San Mateo 20:8 - Kaqchiquel Bible

⁸ Jak'a toq xqaqa-qa ri q'ij, ri rajaw ri ulew xubij k'a chire ri k'o pa kiwi' ri samajela': Ke'awoyoj-pe konojel ri samajela' y ke'atojo-el. Nabey ye'atoj-el ri xe'oqaqa pa ruk'isibel y xkeruk'isibej kan ri xe'oqaqa pa nabey, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Atoq xokoqꞌaꞌ qa, ri rajaw ri ulew xubꞌij chare ri kꞌo pa kiwiꞌ ri samajelaꞌ: Kaꞌawoyoj ri samajelaꞌ y tatojoꞌ e ri samaj xkibꞌen, tatzꞌukuꞌ e kikꞌin ri kꞌa pa rukꞌisibꞌel xetuqaqa, y kꞌa pa rukꞌisibꞌel kaꞌatojoꞌ ri xetuqaqa nabꞌey.

Kaqchikel Santa Maria de Jesus

⁸ Antok xka-ka ri kꞌij, xpa ri rajaf ri ulief, xuꞌej cha ri ucꞌuay quichin ri samajiel: Caꞌvayuoj-pa quinojiel ri aj-samajiel y tatajo-el ri quikꞌij. Naꞌay caꞌtajoꞌ ri aj-samajiel ri xaꞌlka tarde, y después caꞌtajoꞌ ri xaꞌlka naꞌay, xchaꞌ.

Kaqchikel Central Guatemala

⁸ Jac'a tok xka-ka ri k'ij, xpe ri rajaf ri ulef tiquil uva chuvech, xubij c'a chire ri uc'uey quichin ri rusamajela': Que'avoyoj-pe conojel ri samajela' y que'atojo-el. Nabey c'a ye'avoyoj-pe ri samajela' xe'oka' pa ruq'uisibel, y ja ri samajela' ri xe'oka' pa nabey jari' ri xqueruq'uisibej can, xcha' rija'.

Re C'ac'a Testamento pa Kach'abal

⁸ Jac'a tak xoc-ka re ak'a', xpa re rajaf re juyu' re c'o tico'n chach, xubij cha re ec'uay quichin re mozos: Ca'vayoj-pa conojel re mozos chin ya'toj-a. Pero nabey ca'vayoj-pa re mozos re xe'beka c'a pa ruq'uisibal, y ja re mozos re xe'beka nabey jare' re c'a después xca'vayoj-pa, xcha' re patrón.

Kaqchikel Western Solola

⁸ Yac'a tek xka ka ri k'ij, xpe ri rajaf ri ulef ri ticon ruwech riq'ui uva, xubij c'a chare ri uc'uey quiche (quixin) ri rumozos: Que'asiq'uij (que'awoyoj) pe quinojel ri mozos y que'atojo' el. Nabey c'a que'asiq'uij (que'awoyoj) pe ri mozos ri xe'oka pa ruq'uisbel, y yec'a ri mozos ri xe'oka pa nabey yeri' ri xqueruq'uisbej ca, xcha' riya'.

San Mateo 20:8 ပူးပေါင်းရင်းမြစ်များ

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

1 Pedro 4:10

Chi'ijujunal k'o jun samaj ri yixtikir niben, ri rusipan ri Dios chiwe roma ri rutzil. Roma ri' tikusaj k'a richin ye'ito' ri ch'aqa' chik qach'alal, richin keri' niq'alajin ri ik'ulun.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

2 Corintios 5:10

Niqaben re' roma kan qonojel roj k'o chi yojapon na chuwech ri ruq'atbal-tzij ri Cristo, y chiqajujunal niqak'ul na k'a rajel-ruk'exel ri qabanobal toq xojk'oje' chupan re ch'akulaj chuwech re ruwach'ulew; wi utz xqaben o man utz ta.

San Lucas 12:42

Y ri Jesús xubij: ¿Achike samajel ri' ri k'o más runa'oj? Ja ri samajel ri niban chire roma ri rajaw chi nik'oje' pa kiwi' ri e aj pa rachoch, richin chi nuya' kiway y richin chi nuya' ronojel ri nik'atzin chike toq napon ri ruq'ijul.

San Lucas 10:7

Rix kan kixk'oje' k'a qa chupan ri jay ri yixapon-wi y kan titija' y tiqumu' ri xtikisipaj chiwe, roma ri samajel kan ruk'amon-wi chi nitoj roma ri samaj ri nuben. Y man k'a tijalala' ri jay ri akuchi yixk'oje-wi.

San Lucas 8:3

Chuqa' beneq ri jun ixoq ri rubini'an Juana, rixjayil ri jun achin rubini'an Cuza. Y re achin re' jun rusamajel ri Herodes Antipas. Chuqa' beneq ri jun ixoq rubini'an Susana. Ek'o chuqa' ch'aqa' chik ixoqi' ri e beneq ri kan yekito' ri Jesús y ri rutijoxela'.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

San Mateo 25:19

Y toq q'axineq chik k'iy q'ij, k'ari' xtzolin-pe ri kajaw ri samajela' ri'. Y rija' xuk'utuj k'a chike achike xkiben rik'in ri q'anapueq ri xuya' kan chike.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Wuj Richin ri Rutikeribel 43:19

Y toq ye'ok yan apo pa rachoch ri José, nabey xech'on rik'in ri aj-raqen kichin ri samajela',

Wuj Richin ri Rutikeribel 15:2

Y ri Abram xubij: Wajaw Jehová, rat jebel awetaman chi yin e maneq walk'ual ri xke'ichinan ta kan ronojel ri nubeyomel ri k'o wik'in, xaxe ri Eliézer ri k'o pa kiwi' ri nusamajela', ri achin aj-Damasco.

San Mateo 20:7

Y ri samajela' ri' xkibij chi man jun xya'on kisamaj. Jari' toq ri rajaw ri ulew xubij k'a chuqa' chike rije' chi kebe pa rusamaj, y xkerutoj ri ruk'amon.

San Mateo 20:9

K'ari' ri samajela' ri xe'ok pa samaj ri pa ro' hora chire ri tiqaq'ij, xbekik'ulu-pe rajel jun kiq'ij.

Wuj Richin ri Rut 2:6

Y ri samajel xubij chire: Ja k'a xten la' ri aj-Moab ri peteneq rik'in ri Noemí.