San Mateo 2:11 - Kaqchiquel Bible

¹¹ Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y atoq xebꞌeqaqa apeꞌ kꞌo ri akꞌual, xeꞌok apu pa achoch, y xkitzꞌet ri chꞌuti akꞌual rikꞌin ri María ri ruteꞌ. Xexukeꞌ qa y xkiqasaj kijolon pa ulew chin xkiyaꞌ ruqꞌij ri akꞌual. Xekijeq ri yakbꞌel apeꞌ ekikꞌuan apu kibꞌeyomal, y xkisipaj kan qꞌanapueq, pon y mirra chare.

Kaqchikel Santa Maria de Jesus

¹¹ Y antok xaꞌuoc pa jay, ja xquitzꞌat ri acꞌual y ri María ri rutieꞌ, y ja xaꞌxuquieꞌ choch ri acꞌual chi xquiyaꞌ rukꞌij. Y xaꞌquijak ri pacheꞌ quicꞌuan-ve ri niquisipaj can cha y xquiyaꞌ oro, incienso (puon) y mirra cha.

Kaqchikel Central Guatemala

¹¹ Jac'a tok re achi'a' re' xe'oc-apo ri pa jay, can xquitz'et na vi c'a ri ac'ual y ri María ri rute', y can jac'ari' xquikasaj-ka-qui' c'a pan ulef richin xquiya' ruk'ij ri ac'ual. Y chuka' can xequijakala' c'a ri quiyaconabal y xquisipala' c'a can, k'anapuek, pon y mirra chire.

Re C'ac'a Testamento pa Kach'abal

¹¹ Jac'a tak re achi'a' re' xe'oc-apo pa jay, can xquitz'at-va re ac'ual y re María re rute' re ac'ual, y can jare' tak xe'xuque' y re nic'aj tak quivach c'a pan ulef xquikasaj-va-ka chin xquiya' ruk'ij re ac'ual. Y chuka' can xe'quijakala' quive' re anche' je'quic'uan-va-a re k'anapuak, pom y mirra, y jare' re xe'quisipila' can cha re ac'ual.

Kaqchikel Western Solola

¹¹ Yac'a tek ri achi'a' ri' xe'oc apo pa jay, can xquitz'et wi c'a ri ac'al y ri María ri rute' ri ac'al, y can yac'ari' xexuque' xemaje' ka riche (rixin) chi xquiya' ruk'ij ri ac'al. Y chuka' can xequijakala' c'a ri quiyaconobal y xquisipaj c'a ca k'anapuek, pon y mirra chare.

San Mateo 2:11 ပူးပေါင်းရင်းမြစ်များ

Wuj Richin ri Isaías 60:6

Xkepe k'a pa cholaj ri camello ri kik'amon-pe ri janila chi beyomel. Xkepe k'a pa ruwach'ulew Madián y pan Efá. Chuqa' xkepe k'a konojel ri aj-Sabá. Xtikik'en-pe janila chi q'anapueq y pom, y kan xtikibixaj bix richin nikiya' nuq'ij yin Jehová.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

San Lucas 2:16

Chi'anin k'a xebe k'a pa tinamit. Kan xkil na wi ri María, ri José, y ri ak'ual kotz'oban k'a pa jun kachabal chikopi'.

San Mateo 2:2

Rije' xkik'utula' k'a y xkibij: ¿Akuchi k'o-wi ri ak'ual ri xalex, ri kan jari' xtok i-rey rix judío? Roma roj kan k'a ja ri kela' pa relebel-q'ij qatz'eton-pe ri ch'umil ri niya'on rutzijol, y roma ri' xojpe chuya'ik ruq'ij, xecha'.

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

Wuj Richin Bix Chire ri Dios 72:15

¡Tik'ase' k'a ri rey y tiya'ox chire ronojel ri q'anapueq ri nipe pa Sabá! Jantape' k'a tiban ch'owen pa ruwi' rija'; beneq k'a ruwech tinimirisex ri ruq'ij.

1 Rey 10:2

Y toq ri reina xapon k'a pa tinamit Jerusalem kan e k'iy k'a rusamajela' ri e beneq rik'in, e kik'uan el camello ri kejqalon-el jubulej taq aq'om, q'anapueq pa ruk'iyal y jebelej taq abej. Ri reina xapon k'a rik'in ri Salomón y xtzijon rik'in chirij ronojel ri k'o pa ránima richin xubij chire.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.

San Mateo 14:33

Y kan jari' toq konojel ri e beneq ri chiri' xkiya' k'a ruq'ij ri Jesús y xkibij chire: Wakami kan xqatz'et k'a chi kan qitzij ja wi rat ri at ruk'ajol ri Dios, xecha' chire.

Apocalipsis 5:8

Y toq ruchapon chik ri boton wuj, ri e kaji' ri k'o kik'aslen e kachibilan ri e juwineq kaji' achi'a' ri k'o kiq'ij, xexuke-qa chuwech ri Karne'l ri'. Konojel kik'ualon ki-arpa y porobel-pom ri e banon rik'in q'anapueq ri e nojineq rik'in pom. Re' nuk'exewachuj ri kich'owen ri ralk'ual ri Dios.

San Lucas 2:38

Chupan ri ramaj ri' rija' xok-apo y janila k'a xmatioxin chire ri Dios roma ri ak'ual ri'. Y xuchop k'a rutzijoxik chike ri winaqi' ri e oyobeyon richin ri xtikolon ri Jerusalem pa kiq'a' ri aj-Roma.

1 Sam 10:27

Jak'a ri e q'ori' xkibij: ¿Nitikir kami rija' yojrukol?, xecha'. Y kan man xkiya' ta k'a rejqalen y man jun k'a sipanik xkiya' chire. Jak'a ri Saúl xuben chi man xniman ta chike.

Wuj Richin ri Chojmirisabelri'il 6:15

Y k'ari' xtuchop jun moq' chire ri k'ej ri xolon aceite rik'in y ri jun chuyaj pom ri k'o pa ruwi' ri k'ej. K'ari' nuporoj pa ruwi' ri porobel; jari' ri retal richin ronojel. Y re' jun sipanik poron richin nijubulin chinuwech yin Jehová.

Ex 30:34

Xeri' ri Jehová xch'on chik rik'in ri Moisés y xubij chire: Takanoj k'a re jalajoj ruwech taq aq'om re': Ri ruq'olil ri q'ayis estacte,*f14* ri parapox, ri gálbano*f15* y ri pom. Y k'ari' junan retabal tachapa' chike chikijujunal re jalajoj ruwech q'ayis re'.

Wuj Richin ri Rutikeribel 43:11

K'ari' ri kitata' xubij k'a chike: Man jun k'a xtiban, wi kan k'o k'a chi nibanatej achi'el ri nibij rix, kan keri' k'a ri'; xaxe k'a tik'uaj jun sipanik chukojol ronojel ri nik'uaj-el, tik'uaj chire ri q'atoy-tzij ri', ri más utz ri yeruya' chupan re ruwach'ulew re': Tik'uaj-el jutaqba' bálsamo, kab ri nikiya' ri taq chikopi', jubulej taq aq'om, mirra, nuez y almendra.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin Bix Chire ri Dios 45:8

Ri atziaq kan nijubulin k'a rik'in ri ruxla' ri mirra, ri canela y ch'aqa' chik jubulej taq aq'om; k'a chupan ri awachoch ri wiqon rik'in marfíl, ri bixanela' nikiya' aq'ij rik'in q'ojom richin yakikot.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

1 Rey 10:10

Ri reina xusipaj chire ri rey, jumuch' wuqu' quintal q'anapueq, janila chi jubulej taq aq'om, jebelej taq abej ri kan man jun bey tz'eton ta. Kan man jun bey ri k'o ta pe pan Israel pa ruk'iyal ri jubulej taq aq'om achi'el ri xusipaj ri reina richin Sabá chire ri rey Salomón.

Ex 30:23

Takanoj k'a ri q'ayis ri más jubul kuxla': Takanoj kablajuj libra mirra, waqi' libra canela, waqi' libra aji'j y

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

San Mateo 1:18

Kere' k'a xbanatej toq xo'alex-qa ri Jesús ri Cristo: Ri María ri xok rute', jun xten ri k'utun chik roma ri José. Y xk'uluwachitej k'a chi toq k'a man jani kik'uan ta ki', xnabetej chi ri María yawa' chik richin alanik, roma xqaqa ri Loq'olej Espíritu pa ruwi'.

San Mateo 2:10

Toq rije' xkitz'et chi ri ch'umil ri' xpa'e', kan xnoj ri kánima chi kikoten.

San Mateo 12:46

Rokik ri Jesús k'a nich'on na kik'in ri winaqi', jari' toq xapon ri rute' y ri e rach'alal koyoben-apo ri chuwa-jay. Y rije' nikajo' yech'on k'a rik'in.

San Juan 19:39

Chuqa' ri jun achin rubini'an Nicodemo, ri achin ri xapon rik'in ri Jesús pa jun aq'a', xapon rik'in ri José ruk'uan-apo mirra y áloe xolon rik'in ch'aqa' chik jalajoj kiwech jubulej taq aq'om richin xuya' chirij ri ruch'akul ri Jesús. Ruk'uan k'a apo jun kintal la'eq ri jubulej aq'om ri'.