San Mateo 2:6 - Kaqchiquel Bible

⁶ Kan xtipe k'a jun q'atoy-tzij pa Belén richin ri Judá. Stape' ri tinamit ri' maneq ok rejqalen chikiwech konojel ri tinamit richin Judá, jak'a kan kik'in rije' xtel-wi-pe re q'atoy-tzij re'. Y ja rija' k'a xtiyuqen kichin ri nuwinaq judío, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Rat tinamit Belén, ri ratkꞌo pa rochꞌulew chin ri Judá, Maske rat wíta ok Chikikajal ri chꞌaqa chik tinamit chin ri Judá, kin nimalej aqꞌij, Porque chikikajal ri awinaq ndalex jun Ukꞌuey Bꞌey, Ri ndiyuqꞌun richin ri nutinamit Israel. Keriꞌ tzꞌibꞌan kan.

Kaqchikel Santa Maria de Jesus

⁶ Y at Belén ri atcꞌo Judá, man at coꞌl ta oc chiquicajol ri nimaꞌk tak tanamet chireꞌ Judá, ruma aviqꞌuin atreꞌ xtitiel-el ri Jun ri xticꞌutu ri bꞌay, y can xcaꞌruchajij ri vinak aj-Israel ri nutanamit. Quireꞌ xquiꞌej cha ri rey Herodes.

Kaqchikel Central Guatemala

⁶ Y rat tinamit Belén ri atc'o pa Judá, rat man can ta at co'ol ri chiquicojol ri nimalej tak tinamit ri chiri' pa Judá, roma ja ri chiri' aviq'uin rat ri xtipe-vi ri uc'uey-bey, y can xqueruyuk'uj-vi c'a ri vinek aj-Israel ri nutinamit, nicha' ri Dios, xecha-apo chire ri rey Herodes.

Re C'ac'a Testamento pa Kach'abal

⁶ Y rat Belén re yatc'o pa Judá, rat man can-ta yat co'ol chiquicojol re namalaj tak tenemit chire' pa Judá, roma ja chire' aviq'uin rat xtipo-va re ec'uay-bey, y can xque'ruchajij c'a re vinak aj-Israel re nutenemit, nicha' re Dios. Quire' xquibij-apo cha re Rey Herodes.

Kaqchikel Western Solola

⁶ Y riyit tinamit Belén ri yitc'o pa Judá, riyit ma can ta yit co'ol chiquicojol ri nima'k tak tinamit chiri' pa Judá, ruma ya ri chiri' awuq'ui riyit xtipe wi ri uc'uey bey, y can xqueruchajij ri nutinamit Israel achi'el nuben jun utzilaj aj yuk', nicha' ri Dios, xecha' apo chare ri rey Herodes.

San Mateo 2:6 ပူးပေါင်းရင်းမြစ်များ

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

San Juan 7:42

Roma ri ruch'abel ri Dios ri tz'ibatel kan nubij chi ri Cristo rijatzul kan ri rey David. Ri chiri' pa Belén, ri tinamit ri xalex-wi ri David, chiri' k'o chi nipe-wi, yecha'.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

Apocalipsis 2:27

Kan achi'el ri rubanon-pe ri Nata' chuwe yin, ri kan rujachon-pe uchuq'a' pa nuq'a' pa kiwi' ri ruwach'ulew, keri' rije' xtikiq'et-tzij pa kiwi' ri ruwach'ulew rik'in ronojel uchuq'a', achi'el xa ta kan jun ch'ich' ri k'o pa kiq'a', richin man k'ayew ta yekipaxila', achi'el niban chike ri bojo'y.

2 Sam 5:2

Y kan qitzij na wi chi ja ri Saúl ri xq'aton-tzij pa qawi'. Jak'a xa kan ja rat ri at uk'uayon ri bey chikiwech ri aj-labal. Chuqa' ri Jehová rubin chawe chi rat xkatok yuq'unel y tata'al qichin roj tinamit Israel, xecha'.

Colosenses 1:18

Ja rija' ri jolomaj pa qawi' ri qakuquban qak'u'x rik'in, y oj okineq ruch'akul. Ja rija' xya'on ruk'aslen ri ch'akulaj ri'. Y ja rija' ri nabey ri xk'astej-el chikikojol ri kaminaqi', richin chi xk'oje' nabey pa ruwi' ronojel.

San Mateo 2:1

Ri Jesús xalex k'a ri pa tinamit rubini'an Belén, ri k'o pa Judea, pa ruq'ijul ri Herodes ri Nim,*f3* ri rey pa ruwi' ri ruwach'ulew ri'. Y toq q'axineq chik juba' q'ij, jari' toq ka'i-oxi' achi'a' etamanela' chikij ri ch'umila', e peteneq pa relebel-q'ij xe'oqaqa pa Jerusalem.

Efesios 1:22

Ri Dios xuya' ronojel pa ruq'a' ri Cristo, y kan ja wi k'a rija' ri xk'oje' pa qawi' qonojel roj ri qakuquban qak'u'x rik'in.

1 Crón 5:2

Ri tzobaj richin ri Judá ja rije' ri xk'oje' más kuchuq'a', y chiri' xel-wi-pe jun tata'al pa kiwi' ri rach'alal. Jak'a ri k'atzinel chi niya'ox ta kan chire ri nimalaxel, xa xya'ox chire ri José.

Wuj Richin ri Q'axanri'il 24:19

Rik'in ri rijatzul kan ri Jacob xtibek'oje' jun ch'akonel, y xkeruk'is k'a konojel ri e kolotajineq kan chupan ri tinamit Seír.

San Juan 21:16

K'ari' ri Jesús xuk'utuj chik chire jun bey: Rat Simón ri ruk'ajol ri Juan, ¿kan yinawajo' k'a?, xcha' chire. Y ri Pedro xubij chik: Wajaw, kan keri' wi. Rat awetaman chi yatinwajo', xcha'. Ri Jesús xubij: Ke'ayuq'uj y ke'ak'uaj k'a ri nukarne'l.

Wuj Richin ri Esdras 2:21

Y chuqa' xetzolin-pe ri e kijatzul ri winaqi' aj-Belén, e 123.

Hebreos 7:14

Kan qetaman chi rija' riy-rumam kan ri Judá. Y ri pixa' man nubij ta chi ri e riy-rumam kan ri Judá ye'ok ta sacerdote.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

1 Crón 2:51

ri Salmá, ri rutata' ri Belén; y ri Haref, ri rutata' ri Bet-gader.