San Mateo 23:12 - Kaqchiquel Bible

¹² Roma ri nikinimirisaj-ki', xa xtiqasex kiq'ij. Jak'a ri nikiqasaj-ki', kan xtinimirisex kiq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Porque si jun ruyon chuwech ndunimrisaj riꞌ, kin xtiqasex ruqꞌij, pero ri nduqasaj riꞌ chin ndok isamajel, kin xtinimrisex ruqꞌij.

Kaqchikel Santa Maria de Jesus

¹² Ruma ri niquinaꞌ chi can cꞌo quikꞌij, xa xtikasas quikꞌij. Pero ri niquinaꞌ chi manak-oc quikꞌij, xtiyoꞌx quikꞌij.

Kaqchikel Central Guatemala

¹² Roma ri niquinimirisaj-qui', xa xtikasex ri quik'ij. Y jac'a ri man niquinimirisaj ta qui', xtinimirisex quik'ij.

Re C'ac'a Testamento pa Kach'abal

¹² Roma re nuban che c'o ruk'ij, xa xtikasas ruk'ij. Y jac'a re nuban che manak ruk'ij, can xtic'ue' ruk'ij.

Kaqchikel Western Solola

¹² Ruma chi ri niquinimirisaj qui', xa xtikasex quik'ij. Y yac'a ri niquich'utinirisaj qui', xtinimirisex quik'ij.

San Mateo 23:12 ပူးပေါင်းရင်းမြစ်များ

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Santiago 4:6

Y kan janila rutzil nuya' pa qawi'. Achi'el nubij chupan ri ruch'abel ri tz'ibatel kan, chi ri Dios yeretzelaj y man nuk'en ta kiwech ri nikinimirisaj-ki'. Jak'a ri kiqasan-ki' rija' nuya' ri rutzil pa kiwi'.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

San Mateo 18:4

Xaxe k'a ri nuqasaj-ri' achi'el re jun ti ak'ual re', jari' ri más nim ruq'ij chupan ri aj-chikajil ajawaren.

Wuj Richin Etamabel-Tzij 15:33

Ri rukiy ri Jehová chuwech ri wineq, kan jari' ri nik'utun ri na'oj chuwech; roma ri wineq k'o chi nuqasaj-ri' chuwech ri Dios nabey, richin nik'oje' ruq'ij.

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Wuj Richin ri Achin Job 22:29

Roma ri winaqi' ri kan nim nikina-ki', ri Dios xa nuben chike chi maneq ok kiq'ij, man rik'in ri' ri Dios kan yerukol k'a ri winaqi' ri maneq ok kiq'ij.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 138:6

Rat Jehová kan atk'o pa ruwi' ronojel, y kan nawak'axaj ri ruch'abel ri wineq ri ruqasan-ri' chawech. Jak'a ri kinimirisan-ki' kan k'a nej atk'o-wi chike.

1 Pedro 5:6

Roma ri', kan tiqasaj-iwi' chuwech ri Dios, roma rija' kan k'o-wi ruchuq'a'. Richin keri' toq xtapon ri q'ij, rija' xtunimirisaj iq'ij.