a re Moisés, je'tz'uyul-va re achi'a' re je'atamayon re ley kachin yoj re yoj israelitas y re achi'a' fariseos.

Kaqchikel Western Solola

² Ri aj tz'iba' y ri achi'a' fariseos yec'a riye' ri yec'o ca pa ruq'uexel ri Moisés riche (rixin) chi niquic'ut ri ruch'abel ri Dios chiwech.

San Mateo 23:2 ပူးပေါင်းရင်းမြစ်များ

San Lucas 20:46

Man k'a tiben achi'el nikiben ri etamanela' chirij ri pixa'. Roma rije' yalan niqa' chikiwech nikikusaj jebelej taq tzieq, richin keri' titz'et chi janila kiq'ij. Janila chuqa' niqa' chikiwech chi konojel winaqi' yekiq'ejela' ri pa taq nima'q ruwech bey ri akuchi nikimol-wi-ki'. Y chuqa' yekikanoj ri tz'uyubel akuchi yetz'uye-wi ri winaqi' ri kan k'o kiq'ij, ri pa rachoch ri Dios akuchi nikimol-ki' richin nikak'axaj ruch'abel ri Dios. Kan ja chuqa' ok ri nabey taq ch'okolibel yekajo' ri pa taq nima' wa'in richin nikina' chi k'o kiq'ij.

Marcos 12:38

Ri Jesús xubij k'a chuqa' chike ri winaqi' toq yerutijoj: Man k'a tiben achi'el nikiben ri etamanela' chirij ri pixa'. Roma rije' yalan niqa' chikiwech nikikusaj jebelej taq tzieq, richin titz'et chi janila kiq'ij. Janila chuqa' niqa' chikiwech chi konojel winaqi' yekiq'ejela' ri pa taq nima'q ruwech bey ri akuchi nikimol-wi-ki'.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

Wuj Richin ri Esdras 7:6

Re Esdras re' xjote-el pa Babilonia. Rija' jun aj-tz'ib ri kan nucha-ruk'u'x chire ri rupixa' ri Jehová Dios richin Israel ri rujachon chire ri Moisés. Y ri rey kan xuya' ronojel ri achike xuk'utuj rija', roma ri ruq'a' ri Jehová ri ru-Dios kan k'o k'a pa ruwi' ri Esdras.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

San Mateo 23:3

Roma ri' rix kan tinimaj kitzij. Kan ronojel k'a ri nikibij chiwe, tibana' y tichajij-iwi'. Jak'a man tiben achi'el ri nikiben rije'. Roma rije' xa man nikiben ta ri nikibij chi tiban.