San Mateo 19:5 - Kaqchiquel Bible

⁵ Roma ri' xubij: Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'. Keri' nubij ri ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Y ri Dios kereꞌ rubꞌiꞌin kan: Romariꞌ, ri kꞌajol ngeruyaꞌ kan rute-rutataꞌ chin ndukꞌuaj qa riꞌ rikꞌin ri rixjayil, y chi ekaꞌiꞌ xe jun ndikibꞌen.

Kaqchikel Santa Maria de Jesus

⁵ Y xuꞌej: Rumareꞌ ri ache xcaꞌruyaꞌ can ri rutie-rutataꞌ y xtiquicꞌan-quiꞌ riqꞌuin ri raxjayil, y ri icaꞌyeꞌ xa joꞌc jun xtiquiꞌan. Quireꞌ nuꞌej ri ruchꞌabꞌal ri Dios ri tzꞌibꞌan can.

Kaqchikel Central Guatemala

⁵ ¿Chuka' can man itz'eton ta ri ch'abel ri nibin chi romari' ri achin man chic c'a quiq'uin ta rute-rutata' xtic'oje-vi? Xa riq'uin c'a ri rixjayil xtic'oje-vi, y che ca'i' xa jun c'a xtiquiben. Queri' nubij ri ruch'abel ri Dios.

Re C'ac'a Testamento pa Kach'abal

⁵ Y chuka' yex ibanon leer re nubij chupan re ruch'abal re Dios che re ache man chic quiq'uin-ta rute-rutota' xtic'ue-va. Xa riq'uin re ruxayil xtic'ue-va, y che je ca'e' xa jun c'a xtiquiban. Quire' nubij re ruch'abal re Dios.

Kaqchikel Western Solola

⁵ Y xubij chique: Rumari' ri achi man chic c'a quiq'ui ta rute' rutata' xtic'oje' wi. Xa xtiquic'uaj c'a qui' riq'ui ri rixjayil, y chi ye ca'i' xa jun c'a ri xtiquiben.

San Mateo 19:5 ပူးပေါင်းရင်းမြစ်များ

1 Corintios 7:4

Roma ri ixoq man nitikir ta nubij chi ri ruch'akul xaxe richin-qa rija', roma kan richin-wi ri rachijil. Y keri' chuqa' ri achin, man nitikir ta nubij chi ri ruch'akul xaxe richin-qa rija', xa kan richin wi ri rixjayil.

1 Corintios 7:2

Jak'a roma ri mak ri nibanatej chikikojol ri achi'a' y ri ixoqi' chi nikikanola-ki' richin yemakun, más ta utz chi ri achin tik'oje' rixjayil y ri ixoq tik'oje' rachijil.

Efesios 5:31

Y keri' k'a ri achin rik'in ri rixjayil. Roma ri' nubij chupan ri ruch'abel ri Dios ri tz'ibatel kan: Ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i', nicha'.*f5*

1 Corintios 6:16

Roma wi rix yixapon rik'in jun ixoq itzel ruk'aslen, xa jun niben rik'in, achi'el ri nubij chupan ri ruch'abel ri Dios*f9* ri tz'ibatel kan, chi ri achin y ri ixoq xa jun xtikiben richin xtikich'akulaj-ki' chi e ka'i'.

Wuj Richin Bix Chire ri Dios 45:10

Tawak'axaj k'a rat xten y taya' axikin chire ri xtinbenbij chawe; wakami man ja ta chik ri nikibij ri e aj pan awachoch y ri awinaq ri nanimaj.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Wuj Richin Bix Chire ri Dios 63:8

Chijun ri nuk'aslen xa jun rubanon awik'in rat; kan in ayuqen k'a rik'in ri awijkiq'a'.

1 Sam 18:1

Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.

Deut 11:22

Wi rix kan xtitaqej pa ruchojmilal ri pixa' ri xinbij chiwe y kan niben ri nubij y kan niwajo' ri Jehová ri qa-Dios, y kan nitzeqelibej ri bey richin rija',

Deut 10:20

Kan chuwech k'a ri Jehová ri qa-Dios tiqaxibij-qi' y kan xaxe rija' tiqaya' ruq'ij y tiqasamajij. Y pa rubi' k'a rija' xtiqaya' ri qatzij.

Deut 4:4

Jak'a chi'iwonojel rix ri kan xitzeqelibej ri Jehová ri qa-Dios, jare' k'a ix k'es na re wakami.

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

1 Rey 11:2

Y chikij k'a re' ch'owineq chik kan ri Jehová y rubin kan chike ri israelita chi man kek'ule' kik'in ri winaqi' ri', roma wi xtikiben keri' kan jujik chi xtikiben chike ri israelita chi xtikitzeqelibej ri ki-dios rije'. Jak'a ri Salomón xerajo' konojel re ixoqi' re',

2 Sam 1:26

Yin yibison janila awoma rat Jonatán, roma rat kan at achi'el jun wach'alal. Kan janila k'a at jebel xaben wik'in; janila jebel ri awajowabal ri xak'ut chinuwech yin; kan más k'a jebel chuwech ri kajowabal ri ixoqi'.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

San Mateo 19:6

Roma ri' toq kik'uan chik ki', man chik e ka'i' ta, xa jun chik k'a ri kibanon. Roma ri' ri kan e tunun chik roma ri Dios, man yeruch'er ta ri wineq, xcha' ri Jesús.

1 Sam 25:43

Chuqa' ri jun ixoq rubini'an Ahinóam aj-Jezreel, xok rixjayil ri David.