San Mateo 18:25 - Kaqchiquel Bible

²⁵ Roma ri samajel ri' man nitikir ta nutoj ri ruk'as, roma ri' ri rey xubij chi tik'ayix ri samajel ri', rachibilan ri rixjayil y ri e ralk'ual; y chuqa' kan xtik'ayix ronojel ri k'o rik'in, richin chi nitojtej ri ruk'as.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Y roma ri samajel riꞌ maneq achoq chare ndutaj ri rukꞌas, ri rajaw xubꞌij chi tikꞌayix ri jun samajel riꞌ, tikꞌayix chuqaꞌ ri rixjayil, ri eralkꞌuaꞌl y nojel ri ruchajin, chin keriꞌ nditojtej ri kꞌas.

Kaqchikel Santa Maria de Jesus

²⁵ Y ruma ri samajiel reꞌ man nitiquir ta nutzoliej ri rucꞌas, ri rey xuꞌej chi ticꞌayix ri samajiel, ri raxjayil y ri ralcꞌual. Y ticꞌayix jeꞌ nojiel ri kax richin, chi quireꞌ nitzalaj ri rucꞌas.

Kaqchikel Central Guatemala

²⁵ Roma c'a ri samajel ri' man nitiquir ta nutoj ri ruc'as rubanon, ri rey xubij c'a chi tic'ayix ri rusamajel rachibilan ri rixjayil y ri e calc'ual. Y chuka' can quec'ayix ri ru-cosas richin ri cajel noc chuvech ri c'as.

Re C'ac'a Testamento pa Kach'abal

²⁵ Y re samajel re' man nitiquir-ta nutoj ronojel re ruc'as re rubanon riq'uin re Rey, mare' xpa re Rey xubij che mejor tic'ayex re samajel re' y chibil chuka' re ruxayil y re cajc'ual. Y can que'c'ayex chuka' ronojel re andex richin, y ronojel re mero xtimolotaj toc pa ruq'uixel re ruc'as.

Kaqchikel Western Solola

²⁵ Y ruma c'a ri mozo ri' ma nicowin ta nutoj ri ruc'as ri rubanon, ri rey xubij c'a chi tic'ayix ri mozo ri' rachibilan ri rixjayil y ri ye calc'ual. Y chuka' can quec'ayix ri rucosas riche (rixin) chi ri rajel ntoc tojbel ri c'as.

San Mateo 18:25 ပူးပေါင်းရင်းမြစ်များ

Wuj Richin ri Nehemías 5:5

Wakami qonojel k'a roj israelita, ri qalk'ual y ri qamam xa oj junan; xa junan ri qati't-qamama'. Man rik'in ri' ri qalk'ual xe'ok pan ilinri'il kik'in ch'aqa' chik qawinaq. Kan banatajineq chik k'a, chi ek'o chike ri qami'al e ximon chik pa samaj. Roj man jun yojtikir niqaben richin yeqakol roma ri qulew y ri qatiko'n richin uva xa kan kichin chik k'a ri qawinaq, xecha'.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

San Lucas 7:42

Jak'a re e ka'i' achi'a' re' man yetikir ta nikitoj ri kik'as; roma ri' ri achin ri yoyon méro pa qajik chike xubij chi man chik tikitoj, xa tik'is keri'. Wakami k'a tabij chuwe: ¿Achike k'a chike re e ka'i' achi'a' re' ri más najowan richin ri achin ri niya'on méro pa qajik?, xcha'.

Wuj Richin ri Chojmirisabelri'il 25:39

Wi k'o ta jun iwinaq ri k'o chi'inaqaj, y nipe ta jun ruk'ayewal pa ruwi' y nuk'ayij ri' iwik'in richin nisamej, man k'a tiben chire achi'el xa jun loq'on samajel.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

Ex 21:2

Wi ta rix niloq' jun isamajel, ri xa iwinaq, waqi' k'a juna' xkixrusamajij. Jak'a chupan ri ruwuq juna', xtitotej-el y kan man jun k'a ri k'o chi xtutoj kan chiwe.

Ex 22:3

Jak'a wi paq'ij xukamisaj ri eleq'om, kan xtiq'alajirisex k'a chi kan kamisanel. Y toq jun eleq'om nichap, kan xtutoj k'a ronojel ri xreleq'aj y wi maneq achoq ik'in nutoj-wi, kan xtik'ayix k'a el rija' richin nutoj ri releq'.

San Mateo 18:24

Y xretamaj chi k'o jun rusamajel ri k'o ruk'as rik'in ri kan janila nim ri kan man nitikir ta nutoj. Y rija' xbepabex-pe chuwech ri rey.