San Mateo 22:30 - Kaqchiquel Bible

³⁰ Roma toq xtapon ri q'ij chi ri kaminaqi' xkek'astej-el, man xkek'ule' ta chik, ni man xkeyatej ta el kimi'al-kik'ajol richin yek'ule'. Rije' xa xke'ok k'a achi'el ri ru-ángel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Porque atoq ndiril ri tiempo chin ngekꞌastajbꞌex pe ri animaꞌiꞌ, ma ngekꞌuleꞌ chi ta, nixta ngeyoꞌox pa kꞌulubꞌik, xa kin ngeꞌok achel ri ángeles ekꞌo chikaj.

Kaqchikel Santa Maria de Jesus

³⁰ Ruma antok xtalka ri kꞌij chi ri quiminakiꞌ xcaꞌcꞌastaj-el, man xcaꞌcꞌulieꞌ ta chic, ni man xcaꞌyoꞌx ta chi xcaꞌcꞌulieꞌ. Ijejeꞌ xa xcaꞌuoc incheꞌl ri ru-ángeles ri Dios ri icꞌo chicaj.

Kaqchikel Central Guatemala

³⁰ Roma tok xtapon ri k'ij chi ri caminaki' xquec'astej-el, man xquec'ule' ta chic, ni man chuka' xqueyatej ta el quimi'al-quic'ajol richin yec'ule'. Rije' xa xque'oc c'a achi'el ri ru-ángeles ri Dios chila' chicaj.

Re C'ac'a Testamento pa Kach'abal

³⁰ Roma tak xtapon re k'ij che re anama'i' xque'c'astaj-a, man chic xque'c'ule-ta, y chuka' man chic xque'quiya-ta-a re quimi'al-cajc'ual chin ye'c'ule'. Reje' xa xque'oc ancha'l re ru-ángeles re Dios chila' chicaj.

Kaqchikel Western Solola

³⁰ Ruma tek xtapon ri k'ij chi ri caminaki' xquec'astej el, ri achi ma xtic'oje' ta chic rixjayil, ni ri ixok ma xtic'oje' ta chic rachijil, ruma can majun chic c'ulanen xtibanatej. Riye' xa can xque'oc c'a achi'el ri ru'ángeles ri Dios chila' chicaj.

San Mateo 22:30 ပူးပေါင်းရင်းမြစ်များ

San Mateo 24:38

Roma ri pa ruq'ijul ri Noé, kan k'a man jani tiqaqa ri ya' ri xmuqu richin ri ruwach'ulew, ri winaqi' xa beneq k'a kánima rik'in ri wa'in y rik'in ri achike yekiqumula'. Xa kan beneq k'a kánima rik'in ri kik'ulubik y rik'in ri yeyatej-el kimi'al-kik'ajol richin yek'ule'. Y kan keri' na ye'ajin chubanik chupan ri q'ij toq ri Noé y ri e aj pa rachoch xe'ok chupan ri nimalej barco.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.

San Lucas 17:27

Rije' xa jak'a ri kiway-kuk'ya' ri nikich'ob; chuqa' ri k'ulubik, ri yeyatej chuqa' kimi'al-kik'ajol richin yek'ule'. Jari' ri yekich'obola' rije', toq xapon k'a ri q'ij richin chi ri Noé y ri e aj pa rachoch xe'ok chupan ri jun nimalej barco y xuchop ri kamik job, ri xeruk'is konojel ri winaqi';

San Mateo 13:43

Jak'a ri winaqi' ri choj chik kik'aslen, kan xkech'ich'an achi'el ri q'ij. Kan xkeq'alajin k'a chi ek'o pa rajawaren ri aj-chikajil qatata'. Ri k'o k'a rak'axabal, kan trak'axaj k'a ri xinbij, xcha'.

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

San Mateo 18:10

Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

Wuj Richin ri Zacarías 3:7

Ri Jehová k'iytisanel richin ronojel kere' nubij: Wi rat yabiyin achi'el ninwajo' yin, y wi nataqej ri nupixa' richin ruchojmilal, man xkatinwelesaj ta chupan ri asamaj wawe' pa wachoch. Chuqa' xtachajij ri ruwa-jay richin ri wachoch, y xtinya' k'a q'ij chi xkak'oje' chikikojol ri ángel ri ek'o wawe'.

San Mateo 22:31

Jak'a pa ruwi' ri k'astajibel kichin ri kaminaqi', ¿man itz'eton ta k'a ri ruch'abel ri Dios ri ya'on kan pan iq'a'?*f34*