San Mateo 21:12 - Kaqchiquel Bible

¹² K'ari' ri Jesús xapon k'a pa rachoch ri Dios; y ri chiri' chuwa-jay xeberelesaj-pe ri k'ayinela' y ri loq'onela', xeroqotaj k'a pe konojel ri jaloy-ruwech méro, xerutek'mayila' k'a ri ki-mesa. Y keri' chuqa' xuben kan chike ri kich'akat ri k'ayil taq paloma.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Ri Jesús xok apu pa rachoch ri Dios y xeroqotaj pe konojel ri ngekꞌayin y ri ngeloqꞌon chiriꞌ, xutikmayilaꞌ ri ki-mesas ri ejaloy ruwech méra, y ri kichꞌakat ri ngekꞌayin palomas.

Kaqchikel Santa Maria de Jesus

¹² Y ri Jesús xuoc pa ru-templo ri Dios ri cꞌo pa tanamet Jerusalén. Y xaꞌrutarariej-el quinojiel ri ncaꞌcꞌayin y ri ncaꞌlakꞌo chireꞌ. Y xupajqꞌuij can ri qui-mesas ri niquicꞌax miera. Y quireꞌ jeꞌ xuꞌon cha ri quichꞌacat ri niquicꞌayij paluomix.

Kaqchikel Central Guatemala

¹² Y ri Jesús xapon c'a pa rachoch ri Dios ri c'o pa tinamit Jerusalem. Y roma xutz'et chi achi'el c'ayibel quibanon ri vinek chire, xerokotaj c'a pe conojel, chi c'ayinel chi lok'onel. Y chique ri jaloy-ruvech mero, xerutec'mayila' can ri qui-mesas. Y que chuka' ri' xuben can chique ri quich'acat ri c'ayil tak palomas.

Re C'ac'a Testamento pa Kach'abal

¹² Y tak re Jesús xoc-apo pa rachoch re Dios re c'o pa tenemit Jerusalén, xutz'at che can ancha'l q'uiybal quibanon re vinak cha, xe'rukotaj-pa conojel re vinak ye'c'ayin y re ye'lok'on. Y chique re vinak re ye'jalo rach mero xe'rutiquimila' can re qui-mesas. Y quire' chuka' xuban can chique re quich'acat re ye'c'ayin palomas.

Kaqchikel Western Solola

¹² Y ri Jesús xoc c'a pa rachoch ri Dios ri c'o pa tinamit Jerusalem. Y tek xerutz'et ri winek chi achi'el c'aybel quibanon chare rachoch ri Dios, xerokotaj c'a pe quinojel ri yetajin yec'ayin y ri yelok'onaj chiri'. Y ri aj q'uexoy tak puek xerutecmayila' ca ri quimesas, y queri' chuka' xuben chique ri quich'acat ri yetajin yec'ayin palomax.

San Mateo 21:12 ပူးပေါင်းရင်းမြစ်များ

Wuj Richin ri Chojmirisabelri'il 1:14

Y wi ri wineq nuya' chuwe jun aj-xik' chikop richin niporox, k'o chi nuk'en-pe jun paloma nim o jun ti ko'ol.

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

San Lucas 2:24

K'o chi nikisuj ka'i' paloma e nima'q o ka'i' taq kokoj. Y keri' xkiben rije'.

Wuj Richin ri Chojmirisabelri'il 12:8

Y wi re ixoq re' xa man jun achike ta k'o rik'in, maneq akuchi niberuk'ama-pe jun ti alaj achij karne'l, utz chi nuk'uaj-apo ka'i' paloma e nima'q o e kokoj, ri jun richin niporox chinuwech yin y ri jun chik richin kuyubel-mak, y ja ri sacerdote nibanon ri kamelabel richin nich'ajch'ojir ri ixoq, richin chi nink'en chik ruwech, xcha' ri Jehová.

Wuj Richin ri Chojmirisabelri'il 14:22

Chuqa' nuk'en-pe ka'i' paloma e nima'q o e ka'i' taq kokoj; xabachike k'a chike ri aj-xik' chikopi' ri' ri nitikir nuk'en-pe ri wineq. Jun chike ri' nusuj richin kamelabel richin kuyubel-mak, y ri jun chik niporox chijun chinuwech yin.

Ex 30:13

Jak'a méro re' ri k'o chi nikiya' chikijujunal ri xke'ajlex; k'o chi niya' richin sipanik, jubama nik'aj onza saqipueq richin rutojbal ri kik'aslen chuwe yin. Y ri etabel richin ri sipanik achi'el ri etabel ri nikusex chupan ri jay wichin yin.

Marcos 11:11

Keri' ri Jesús xok-apo ri pa Jerusalem, xbeq'ax-pe ri pa rachoch ri Dios y xerutzu' kan ri ek'o chiri'.Y toq xq'equmer-pe, rija' e rachibilan ri e kablajuj rutijoxela' xbe pa Betania.

Wuj Richin ri Chojmirisabelri'il 14:30

Y keri' k'a chuqa' xtusuj ri e ka'i' aj-xik' taq chikopi' ri xeruk'en-pe.

Wuj Richin ri Chojmirisabelri'il 12:6

Toq nik'is ri q'ij richin nich'ajch'ojir roma xalex ri ti ral, stape' ti xten o ti ala', k'o chi nuk'uaj-apo jun ti alaj achij karne'l richin jun kamelabel richin niporox chijun, y k'o chuqa' chi nuk'uaj-apo jun paloma nim o ti ko'ol ri niporox richin kuyubel-mak. Re' yeruya' pa ruq'a' ri sacerdote chuchi' ri wachoch.

Wuj Richin ri Chojmirisabelri'il 15:29

Y ri ruka'n q'ij chire ri', ri ixoq k'o chi nuk'uaj ka'i' paloma e nima'q o e ka'i' taq kokoj, y nipe k'a chuchi' re wachoch chinuwech yin y xkerujech pa ruq'a' ri sacerdote.

Wuj Richin ri Chojmirisabelri'il 15:14

Y pa ruka'n q'ij chire ri', ri achin ri' xtuk'en-pe ka'i' paloma e nima'q o e ka'i' taq kokoj, y nipe k'a chuchi' re wachoch chinuwech yin. Y ri taq chikopi' xkerujech pa ruq'a' ri sacerdote,

Wuj Richin ri Chojmirisabelri'il 5:11

Wi man nitikir ta yeruk'en-pe ri aj-xik' taq chikopi' ri' roma maneq rik'in richin nuloq'bej, utz nuk'en-pe pa ruk'exel ka'i' libra rik'in nik'aj k'ej ri chayun, richin nikuyutej rumak, y man nixol ta k'a aceite rik'in y man nuya' ta pom pa ruwi', roma re sipanik re' richin kuyubel-mak y man sipanik ta richin nijunamatej-wech.

San Juan 2:13

Kan naqaj chik k'a ri q'ij richin ri kinimaq'ij ri judío, ri nikinataj toq ri Dios xuya' ri Solbelri'il chike. Roma ri' ri Jesús kan xbe k'a pa Jerusalem, richin ri nimaq'ij ri'.