San Mateo 22:9 - Kaqchiquel Bible

⁹ Wakami k'a, kixbiyin chupan ri nima'q taq ruwech bey y ke'iwoyoj-pe konojel ri ye'iwil-pe richin yepe chupan re k'ulubik, xcha' ri rey chike.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Kixbꞌiyin kꞌa pa raqen teq bꞌey, y keꞌiwoyoj pe ri janipeꞌ ngeꞌiwil, chin ngetuwaꞌ pa rukꞌulubꞌik ri nukꞌajol.

Kaqchikel Santa Maria de Jesus

⁹ Quixꞌin pa tak bꞌay ri ncaꞌiel-el pa tanamet, quiꞌivayuoj-pa quinojiel ri xquiꞌvil chi ncaꞌpa chupan ri cꞌulubꞌic va, xchaꞌ chica.

Kaqchikel Central Guatemala

⁹ Vacami c'a, quixbiyin ri pa tak bey ri yebe juc'an chic y que'ivoyoj-pe conojel richin chi yepe chupan re c'ulubic vave', xcha' chique.

Re C'ac'a Testamento pa Kach'abal

⁹ Vocame, quixbiyin pa tak calles chin re katenemit, que'ibana-pa invitar conojel chin che ye'pa vova' chupan re c'ulubic, xcha' chique.

Kaqchikel Western Solola

⁹ Wacami c'a, quixbiyin ri pa tak bey y que'isiq'uij (que'iwoyoj) pe quinojel ri xque'iwil riche (rixin) chi yepe chupan re jun c'ulanen re', xcha' chique.

San Mateo 22:9 ပူးပေါင်းရင်းမြစ်များ

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Hechos 13:47

Kan ja ri ajaw Dios biyon chiqe: Yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.*f30*

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Ez 21:21

Toq ri rey richin Babilonia xtapon akuchi nuch'er kan ri' ri bey, jari' toq xtuch'ob k'a ri achike bey xtuk'uaj. Xtuk'ulubej k'a ri wachibel, xtrelesaj k'a jun ch'ab pa ruk'ojelibal richin nretamaj ri bey y xtukamisaj jun chikop richin jebel xtunik'oj ri rusase' richin nretamaj akuchi nibe-wi.

Wuj Richin ri Abdías 1:14

Man ruk'amon ta chuqa' chi xixpa'e' tzan taq jay richin xe'ikamisaj ri xkito-ki'. Man ruk'amon ta xe'ijech ri winaqi' israelita ri xe'animej chupan ri q'ij richin ri ruk'ayewal.

San Mateo 22:8

K'ari' k'a ri rey xch'on chik kik'in ri rusamajela' jun bey y xubij k'a chike: Kan qitzij wi chi ronojel ri nik'atzin k'o chik; xa jak'a ri xenwoyoj pa nabey, xa man ruk'amon ta chi xe'oqaqa.

San Mateo 22:10

Ri samajela' kan xebe na wi ri pa taq bey, y xekoyoj y xekimol-pe ronojel kiwech winaqi'; utz y man utz ta kik'aslen. Y ri akuchi xban-wi ri k'ulubik, kan xnoj k'a.

San Mateo 20:7

Y ri samajela' ri' xkibij chi man jun xya'on kisamaj. Jari' toq ri rajaw ri ulew xubij k'a chuqa' chike rije' chi kebe pa rusamaj, y xkerutoj ri ruk'amon.