San Mateo 22:16 - Kaqchiquel Bible

¹⁶ Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Y xekiteq jujun ki-discípulos junan kikꞌin jujun ruwinaq ri rey Herodes chin kereꞌ xkibꞌij chare ri Jesús: Tijonel, qetaman chi rat ja ri qetzij ndabꞌij, y atoq ngatijon, ja ri qetzij bꞌey ri ndukꞌuan rikꞌin ri Dios ri ndakꞌut. Y nixta jun achoq chuwech ndaxibꞌij awiꞌ, porque junan kiwech ngaꞌatzꞌet konojel ri wineq.

Kaqchikel Santa Maria de Jesus

¹⁶ Y ijejeꞌ xaꞌquitak qui-discípulos y nicꞌaj ruvinak ri rey Herodes riqꞌuin ri Jesús; y antok xaꞌbꞌaka, xquiꞌej cha: Maestro, ojreꞌ kataꞌn chi joꞌc ri ketzij ri nika chavach y nacꞌut ri ruchꞌabꞌal ri Dios y can ja-ve rubꞌixic naꞌan cha, ruma atreꞌ man naxiꞌij ta aviꞌ choch jun vinak mesque altíra rukꞌij.

Kaqchikel Central Guatemala

¹⁶ Jac'ari' tok rije' xequitek ri quitijoxela' e cachibilan-el e ca'i-oxi' ruvinak ri rey Herodes. Xequitek-el c'a riq'uin ri Jesús; y rije' xbequibij c'a chire ri Jesús tok xe'apon riq'uin: Rat ri at jun Tijonel, roj can ketaman c'a chi xaxe vi c'a ri kitzij ri nika' chavech y jari' ri natzijoj. Can nac'ut-vi ri ruch'abel ri Dios pa rubeyal. Y rat man naxibij ta chuka' avi' chuvech jun vinek, stape' can janíla ta ruk'ij.

Re C'ac'a Testamento pa Kach'abal

¹⁶ Y jare' tak re achi'a' fariseos xe'bequitakala-pa re ye'tzekelben quichin y chibil chuka' je ca'e-oxe' ruvinak re Rey Herodes. Y tak reje' xe'bapon riq'uin re Jesús xquibij cha: Rat re yat jun Maestro, yoj can kataman che ja re katzij re natzijoj. Rat can pa rubiyal-va nac'ut re ruch'abal re Dios, y mana-ta re ruk'ij jun vinak re natz'at.

Kaqchikel Western Solola

¹⁶ Yac'ari' tek riye' xequitek ri quidiscípulos ye cachibilan el ye ca'i' oxi' chique ri yec'o pa rupartido ri rey Herodes. Xequitek el c'a riq'ui ri Jesús; y riye' xbequibij c'a chare tek xe'apon riq'ui: Riyit ri can yit jun Tijonel, riyoj can ketaman c'a chi xaxu (xaxe) wi c'a ri kas kitzij ri nika chawech y yari' ri natzijoj. Can nac'ut wi ri bey riche (rixin) ri Dios chiquiwech ri winek. Y riyit ma naxibij ta awi' chuwech jun winek, astape' can c'o ruk'ij.

San Mateo 22:16 ပူးပေါင်းရင်းမြစ်များ

Marcos 3:6

Ri fariseo, xaxe xkitz'et kan ri', kan jari' xbekimolo-ki' kik'in ri e janila chi winaqi' ri kitzeqeliben ri rey Herodes Antipas, richin nikich'ob achike nikiben richin nikikamisaj ri Jesús.

San Lucas 20:21

Roma ri' rije' xkik'utuj k'a chire ri Jesús: Tijonel, roj kan qetaman-wi chi kan qitzij ri natzijoj. Man naben ta rukojolil kik'in ri winaqi' y kan nak'ut-wi ri ruch'abel ri Dios pa rubeyal.

Marcos 12:14

Rije' xkibij k'a chire ri Jesús: Tijonel, roj kan qetaman chi xaxe ri qitzij ri niqa' chawech. Y man naxibij ta chuqa' awi' chuwech jun wineq, stape' kan janila ta ruq'ij. Kan nak'ut-wi ri ruch'abel ri Dios pa rubeyal. ¿Ruk'amon kami chi niqatoj chire ri rey César ri k'o chi niqatoj o xa man ruk'amon ta?, xecha'.

Marcos 8:15

Ri Jesús xubij chike: Kan tiwak'axaj k'a re xtinbij chiwe, chi kan tichajij iwi' chuwech ri ch'amilej-q'or ri kik'uan ri fariseo y ri Herodes, xcha' ri Jesús.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

San Juan 18:37

Jak'a ri Pilato xubij chire ri Jesús: ¿Kan at rey wi k'a rat?, xcha'. Ri Jesús jari' k'a toq xubij chire: Ja', keri'. Yin kan in rey wi achi'el ri xabij.*f22* Kan richin wi k'a ri' toq xiqaqa-pe achi'el wineq chuwech re ruwach'ulew; richin chi ninq'alajirisaj ri qitzij chikiwech ri winaqi'. Y konojel k'a ri yeniman y e richin chik ri qitzij, kan nikiben-wi k'a ri ninbij yin chike, xcha'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 7:18

Wi yin ninwajo' ta chi ri winaqi' nikiya' nuq'ij, nuyon ta yin ninq'alajirisaj-wi'. Jak'a yin ninwajo' chi rix niya' ta ruq'ij-ruk'ojlen ri Dios ri taqayon-pe wichin. Y roma ri' niq'alajin chi yin kan ja ri qitzij ninben y man jun bey ninben ri man utz ta.

Santiago 3:17

Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

1 Tesalonicenses 2:4

Xqabila' ri utzilej ch'abel richin kolotajik chiwe, roma ja ri Dios ri xya'on re samaj re' chiqe. Rija' retaman chi niqajo' niqaben ri niqa' chuwech, y man ja ta ri niqa' chikiwech ri winaqi'.

Gálatas 2:6

Y ri qach'alal ri k'o kiq'ij man jun chik k'a xkibij-pe chuwe. Y yin, man ja ta k'a wi k'o kiq'ij o maneq kiq'ij ri xintzu', roma ri Dios man ja ta ri nitzu'un ri wineq ri nutzu'.

Gálatas 1:10

¿Y achike nibij rix? ¿Ninben kami yin chi utz yitz'et koma ri winaqi', o ninben chi utz yitz'et roma ri Dios? Yin man ninben ta chi yiqa' chikiwech ri winaqi'. Roma wi ta keri' ninben, man ta xinok rusamajel ri Cristo.

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

San Lucas 7:40

Jak'a ri Jesús xubij chire: Simón, k'o jun ri ninwajo' ninbij chawe, xcha'. Ri Simón xubij chire: Wajaw, ¿achike k'a ri nawajo' nabij chuwe?, xcha'.

Marcos 10:17

Ri Jesús xuchop chik el bey; jari' toq k'o jun achin junanin xoqaqa rik'in xxuke' chuwech y xubij chire: Rat utzilej tijonel, tabij chuwe: ¿Achike k'a ruk'amon chi ninben yin richin chi ninwichinaj ri k'aslen richin q'asen?, xcha'.

San Mateo 26:49

Y ri Judas kan jari' xjel-apo rik'in ri Jesús y xubij: Rat ri nutijonel, ninya' rutzil awech, xcha'; y xutz'ubaj kan.

San Mateo 26:18

Ri Jesús xunataj rubi' jun wineq y xubij: Kixbiyin pa Jerusalem, pa rachoch rija', y tibij chire: Ri qatijonel rubin k'a pe chi ri q'ij xa naqaj chik k'a k'o-wi-pe. Ja ri pan awachoch rat nrajo' nuben-wi ri wa'in, e rachibilan ri rutijoxela', xcha' ri Jesús.

San Mateo 22:26

Ri ruka'n achin kan keri' chuqa' ri xuk'uluwachij-el; rija' xken-el y man jun ralk'ual xk'oje' kan. Ri rox achin kan keri' chuqa' ri xuk'uluwachij-el, achi'el ri ka'i' nabey taq rach'alal, y ri ixoq k'a xk'oje' na kan. Keri' k'a ri xkik'uluwachila-el, k'a rik'in ri ruk'isibel chike ri e wuqu' kach'alal-ki'.

San Mateo 22:24

y xkibij: Rat ri at jun tijonel, roj k'o k'a jun ri niqajo' niqak'utuj chawe. Ri Moisés kan rutz'iban-wi kan chiqe chi wi k'o k'a jun achin niken-el y man jun ralk'ual nik'oje' kan, jun chike ri rach'alal k'o chi nik'ule' rik'in ri malka'n-ixoq, richin keri' yek'oje' ralk'ual rik'in. Keri' nuyek-q'anej ri rijatzul ri ánima rach'alal.

Wuj Richin ri Malaquías 2:9

Y roma rix man xitzeqelibej ta ri nubey achi'el nubij ri nupixa' y chuqa' man junan ta xiben kik'in ri winaqi', roma ri' yin xinben chiwe richin yixetzelex y kan man jun iwejqalen chikiwech ri tinamit, xcha' ri Dios.

Wuj Richin ri Malaquías 2:6

Ri Leví kan xuk'ut k'a ri qitzij y kan man jun q'oloj ri xerubij. Chuqa' kan rik'in k'a uxlanibel-k'u'x y pa ruchojmilal ri xbiyin wik'in, y kan e k'iy k'a ri xuben chike chi man xkiben ta itzel taq banobel.

Wuj Richin Etamabel-Tzij 29:5

Ri wineq ri kan janila nunimirisaj ruq'ij jun rachibil; xa pikbel ri nuya' pa rubey, richin chi nibetzaq.

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

1 Rey 22:14

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Deut 33:9

Rix kan más k'a xiwajo' ri jikibel-tzij chikiwech ri ite-itata'. Rix kan más k'a xiwajo' xinimaj ri ruch'abel ri Dios chikiwech ri iwach'alal, y ri iwalk'ual.

Marcos 12:13

Ri achi'a' ri' xekiteq k'a pe ka'i-oxi' fariseo y chuqa' e ka'i-oxi' winaqi' ri kitzeqeliben ri rey Herodes Antipas, richin chi nikiya' pa k'ayew ri Jesús y nitzaq ta pa kiq'a' rik'in ri ch'abel ri yerubij.