San Mateo 20:26 - Kaqchiquel Bible

²⁶ Jak'a ri chi'ikojol rix man keri' ta. Roma ri nrajo' k'a nik'oje' ruq'ij, k'o chi nuqasaj-ri' chubanik xabachike samaj.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Pero chiꞌikajal rix, ma tibꞌanatej keriꞌ, porque ri ndirajoꞌ ndikꞌojeꞌ ruqꞌij chiꞌikajal, ndikꞌatzin ndok isamajel.

Kaqchikel Santa Maria de Jesus

²⁶ Pero chiꞌicajol ixreꞌ man quireꞌ ta. Ruma xa cꞌo jun ri nrajoꞌ nuꞌon nem chiꞌicajol ixreꞌ, nicꞌatzin chi nquixruꞌon servir.

Kaqchikel Central Guatemala

²⁶ Jac'a ri chi'icojol rix man que ta ri'. Roma ri nrajo' c'a nic'oje' ruk'ij chive rix, nic'atzin chi nuna-ka-ri' chi xa manek ruk'ij y tuch'utinirisaj-ri' richin nusuj-ri' chubanic xabachique samaj.

Re C'ac'a Testamento pa Kach'abal

²⁶ Pero re chi'icojol yex man quire-ta. Roma vo xa c'o jun chiva yex re nrajo' nic'ue' ruk'ij, can tuna-ka-ri' che xa manak ruk'ij y tusuju-ri' chin nuban xabanchique samaj.

Kaqchikel Western Solola

²⁶ Yac'a ri chicojol riyix jun wi chic. Ruma ri nrajo' chi nic'oje' ruk'ij chicojol, xa tuch'utinirisaj ri', y querunimaj querilij ri nic'aj chic.

San Mateo 20:26 ပူးပေါင်းရင်းမြစ်များ

Marcos 10:43

Jak'a ri chi'ikojol rix man keri' ta. Roma ri nrajo' nik'oje' ruq'ij, k'o chi nuqasaj-ri' chubanik xabachike samaj.

Marcos 10:45

Y keri' yin ri xiqaqa-pe achi'el wineq chi'ikojol. Yin man ninpoqonaj ta yisamej koma ch'aqa', roma kan richin ri' toq xipe. Ja yin ri yiya'on ri nuk'aslen richin keri' e k'iy yekolotej, xcha' ri Jesús.

Marcos 9:35

Ri Jesús xtz'uye' k'a qa. K'ari' xeroyoj-apo rik'in chi kablajuj rutijoxela', y xubij k'a chike: Wi k'o jun nrajo' chi ja rija' ri nabey, ja rija' ri xtuk'isibej kan y xtok jun ilinel kichin konojel, xcha'.

1 Pedro 5:3

Jak'a man roma ta chi ja rix ri yixchajin kichin, kan nik'o ruwi' ri niben chike. Xa kan ja rix kixuk'uan jun chojmilej k'aslen chikiwech.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

1 Pedro 4:11

Wi kan banon pe chawe roma ri Dios richin natzijoj ri ruch'abel, kan tatzijoj k'a ri ruch'abel. Y wi jun chik ruwech samaj ruya'on-pe chawe kan tabana' k'a rik'in ri uchuq'a' ri nuya' rija' chawe. Y roma ronojel re' xtuk'ul ta ruq'ij-ruk'ojlen ri Dios pa rubi' ri Jesucristo, rajaw ronojel ruwaq'ijaj y uchuq'a' richin jantape'. Kan keri' k'a.

San Mateo 25:44

Y jari' k'a toq rije' chuqa' xtikibij chuwe: Qajaw, roj man jun bey xatqatz'et chi natej ta wayjal, nichaqi'j ta achi'; chuqa' man xqatz'et ta chi nik'atzin akuchi ta xak'oje-wi, o maneq ta atziaq chawij, at yawa' ta, atk'o ta pa cárcel. Roj man jun bey xatqatz'et chi keri' ta ak'uluwachin; roma ri' kan man jun wi k'a utzil xqaben chawe, xkecha'.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Filemón 1:13

Yin ninwajo' chi ri Onésimo nik'oje' ta wik'in wawe' pa cárcel richin yirilij, pan ak'exel rat, roma rat man yatikir ta yak'oje-pe wik'in re akuchi in tz'apel-wi roma ri utzilej ch'abel richin kolotajik.

2 Timoteo 1:18

Kan jebel awetaman chi rija' janila xojruto' toq xojk'oje' pa tinamit Éfeso. Roma ri' ri Jesucristo xtujoyowaj ta ruwech chupan ri q'ij toq xtipe chik jun bey.

2 Corintios 1:24

Rix man k'a tich'ob chi yin y ri e wachibil jari' ri ojk'o pan iwi' richin niqabij chiwe ri achike ruk'amon chi ninimaj. Pa ruk'exel ri' rix kan kuqul chik ik'u'x rik'in ri Cristo. Roj xaxe k'a yixqato', richin chi k'o ta más kikoten pa taq iwánima.

Hechos 13:5

Toq ek'o chik ri pa tinamit Salamina ri chiri' pa Chipre, xkichop k'a rutzijoxik ri ruch'abel ri Dios ri pa taq jay akuchi ri judío nikak'axaj ruch'abel ri Dios. Ri Bernabé y ri Saulo kik'uan k'a el ri Juan Marcos richin yeruto'.

San Juan 18:36

Y ri Jesús xubij k'a chire ri Pilato: Yin man in rey ta richin re ruwach'ulew. Roma wi ta yin in rey richin re ruwach'ulew, konojel ta ri e samajela' wik'in, ye'ajin ta chik chi oyowal, richin man yijach-el pa kiq'a' ri achi'a' ri kan k'o-wi kiq'ij chikikojol ri nuwinaq, xcha'.

San Mateo 27:55

E k'iy ixoqi' ri kan kitzeqeliben-pe ri Jesús toq xel-pe ri chiri' pa Galilea richin xkilij; rije' yetzu'un k'a apo, jak'a xa nej ek'o-wi-el.

Ez 24:13

Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

San Mateo 20:27

Wi k'o k'a chiwe rix kan nrajo' chi ja rija' ri nabey y k'o ta ruq'ij, kan tuqasaj k'a ri' richin nok jun ilinel.

San Lucas 22:26

Jak'a chi'ikojol rix nutijoxela' man keri' ta. Roma ri más nim ruq'ij chi'ikojol rix, nik'atzin chi nuna-qa-ri' chi xa más ko'ol chikiwech ri rachibil. Y ri jun chiwe rix ri nik'oje' pan iwi', nik'atzin chi nuna-qa-ri' chi xa maneq ruq'ij.