San Mateo 19:6 - Kaqchiquel Bible

⁶ Roma ri' toq kik'uan chik ki', man chik e ka'i' ta, xa jun chik k'a ri kibanon. Roma ri' ri kan e tunun chik roma ri Dios, man yeruch'er ta ri wineq, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Y romariꞌ, rejeꞌ ma ekaꞌiꞌ chi ta, xa jun bꞌanun chake roma ri Dios. Romariꞌ, ri ekaꞌiꞌ ri xe jun bꞌanun chake, ma tijach kiwech koma ri wineq.

Kaqchikel Santa Maria de Jesus

⁶ Y rumareꞌ man chic icaꞌyeꞌ ta, xa joꞌc jun xtiquiꞌan. Ruma cꞌa reꞌ, lo que ri Dios xuꞌon jun cha, ri ache man tujach roch, xchaꞌ ri Jesús.

Kaqchikel Central Guatemala

⁶ Y romari' tok quic'uan chic qui', man chic e ca'i' ta c'a vinek, man que ta ri', xa jun chic c'a ri quibanon. Roma c'a ri' ri can e tunun chic roma ri Dios, man tuben ri vinek chi yeruch'er, xcha' ri Jesús.

Re C'ac'a Testamento pa Kach'abal

⁶ Y tak quic'uan chic-qui', man chic je ca'e-ta vinak, xa jun chic quibanon. Mare' re xa jun chic rubanon re Dios chique, man tuban re vinak che ye'rujach, xcha' re Jesús.

Kaqchikel Western Solola

⁶ Rumari' tek quic'uan chic qui', man chic ye ca'i' ta c'a winek, ma que ta chic ri', xa jun xtiquiben. Rumac'ari' ri can ye tunun chic ruma ri Dios, majun winek ri tijacho ta quiche (quixin). Queri' ri tz'ibatajnek ca, xcha' ri Jesús.

San Mateo 19:6 ပူးပေါင်းရင်းမြစ်များ

Marcos 10:9

Roma ri', ri kan e tunun chik roma ri Dios, man tuben ri wineq chi yeruch'er, xcha' ri Jesús.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Romanos 7:2

Achi'el nubij re jun k'ambel-tzij re', chi jun ixoq kan ximon-wi rik'in ri rachijil y man nitikir ta nujech-ri' rik'in toq k'a k'es na. Jak'a wi niken-el ri rachijil, rija' xtitotej kan chire ri ruk'ulanik.

Efesios 5:28

Y kan achi'el k'a ri Cristo ri más xojrajo' roj, ke chuwech xrajo-qa ri ruch'akul rija', keri' chuqa' nik'atzin chi niben rix achi'a' kik'in ri iwixjayilal. Roma ri' ri nrajo' ri rixjayil, nel chi tzij chi nrajo-qa-ri' rija'.

Wuj Richin ri Malaquías 2:14

¿Achike k'a roma ri Jehová man nuk'awomaj ta ri isipanik? Roma rija' kan rutz'eton chi rix xa xiq'ej ruwi' ri jikibel-tzij ri xiben kik'in ri iwixjayilal ri xixk'ule' kik'in toq rix k'a ix alaboni' na. Xibij chi kan xe'ok ta iwachibil richin chijun ik'aslen. Kan chuwech ri Dios xiya' itzij chike chi kan ye'iwajo' richin q'asen.

Wuj Richin Etamabel-Tzij 2:17

Ri ixoq ri' xa rumalin kan ri rachibil ri xril toq rija' kan k'a xten na, xa xumestaj yan toq kan chuwech ri Dios xuya' rutzij chi kan nrajo' ri rachijil.

Wuj Richin ri Malaquías 2:16

Roma ri' ri Jehová kan nrixowaj toq jun achin nujech-ri' rik'in ri rixjayil, roma re' kan jun itzel banobel. Roma ri' rix achi'a' kan tichajij k'a iwi' y man tiben ri q'oloj ri'.

San Mateo 19:5

Roma ri' xubij: Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'. Keri' nubij ri ruch'abel ri Dios.

San Mateo 19:7

Y ri fariseo xkik'utuj k'a chire: ¿Achike k'a roma toq ri Moisés xubij chi jun achin, xaxe tubana' jun wuj richin jachojri'il chire ri rixjayil y tuya' kan?, xecha'.