San Mateo 2:16 - Kaqchiquel Bible

¹⁶ Jak'a ri Herodes toq xunabej chi ri etamanela' xa man xkiben ta achi'el ri rubin-el chike, kan xyakatej janila royowal. Roma ri' xuteq kikamisaxik konojel ri taq alaboni' ri k'o ka'i' kijuna' pa xulan, ri ek'o chiri' pa Belén, y chuqa' ri ek'o pa taq tinamit ri ek'o-pe chunaqaj. Ri Herodes xuben k'a achi'el ri ruq'ijul ri xq'ax kan chuwech, ri janipe' kitz'eton-pe ri ch'umil, ri etamanela'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Atoq ri Herodes xuyaꞌ cuenta chare chi xchꞌakatix kan koma ri achiꞌaꞌ nimalej kinojibꞌal, santienta royowal xyakatej. Romariꞌ, xubꞌen mandar chi kekamisex konojel ri chꞌuteq kꞌajolaꞌ nditzꞌukutej e kikꞌin ri kꞌaja ok xeꞌalex hasta ri kꞌo chik kaꞌiꞌ kijunaꞌ pa tinamit Belén, y ri pa chꞌaqa chik tinamit ri ekꞌo chunaqaj. Keriꞌ xubꞌen mandar ri Herodes, porque xretamaj kan pa kichiꞌ ri achiꞌaꞌ nimalej teq kinojibꞌal ri janipeꞌ tiempo kitzꞌeton pe ri chꞌumil.

Kaqchikel Santa Maria de Jesus

¹⁶ Y antok ri rey Herodes xunaꞌiej chi ri achiꞌaꞌ ri qꞌuiy cataꞌn chiquij ri estrellas (chꞌumil) xa man xquiꞌan ta incheꞌl ri ruꞌeꞌn-el chica, jajaꞌ xyacataj altíra royoval y mareꞌ xuꞌon mandar chi caꞌquimisas quinojiel ri xuluꞌiꞌ alabꞌo ri cꞌajaꞌ xaꞌlax hasta caꞌyeꞌ quijunaꞌ ri icꞌo chireꞌ pa tanamet Belén y ri icꞌo pa tak lugar cierca ri tanamet. Ruma jajaꞌ rataꞌn can ri tiempo quiqꞌuin ri achiꞌaꞌ ri qꞌuiy cataꞌn chiquij ri estrellas (chꞌumil).

Kaqchikel Central Guatemala

¹⁶ Y can jac'ari' tok ri rey Herodes xunabej chi ri achi'a' e etamanela' chiquij ri ch'umila' xa man xquiben ta achi'el ri rubin-el rija' chique. Y rija' xyacatej janíla royoval y xutek quicamisaxic conojel ri tak alabon ri ec'o chiri' pa tinamit Belén y ri ec'o pa tak lugar ri ec'o-pe chunakaj ri tinamit. Ri tak alabon c'a ri xutek quicamisaxic jac'a ri ca'i' quijuna' pa xulan. Roma rija' can retaman c'a can quiq'uin ri achi'a' ri e etamanela' chiquij ri ch'umila'.

Re C'ac'a Testamento pa Kach'abal

¹⁶ Y can jare' tak re Rey Herodes xunabej che re achi'a' re camas quitaman chiquij re ch'umil man xquiban-ta ancha'l re rubin-a chique. Y reja' camas xyacataj ruyoval y xutak quiquimisasic conojel re ch'utak alabo re jec'o chupan re aldea rubini'an Belén y re jec'o pa tak lugar re jec'o-apo chunakaj re aldea re'. Re ch'utak alabo re xutak quiquimisasic ja re c'o ca'ca' quijuna' y re c'a jun ca'e' k'ij ca'lax-va. Roma reja' can rutaman can chiquij re achi'a' re camas quitaman chiquij re ch'umil.

Kaqchikel Western Solola

¹⁶ Y can yac'ari' tek ri rey Herodes xunabej chi ri achi'a' ri c'o quetamabel chiquij ri ch'umila' xa ma xquiben ta ri achi'el ri rubin el riya' chique, rumari' xyacatej c'a sibilaj royowal y xutek c'a quicamisaxic quinojel ri tak c'ajola' (alaboni') ri xa c'a ma jane nik'ax ta caca' quijuna' ri yec'o chiri' pa tinamit Belén, y ri yec'o pa tak lugar ri yec'o pe chunakajal ri tinamit. Queri' xuben ruma riya' can retaman ca chi c'o chic ca'i' juna' titz'etetej wi ri ch'umil cuma ri achi'a' ri c'o quetamabel chiquij ri ch'umila'.

San Mateo 2:16 ပူးပေါင်းရင်းမြစ်များ

Wuj Richin ri Rutikeribel 39:14

xsik'in richin chi xeroyoj ri aj pa rachoch y k'ari' xubij chike: Titz'eta', ri hebreo ri xuk'en-pe ri wachijil re pa qachoch, xaxe richin chi nitze'en chiqij. Rija' xrajo' chi xk'oje' ta wik'in, y roma ri' yin kan xisik'in rik'in ronojel wuchuq'a'.

Wuj Richin ri Rutikeribel 39:17

Y toq xapon k'a ri rachijil, rija' xubij k'a chire: Ri asamajel hebreo ri ak'amon-pe, xaxe xpe richin xrajo' xuya' nuk'ix.

Wuj Richin ri Rutikeribel 49:7

Kan tiqaqa-wi k'a itzel pa kiwi' roma ri koyowal, roma ri koyowal kan nik'uxun, ri etzelal ri k'o pa kánima, kan maneq juba' joyowanik chupan; roma ri' kan xkenwelesaj k'a el chikikojol ri walk'ual yin, Jacob, kan xkentaluj k'a el chikiwech ri walk'ual yin, Israel, xcha'.

2 Rey 8:12

Y ri Hazael xubij chire: ¿Achike roma yatoq' wajaw?, xcha' chire. Y ri Eliseo xubij: Roma wetaman chi rat kan k'iy itzel ri xtabebana' chike ri nuwinaq israelita; y ri tz'aq xtabeya' ruq'aq'al, y xke'akamisaj ri alaboni' rik'in espada. Kan xke'abojla' ri taq ak'uala' chuwech abej, y kan xtachobila' kipan ri ixoqi' ri e yawa'i' chik, xcha'.

Wuj Richin ri Achin Job 12:4

Yin in jun chike ri xa nitze'ex koma ri rachibil; jun ri xch'on-q'anej rik'in ri Dios, y xk'ulubex-pe ri ruch'abel. Man rik'in ri', ri choj y tz'aqet ruk'aslen kan nitze'ex koma ri rachibil.

Wuj Richin Etamabel-Tzij 28:15

Kan achi'el k'a jun koj ri nureq ruchi' o achi'el nuben jun oso ri niken roma wayjal; kan keri' rubanikil ri q'atoy-tzij ri banoy richin etzelal, y niq'aton-tzij pa kiwi' meba' taq winaqi'.

Wuj Richin Etamabel-Tzij 28:17

Ri wineq ri k'o kamik rubanon chikikojol ri ruwinaq, stape' nanimajilan y nrewala-ri' chupan chijun ruk'aslen keri' niken-el; kan man jun k'a xtiq'aton richin.

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

Wuj Richin ri Isaías 59:7

Kan anineq yixbe chubanik etzelal. Kan anineq yixbe chi relesaxik ri ruk'aslen ri xa man jun rumak. Ri ich'obonik xaxe richin ye'iben ri etzelal, y ri akuchi ri yixq'ax-wi, kan ronojel niyoj y niwulaj kan.

Dn 3:13

Toq xrak'axaj keri', ri rey kan xyakatej k'a janila royowal, y roma ri' xuteq kik'amik ri Sadrac, ri Mesac y ri Abed-negó. Y kan chi'anin k'a xek'amer-pe chuwech ri rey.

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

Wuj Richin ri Q'axanri'il 22:29

K'ari' ri Balaam xubij chire ri ti rubur: Rat xa yatze'en chuwij. ¡Xa ta k'o pe jun espada pa nuq'a', wakami yan yatinkamisaj kan!, xcha'.

Wuj Richin ri Q'axanri'il 24:10

K'ari' ri Balac xyakatej janila royowal chirij ri Balaam y roma ri' xupaq'aq'ej ri ruq'a' chirij y xubij chire: Yin xatinwoyoj k'a richin chi nawoyoj itzel pa kiwi' ri e etzelanel wichin, jak'a rat xa jare' oxi' yan mul taya' urtisanik pa kiwi'.

San Mateo 2:1

Ri Jesús xalex k'a ri pa tinamit rubini'an Belén, ri k'o pa Judea, pa ruq'ijul ri Herodes ri Nim,*f3* ri rey pa ruwi' ri ruwach'ulew ri'. Y toq q'axineq chik juba' q'ij, jari' toq ka'i-oxi' achi'a' etamanela' chikij ri ch'umila', e peteneq pa relebel-q'ij xe'oqaqa pa Jerusalem.

San Mateo 2:17

Keri' kan xtz'aqet k'a ri rutz'iban kan ri Jeremías, toq xubij:*f6*

San Mateo 2:7

K'ari' ri Herodes xeroyoj k'a ri etamanela' ri' pa ruyonil y xuk'utula' k'a chike ri jampe' kitz'eton-pe ri ch'umil ri'.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

Wuj Kichin ri To'onela' 16:10

Y jari' toq ri Dalila xubij chire ri Sansón: Rat xa xinaq'ol y ri xabij chuwe xa man qitzij ta. Tabij k'a chuwe, taq'alajirisaj chinuwech achike rubanik richin yaxim, xcha'.