San Mateo 19:8 - Kaqchiquel Bible

⁸ Ri Jesús xubij: Kan achi'el k'a kowirineq ri iwánima rix, kan keri' chuqa' xk'uluwachitej ojer kan, ri pa ruq'ijul ri Moisés. Xa roma ri' toq rija' xuya' q'ij chi tiban ri jachojri'il rik'in ri ixjayilonel, jak'a ri pa rutikeribel-pe, man keri' ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Ri Jesús xubꞌij chake: Roma rukowil iwánima ri Moisés xuyaꞌ qꞌij chi ri achi kꞌo cheꞌel ndujech riꞌ rikꞌin ri rixjayil. Pero xe jampeꞌ pa nabꞌey, ma ja ta riꞌ rurayibꞌel ri Dios.

Kaqchikel Santa Maria de Jesus

⁸ Y ri Jesús xuꞌej chica: Ruma cof ibꞌanun cha ri ivánima, rumareꞌ ri Moisés xuꞌon permitir chi jun ache cꞌo cheꞌl nujach-riꞌ riqꞌuin ri raxjayil; pero pa rutzꞌucbꞌal, man quireꞌ ta.

Kaqchikel Central Guatemala

⁸ Y ri Jesús xubij c'a chique ri achi'a' ri': Can achi'el c'a covirinek ri ivánima rix chupan ri man utz ta, can que c'a chuka' ri' xc'ulvachitej ojer can, ri pa ru-tiempo ri Moisés. Xa romari' tok rija' xuya' k'ij chi utz niban ri jachojri'il riq'uin ri ixjaylonel. Y stape' ri pa rutiquiribel pe, man que ta ri' xbanatej.

Re C'ac'a Testamento pa Kach'abal

⁸ Y re Jesús xubij chique re achi'a' re': Can ancha'l c'a icoversan re ivánma yex chupan re etzelal, can quire' chuka' xbanataj ajuer can pa ru-tiempo re Moisés. Xa mare' tak reja' xubij che re ache c'o modo nujach-ri' riq'uin re ruxayil. Y astapa' tak xtz'ucutaj-pa man quire-ta xbanataj.

Kaqchikel Western Solola

⁸ Y ri Jesús xubij c'a chique ri achi'a' ri': Ruma chi can cowirnek ri iwánima riyix chi ma ninimaj ta ri Dios, xa rumac'ari' tek ri Moisés xuya' k'ij chi nijech ca ri iwixjaylal. Yac'a ri pa rutiquiribel pe xa ma que ta ri' xbanatej.

San Mateo 19:8 ပူးပေါင်းရင်းမြစ်များ

Wuj Richin ri Rutikeribel 2:24

Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'.

Marcos 10:5

Roma ri' ri Jesús kan jari' xubij: Kan achi'el k'a kowirineq ri iwánima wakami chupan ri man utz ta, kan keri' chuqa' ri ojer kan. Xa roma ri' toq rija' xubij chi tikirel.

Wuj Richin ri Zacarías 7:12

Xa xikowirisaj ri iwánima richin man xiya' ta iwak'axabal chire ri pixa', ni chuqa' chire ri nuch'abel ri xinteq-pe ri ojer kan koma ri e q'alajirisey nuch'abel. Y roma ri' yin xyakatej janila woyowal.

1 Corintios 7:6

Yin jare' ri ninch'ob, jak'a man ninbij ta chiwe chi kan keri' tibana'.

San Mateo 8:31

Y ri itzel taq espíritu ri ek'o kik'in ri ka'i' winaqi' ri', xkik'utuj utzil chire ri Jesús. Y xkibij chire: Wi yojawelesaj-el wawe' kik'in re winaqi' re', taya' q'ij chiqe richin yojok kik'in la q'ataj aq la ek'o chila', xecha'.

San Mateo 3:15

Jak'a ri Jesús xubij chire: Rat kan tabana' ri k'atzinel richin naben roma kan k'o k'a chi niqaben ronojel ri nubij ri Dios chiqe, xcha'. Keri' ri Juan xuqasaj ya' pa ruwi' ri Jesús.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

Wuj Richin ri Rutikeribel 7:7

Ri Noé, ri rixjayil, ri e ruk'ajol y ri kixjayilal rije' xe'ok k'a chupan ri nima-barco richin yekolotej chuwech ri ya' ri xtumuq ri ruwach'ulew.

San Mateo 19:7

Y ri fariseo xkik'utuj k'a chire: ¿Achike k'a roma toq ri Moisés xubij chi jun achin, xaxe tubana' jun wuj richin jachojri'il chire ri rixjayil y tuya' kan?, xecha'.

San Mateo 19:9

Yin ninbij chiwe chi xabachike achin ri nujech-ri' rik'in ri rixjayil y xa man roma ta chi ri ixoq xukanoj ta chik jun achin; ri achijlonel ri' kan nuben-wi k'a chire ri rixjayil chi nimakun, xcha' ri Jesús.

Marcos 16:14

Pa ruk'isibel, ri Jesús xuk'ut-ri' chikiwech ri julajuj rutijoxela', toq kichapon wa'in. Rija' xeruch'olij k'a roma man xkikuquba' ta kik'u'x; xa xkikowirisaj ri kánima y man xekinimaj ta ri xetz'eton richin ri Jesús chi k'astajineq chik pe chikikojol ri kaminaqi'.

1 Sam 25:43

Chuqa' ri jun ixoq rubini'an Ahinóam aj-Jezreel, xok rixjayil ri David.