San Mateo 19:14 - Kaqchiquel Bible

¹⁴ K'ari' ri Jesús xubij chike: Tiya' q'ij chi ri ak'uala' yepe wik'in yin y man ke'q'et. Roma ri xke'ok chupan ri aj-chikajil ajawaren, xaxe ri e achi'el ri ak'uala', xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero ri Jesús xubꞌij chake ri discípulos: Tiyaꞌ qꞌij chake ri akꞌolaꞌ chi ngepuꞌun wikꞌin, y ma tiqꞌet kiwech, porque ri ngeꞌok chupan ri ru-reino ri aj chikaj Dios, ja ri kibꞌanun chare ri kánima achel kánima re akꞌolaꞌ reꞌ.

Kaqchikel Santa Maria de Jesus

¹⁴ Pero ri Jesús xuꞌej chica ri ru-discípulos: Tiyaꞌ permiso chica ri acꞌolaꞌ chi ncaꞌpa viqꞌuin inreꞌ, y man quiꞌikꞌat. Ruma ri reino ri cꞌo chicaj, xa quichin ri i-incheꞌl acꞌolaꞌ.

Kaqchikel Central Guatemala

¹⁴ Pero ri Jesús xa xubij c'a chique ri rutijoxela': Tiya' k'ij richin chi ri ac'uala' yepe c'a viq'uin yin, y man que'ik'et. Roma ri xque'oc pa ruk'a' ri Dios o chupan ri aj-chicajil ajavaren, xaxe ri e achi'el ri ac'uala'.

Re C'ac'a Testamento pa Kach'abal

¹⁴ Pero xpa re Jesús xubij chaka: Tiya' k'ij chique re ac'ola' che que'pa viq'uin, y man que'ik'at. Roma re xque'oc pa ruk'a' re Dios, xaxe re je ancha'l ac'ola'.

Kaqchikel Western Solola

¹⁴ Yac'a ri Jesús xa xubij c'a chique ri rudiscípulos: Tiya' k'ij chique ri ac'ala' chi yepe wuq'ui riyin, y ma que'ik'et ta. Ruma ri xque'oc pa rajawaren ri caj, xaxu (xaxe) wi ri winek ri ye achi'el re ac'ala' re'.

San Mateo 19:14 ပူးပေါင်းရင်းမြစ်များ

San Mateo 18:3

Y xubij chike: Kan qitzij k'a ninbij chiwe, chi wi rix man nijel ta ri ich'obonik, y man yixok ta achi'el re ti ak'ual re', man xkixok ta pan ajawaren.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

Marcos 10:14

Y toq ri Jesús xutz'et ri nikiben ri tijoxela', xpe royowal, y xubij chike: Tiya' q'ij richin chi ri ak'uala' yepe wik'in yin. Roma ri xke'ok pa rajawaren ri Dios, xaxe ri e achi'el ri ak'uala'.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.

Wuj Kichin ri To'onela' 13:7

Y kere' k'a xubij ri achin chuwe: Wakami xtipe alanik chawij y xtibe'alex jun ti awal; roma ri' re wakami man xtaqum ta vino, ni man jun ri ch'amirisan, ni man tatej xabachike ri man e ch'ajch'oj ta, roma re ak'ual re' kan k'a pa rusanti'il nuch'aron chuwe yin chijun ruk'aslen k'a toq xtiken na. Keri' xubij chuwe, xcha' chire ri rachijil.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

1 Sam 1:24

Y toq xrelesaj yan k'a rutz'um ri ak'ual, ri Ana xuk'uaj-el pa rachoch ri Jehová chiri' pa Siló, stape' ri Samuel kan k'a janila ti ko'ol ok. Chuqa' xuk'uaj-el jun achij wákix ri k'o oxi' rujuna'*f2* y xuk'uaj chuqa' más juba' ka'i' arroba k'ej ri man chayun ta, y jun tz'um nojineq chi vino.

Wuj Richin ri Rutikeribel 21:4

Y rija' xuqupij k'a ri Isaac richin jun retal, toq k'o waqxaqi' ruq'ij achi'el rubin kan ri Dios chire.

1 Sam 1:22

Jak'a ri Ana man xbe ta q'anej kik'in, xa xubij k'a chire ri rachijil: Yin man yibe ta chiwij roma xa k'a xtinwelesaj na rutz'um ri ak'ual, k'ari' xkibe, richin xtink'uaj-el y ninjech pa ruq'a' ri Jehová, y xtik'oje' kan chiri' jumul, xcha' rija'.

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

San Mateo 5:10

Jebel ruwa-kiq'ij ri nikik'owisaj tijoj-poqonal, roma choj ri kik'aslen chuwech ri Dios, roma rije' kan xke'ok chupan ri aj-chikajil ajawaren.

San Mateo 19:15

Toq ri Jesús xuya' kan urtisanik pa kiwi' ri ak'uala' ri', xel k'a el ri chiri'.

Marcos 10:15

Kan qitzij k'a ninbij chiwe, chi ri xa man nikiben ta achi'el ri ak'uala' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.