San Mateo 21:10 - Kaqchiquel Bible

¹⁰ Jak'a toq ri Jesús nok-apo ri pa Jerusalem, xepe k'a ri winaqi' y xkimol-ki' chi'anin chutz'etik y nikibila' ri achike rija'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Atoq ri Jesús xok apu pa tinamit Jerusalén, konojel ri ekꞌo chiriꞌ ma ndikil ta achike ndikibꞌen roma ri ndajin chikiwech y kereꞌ ndikibꞌilaꞌ: ¿Achike kꞌa chi achi reꞌ?

Kaqchikel Santa Maria de Jesus

¹⁰ Y antok ri Jesús xuoc pa tanamet Jerusalén, ri vinak ri icꞌo chireꞌ xquimol-quiꞌ chaꞌnin chi niquitzꞌat. Y ri vinak reꞌ niquiꞌej: ¿Chica cꞌa ache la? ncaꞌchaꞌ.

Kaqchikel Central Guatemala

¹⁰ Jac'a tok ri Jesús noc-apo ri pa tinamit Jerusalem, xepe c'a ri vinek y xquimol-qui' chanin chutz'etic ri Jesús. Y ri vinek ri' niquibila' c'a: ¿Achique c'a achin re'? yecha'.

Re C'ac'a Testamento pa Kach'abal

¹⁰ Jac'a tak re Jesús xoc-apo pa tenemit Jerusalén, cha'nin xquimol-qui' re vinak chutz'etic. Y re vinak re' niquibila': ¿Anchique c'a che ache re'?

Kaqchikel Western Solola

¹⁰ Yac'a tek ri Jesús ntoc apo ri pa tinamit Jerusalem, xepe c'a ri winek xquimol apo qui' chanin chutz'etic ri Jesús. Y ri winek ri' niquibila' c'a: ¿Achique c'a chi achi re'? yecha'.

San Mateo 21:10 ပူးပေါင်းရင်းမြစ်များ

Hechos 9:5

Ri Saulo xuk'utuj: ¿At achike k'a rat?, xcha'. Jak'a ri nich'on rik'in ri Saulo xubij chire: Ja yin ri Jesús, y chuwij yin achapon-wi rubanik ch'a'oj, xcha' chire.*f22*

San Lucas 9:9

Y ri Herodes nubij-qa: ¿Achike kami achin re Jesús re'? Roma k'iy yenwak'axaj chirij. Jak'a man ja ta ri Juan, roma ri Juan ja yin xitaqo rutzak'ixik rujolon, nicha'. Ri Herodes xukanola' k'a rubanikil richin chi xutz'et ta ri Jesús.

San Lucas 7:49

Y konojel ri winaqi' ri ek'o junan rik'in ri Jesús ri chiri' pa mesa, nikibila' k'a chikiwech: ¿Achike k'a chi achin re'? Roma kan yerukuy chuqa' mak, yecha'.

San Lucas 5:21

Kan xaxe xkak'axaj re ch'abel re', ri etamanela' chirij ri pixa' y ri fariseo ri ek'o chiri' xkichop nikich'ob-qa: ¿Achike roma toq re Jesús kere' xubij? Rija' xa nujunamaj-ri' rik'in ri Dios. Roma kan man jun wineq ri nitikir nikuyu mak, xa kan xaxe ri Dios, yecha'.

Wuj Richin ri Isaías 63:1

K'o k'a jun q'ij toq k'o jun ri xtuk'utuj: ¿Achike kami ri peteneq pa ruwach'ulew Edom, y k'o pa tinamit Bosrá, ri kan nich'ich'an ri rutziaq? ¿Achike kami ri rukusan-pe jun tzieq ri kan nitz'intz'ot y kan peteneq rik'in uchuq'a'?, xticha'. Ja yin Jehová ri yich'on pa ruchojmilal, y k'o wuchuq'a' richin yixinkol.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.

Wuj Richin ri Rut 1:19

Y keri', rije' kichapon k'a el bey y xe'apon pa Belén. Y toq xe'ok-apo chupan ri tinamit ri', konojel k'a ri winaqi' xekimey ri e ka'i' ixoqi' ri xe'apon, y nikibila' k'a chikiwech: ¿Man ja ta kami re' ri Noemí?, xecha'.

San Juan 2:18

Jari' toq ri judío ri kan k'o-wi kiq'ij xkibij chire ri Jesús: ¿Achike k'a ri yatikir nak'ut chiqawech richin chi kan niqetamaj chi k'o uchuq'a' pan aq'a' richin xe'awoqotaj-el ri winaqi' wawe'?, xecha'.

San Lucas 20:2

Re achi'a' re' xkibij k'a chire ri Jesús: Tabij k'a chiqe: ¿Achike xya'on re q'atbel-tzij pan aq'a'? ¿Y achike chuqa' yoyon q'ij chawe richin chi k'iy ri ye'abanala' chikikojol ri winaqi'?, xecha' chire.

San Mateo 2:3

Toq ri rey Herodes xrak'axaj ri xkibij ri etamanela', xsach ruk'u'x. Y kan keri' chuqa' konojel ri winaqi' ri chiri' pa Jerusalem.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

San Mateo 21:11

Ek'o k'a ri yebin: Jare' ri Jesús, ri q'alajirisey ruch'abel ri Dios. Rija' aj-Nazaret, tinamit ri k'o pa Galilea, yecha'.