San Mateo 2:13 - Kaqchiquel Bible

¹³ Toq ri etamanela' xetzolej yan el pa kiruwach'ulew, kan jari' jun ángel richin ri Dios xuk'ut-ri' chuwech ri José, pa rachik'. Y xubij chire: Tak'uaj-el ri ak'ual rachibilan ri rute' y kixanimej-el wawe'. Kixbiyin k'a pan Egipto y kixk'oje' chiri', k'a toq xtinya' na rutzijol chawe toq utz chik yixtzolin-pe. Roma ri rey kan xtuteq rukanoxik re ak'ual richin chi nukamisaj, xcha' ri ángel.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Atoq xebꞌa yan ri achiꞌaꞌ nimalej kinojibꞌal, jun ru-ángel ri Ajaw xuqꞌalajrisaj riꞌ pa rachikꞌ ri José, y kereꞌ xubꞌij chare: Kayakatej, takꞌuaj ri chꞌuti akꞌual y ri ruteꞌ y kixanimej. Kixbꞌiyin pa rochꞌulew Egipto, y kixkꞌojeꞌ chiriꞌ hasta kꞌa xtinbꞌij na chawa, porque ri rey Herodes yaméra nduteq rukanoxik ri akꞌual chin ndukamisaj.

Kaqchikel Santa Maria de Jesus

¹³ Y después antok xaꞌa ri achiꞌaꞌ ri qꞌuiy cataꞌn chiquij ri estrellas (chꞌumil), jun ángel richin ri Ajaf xucꞌut-riꞌ choch ri José pa rachicꞌ. Y ri ángel reꞌ xuꞌej cha: Capalaj, tavucꞌuaj ri acꞌual y ri rutieꞌ y quixnumaj cꞌa chupan ri nación Egipto; quixcꞌujieꞌ chireꞌ y inreꞌ xtinꞌej chava jampeꞌ otz xquixtzalaj-pa. Ruma ri rey Herodes can xtucanuj ri acꞌual chi nuquimisaj, xchaꞌ ri ángel cha ri José pa rachicꞌ.

Kaqchikel Central Guatemala

¹³ Y ri achi'a' ri etamanela' chiquij ri ch'umila' xetzolej. Y can jac'ari' tok jun ángel richin ri Ajaf Dios xuc'ut-ri' chuvech ri José, pa rachic'. Y re ángel re' xubij chire: Cayacatej c'a el. Tac'uaj-el ri ac'ual rachibilan ri rute' y quixanmej-el vave'. Quixbiyin c'a pan Egipto y quixc'oje' chila', y yin xtinya' rutzijol chave tok utz chic yixtzolin-pe. Roma re vacami, ri rey Herodes can xtorucanoj re ac'ual richin chi nucamisaj, xcha' ri ángel chire ri José, pa rachic'.

Re C'ac'a Testamento pa Kach'abal

¹³ Y re achi'a' re camas quitaman chiquij re ch'umil xe'tzolaj. Y jare' tak re José xutz'at pa ruvaran jun ángel chin re Ajaf Dios. Y re ángel re' xubij cha: Cayacataj. Tac'uaj-a re ac'ual y chibil re rute' y quixnumaj-a. Quixbiyin c'a pan Egipto y quixec'ue' chire', y c'a xtinya-na chic rutzijol chava tak otz che yixtzolaj chic-pa jun bey. Roma re Rey Herodes can xtucanoj re ac'ual chin che nuquimisaj.

Kaqchikel Western Solola

¹³ Y tek ri achi'a' ri c'o quetamabel chiquij ri ch'umila' ye elenak chic el, can yac'ari' tek jun ángel riche (rixin) ri Ajaf Dios xuc'ut ri' chuwech ri José pa rachic'. Y ri ángel ri' xubij chare: Cayacatej c'a el. Tac'uaj el ri ac'al rachibilan ri rute' y quixanmej el wawe'. Quixbiyin c'a pan Egipto y quixc'oje' chila', y riyin xtinya' rubixic chawe tek utz chic yixtzolin pe. Ruma chi re wacami, ri rey Herodes can xtorucanoj wi re ac'al riche (rixin) chi nucamisaj, xcha' chare.

San Mateo 2:13 ပူးပေါင်းရင်းမြစ်များ

Hechos 12:11

Jari' toq ri Pedro xunabej, y xubij: Wakami, xinwetamaj chi ri ángel kan qitzij wi chi taqon-pe roma ri ajaw richin xinorukolo' kan pa ruq'a' ri Agripa y chuwech ronojel ri kinojin ri nuwinaq chi nikiben chuwe, nicha-qa pa ránima ri Pedro.

Hechos 10:7

Toq ri ángel ri xch'on kan chire ri Cornelio beneq chik, ri Cornelio xeroyoj k'a e ka'i' rusamajela' y jun aj-labal ri kan jun ya'ol chuqa' ruq'ij ri Dios. Re aj-labal k'a re', jare' ri jantape' k'o rik'in ri Cornelio.

Hechos 5:19

Jak'a ri chi'aq'a', ri Dios xuteq k'a pe jun ángel ri pa cárcel kik'in rije'. Y re ángel re' xujeq-el ri ruchi' ri cárcel chikiwech, richin xerelesaj-el. Y xubij k'a chike:

San Mateo 2:12

Jak'a re achi'a' re' kan xq'alajirisex k'a chikiwech ri pa kachik', chi man chik ketzolin pa kibey richin nibekiya' kan rutzijol chire ri Herodes. Y kan keri' wi xkiben, roma toq xetzolin-el pa kiruwach'ulew, xa jun wi chik ri kibey xkik'uaj-el.

San Mateo 1:20

Nich'oboch'ot k'a pa ruwi' ri' toq jun ángel richin ri ajaw xuk'ut ri' chuwech pa ruwaran, y xubij chire: José, rat ri at riy-rumam kan ri rey David, man k'a taxibij-awi' chi yak'ule' rik'in ri María ri ak'utun richin nok awixjayil, roma ja ri Loq'olej Espíritu ri xqaqa pa ruwi' rija' y wakami peteneq alanik chirij.

Ex 1:22

Y toq ri rey xutz'et chi xa man nitikir ta yerukamisaj, jari' toq xubij chike ri ruwinaq chi toq ye'alex ri ak'uala' taq alaboni' chikikojol ri winaqi' israelita, kan ketorix-el pa raqen-ya', y wi taq xtani' ri ye'alex, kekik'asba' kan.

San Mateo 2:16

Jak'a ri Herodes toq xunabej chi ri etamanela' xa man xkiben ta achi'el ri rubin-el chike, kan xyakatej janila royowal. Roma ri' xuteq kikamisaxik konojel ri taq alaboni' ri k'o ka'i' kijuna' pa xulan, ri ek'o chiri' pa Belén, y chuqa' ri ek'o pa taq tinamit ri ek'o-pe chunaqaj. Ri Herodes xuben k'a achi'el ri ruq'ijul ri xq'ax kan chuwech, ri janipe' kitz'eton-pe ri ch'umil, ri etamanela'.

Wuj Richin ri Achin Job 33:15

K'o bey nich'on qik'in pan achik', o k'o nik'utumej chiqawech ri chi'aq'a', k'o bey ja toq janila qawaran, y toq nipe-qa juba' qawaran.

Wuj Richin ri Achin Job 33:17

Ri Dios nuben keri' richin nutzolij-pe ruk'u'x jun wineq chire ri itzel taq rubanobal, richin chi man napon chupan ri nimirisanenri'il richin ri ránima.

Wuj Richin ri Josúe 4:18

Y toq ri sacerdote ri e uk'uayon ri káxa xe'el-pe chupan ri raqen-ya', y xeq'ax ri juk'an chik ruchi' ri ya', jari' toq ri ya' richin ri Jordán xbiyin chik jun bey y kan nibulbu'x k'a toq xpe.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Hechos 16:36

Ri chajinel kan xberubij-wi k'a chire ri Pablo: Ri q'atoy taq tzij xkiteq k'a pe rubixik chuwe chi kixinwelesaj-el. Wakami kixel k'a pe. Kixbiyin k'a y nik'oje' ta uxlanen pa taq iwánima, xcha'.

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

Hechos 7:19

Y re k'ak'a' rey re' kan nowineq k'a chubanik ri etzelal chike ri qawinaq judío. Xuben k'a chike chi xkik'owisaj tijoj-poqonal ri qati't-qamama', toq kan xuben chike chi ri kalk'ual xa k'a kalaxik xebetorix kan, roma kan xrajo' chi man ta xek'iyer.

San Mateo 10:23

Y toq ri winaqi' chupan jun tinamit nikichop yixkiya' pa tijoj-poqonal, xa kan utz yixanimej-el, y yixbe pa jun chik tinamit. Kan qitzij k'a ninbij chiwe chi k'a man jani kixapon pa ronojel tinamit ri ek'o wawe' pan Israel richin nitzijoj ri nuch'abel, toq yin, ri xiqaqa-pe achi'el wineq chi'ikojol, xkipe chik jun bey iwik'in.

Wuj Richin ri Josúe 3:17

Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.

Apocalipsis 12:6

Jak'a ri ixoq ri' xanimej-el, y xbe pa tz'iran ruwach'ulew, roma ri Dios kan chiri' rukanon-wi richin chi nilix oxi' juna' rik'in nik'aj.*f4*

Wuj Richin ri Josúe 4:10

Y ri e sacerdote ri e uk'uayon ri káxa xepa'e' chiri', rokik xbanatej ronojel ri rubin kan ri Jehová chire ri Josué chi tubij chike ri winaqi'. Keri' k'a xbanatej; k'ari' konojel ri winaqi' xeq'ax anineq chupan ri raqen-ya'. Y chuqa' xbanatej achi'el rubin kan ri Moisés chire ri Josué.

Wuj Richin ri Josúe 3:13

Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.

San Mateo 2:22

Jak'a toq xrak'axaj chi ja ri Arquelao ri ruk'ajol kan ri rey Herodes, ri niq'aton-tzij pa Judea, jari' toq xuxibij-ri' chi yek'oje-qa ri chiri'. Y xq'alajirisex chik k'a chuwech pa jun achik', ri ruk'amon chi nuben, y roma ri' kan k'a pa Galilea xebe-wi.

1 Rey 3:5

Y k'o k'a jun aq'a' ri Jehová xuk'ut-ri' chuwech pa rachik', ri chiri' pa Gabaón, y xubij chire: Tak'utuj k'a chuwe xabachike nawajo', y yin kan xtinya' chawe, xcha'.

San Mateo 2:14

Y ri José kan jari' xuna' ruwech, y xuk'uaj-el ri ak'ual y ri te'ej. Y kan chupan k'a ri aq'a' ri' xkichop-el bey richin xebe k'a pan Egipto.

Hechos 12:7

Ri chiri' pa cárcel xapon k'a jun ángel richin ri ajaw, y xsaqir k'a ri chiri'. Ri ángel ri' xuyikiya' ri Pedro richin xuk'asoj, xubij chire chi tiyakatej; y ri cadena ri kiximben-wi ri ruq'a' ri Pedro, xetzaq kan.

1 Rey 11:17

Toq najin ri kamik ri', ri Hadad k'a ti ala' na ok chiri'. Y rija' xanimej-el kik'in ka'i-oxi' achi'a' aj-Edom, ri e rusamajela' ri rutata', y xebe k'a pan Egipto richin xkewaj-el-ki'.