San Mateo 21:30 - Kaqchiquel Bible

³⁰ Ri tata'aj xapon k'a chuqa' rik'in ri jun chik ruk'ajol, y xubij chire chi tibe pa samaj. Y ri k'ajolaxel ri' xubij chire ri rutata' chi kan nibe-wi. Jak'a xa man xbe ta.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Xjel kꞌa apu ri tataꞌatz rikꞌin ri jun chik rukꞌajol y xubꞌij chare achel xubꞌij chare ri nabꞌey. Y ri rukꞌajol xubꞌij chare ri rutataꞌ: ¡Utz kꞌa! Pero xa ma xbꞌesamej ta.

Kaqchikel Santa Maria de Jesus

³⁰ Y ri quitataꞌ quireꞌ jeꞌ xuꞌej cha ri jun chic rucꞌajuol, chi tisamaj. Y ri rucꞌajuol reꞌ xuꞌej cha: Otz cꞌa táta, ja nquiꞌa, xchaꞌ. Pero xa man xꞌa ta.

Kaqchikel Central Guatemala

³⁰ Y ri tata'aj xapon c'a chuka' riq'uin ri jun chic ruc'ajol, y xubij chire chi tibe pa samaj. Y ri c'ajolaxel ri' xubij chire ri rutata': Táta, jare' yibe, xcha'. Pero ri c'ajolaxel ri' xa man xbe ta pa samaj.

Re C'ac'a Testamento pa Kach'abal

³⁰ Y re tata'aj xba chuka' riq'uin re jun chic ruc'ajol re chak'alaxel chin xbo'rbij cha, che tiba pa samaj. Y re ruc'ajol re' xubij cha: Ja papá, yimba. Pero re ruc'ajol re' xa man xba-ta pa samaj.

Kaqchikel Western Solola

³⁰ Y ri tata'aj xapon c'a chuka' riq'ui ri jun chic ruc'ajol, y xubij chare chi tibe pa samaj. Y ri c'ajolaxel ri' xubij chare ri rutata': Táta, yare' yibe, xcha'. Yac'a ri c'ajolaxel ri' xa ma xbe ta pa samaj.

San Mateo 21:30 ပူးပေါင်းရင်းမြစ်များ

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

San Mateo 23:3

Roma ri' rix kan tinimaj kitzij. Kan ronojel k'a ri nikibij chiwe, tibana' y tichajij-iwi'. Jak'a man tiben achi'el ri nikiben rije'. Roma rije' xa man nikiben ta ri nikibij chi tiban.

San Mateo 21:29

Jak'a ri k'ajolaxel ri' xubij chire ri rutata' chi man nibe ta. Jak'a xa xutzolij-ri' chire ri ruch'abel ri xubij y xbe pa samaj.

San Mateo 21:31

¿Achike chike ri ka'i' ri xbanon ri rurayibel ri rutata'?, xcha'. Y ri achi'a' ri' xkibij chi ja ri nabey. Ri Jesús xubij k'a chike: Kan qitzij k'a ninbij chiwe chi ri winaqi' e moloy méro ri k'o chi nitoj chire ri q'atbel-tzij y ri ixoqi' ri man utz ta kik'aslen, xa ja chik k'a rije' ri xkenabiyej chiwech richin ye'ok pa rajawaren ri Dios.