San Mateo 18:10 - Kaqchiquel Bible

¹⁰ Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

Kaqchikel Santa Maria de Jesus

¹⁰ Man tiꞌan chica chi man jun quikalien ri man jun oc quikꞌij, ruma chivach ixreꞌ can i-coꞌl-oc. Inreꞌ niꞌej chiva chi ijejeꞌ icꞌo ángeles ri ncaꞌchajin quichin, y ri ángeles reꞌ can siempre icꞌo riqꞌuin ri Nataꞌ ri cꞌo chicaj.

Kaqchikel Central Guatemala

¹⁰ Man c'a que'ivetzelaj ri vinek ri can man jun oc quik'ij, roma rije' can e chajin coma ángeles. Y yin ninbij c'a chive chi ri chajinela' quichin rije' can jantape' c'a yetiquir ye'apon chila' chicaj riq'uin ri Nata'.

Re C'ac'a Testamento pa Kach'abal

¹⁰ Man c'a que'tzelaj re vinak re camanak quik'ij, roma reje' can je'chajin coma re ángeles. Y yen nimbij chiva che re ye'chajin quichin reje' can nojel tiempo ye'tiquir ye'bapon chila' chicaj riq'uin re Nata'.

Kaqchikel Western Solola

¹⁰ Man c'a tiwetzelaj ta jun chique re tak ac'ala' re', ruma riyin nbij c'a chiwe chi ri ángeles ri nichajin quiche (quixin) riye' can quitzuliben apo ri Nata' chila' chicaj.

San Mateo 18:10 ပူးပေါင်းရင်းမြစ်များ

2 Sam 14:28

Ka'i' k'a juna' k'o-pe ri Absalón pa Jerusalem, y kan man rutz'eton ta k'a ruwech ri rey.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

Ester 1:14

Y ri achi'a' ri', ja ri Carsená, ri Setar, ri Admata, ri Tarsis, ri Meres, ri Marsená y ri Memucán. Ja e wuqu' aj-na'oj re' ri ek'o más naqaj chire ri rey, y rije' e tata'al richin ri ruwach'ulew Medo-Persia.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

Wuj Richin Bix Chire ri Dios 17:15

Jak'a yin kan xtikuqer nuk'u'x toq xtinbentz'eta' awech; kan xtikuqer nuk'u'x toq xkik'astej chik q'anej awik'in rat.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

Wuj Richin Bix Chire ri Dios 91:11

Ri Dios kan xkeruteq k'a pe ri ru-ángel chiqanaqaj. Xqojkichajij k'a chijun qak'aslen.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

San Mateo 1:20

Nich'oboch'ot k'a pa ruwi' ri' toq jun ángel richin ri ajaw xuk'ut ri' chuwech pa ruwaran, y xubij chire: José, rat ri at riy-rumam kan ri rey David, man k'a taxibij-awi' chi yak'ule' rik'in ri María ri ak'utun richin nok awixjayil, roma ja ri Loq'olej Espíritu ri xqaqa pa ruwi' rija' y wakami peteneq alanik chirij.

San Mateo 12:20

Man xtuq'ej ta jumul ri aj ri kan q'ajineq kan juba'. Ni man xtuchup ta ri candil ri nibuqulin sib chire. Rija' jantape' xtuben pa ruchojmilal.

San Mateo 18:14

Kan keri' chuqa' ri nibanatej rik'in ri aj-chikajil qatata'; man nrajo' ta k'a chi nisach ta kan ri más ruqasan-ri' chike ri nutijoxela'.

San Mateo 18:6

Xabachike k'a wineq ri xtibanon chi nimakun ri más ruqasan-ri' chike ri yetzeqeliben wichin, ri nibanon ri etzelal ri', más ta utz xa nixim-el chuqul jun nimalej abej richin ke'en, y keri' nik'aq chupan ri palou.

San Mateo 2:13

Toq ri etamanela' xetzolej yan el pa kiruwach'ulew, kan jari' jun ángel richin ri Dios xuk'ut-ri' chuwech ri José, pa rachik'. Y xubij chire: Tak'uaj-el ri ak'ual rachibilan ri rute' y kixanimej-el wawe'. Kixbiyin k'a pan Egipto y kixk'oje' chiri', k'a toq xtinya' na rutzijol chawe toq utz chik yixtzolin-pe. Roma ri rey kan xtuteq rukanoxik re ak'ual richin chi nukamisaj, xcha' ri ángel.

San Mateo 2:19

Y toq kamineq chik el ri rey Herodes, jari' toq jun ángel xuk'ut chik ri' chuwech ri José pa rachik', ri chiri' pan Egipto.

San Mateo 24:31

Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

San Lucas 1:19

Ri ángel xubij: Ja yin ri in Gabriel, ri kan ink'o-apo rik'in ri Dios. Roma ri' xiruteq-pe awik'in richin nonbij kan chawe re jun utzilej rutzijol re' ri nuk'en-pe kikoten chawe.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Lucas 16:22

Jun q'ij rija' xken-el, y k'a ja ri akuchi k'o kikoten xapon-wi, ri chiri' rik'in ri Abraham. Kan k'a chiri' xuk'uex-wi, koma ri ángel. Y chuqa' ri achin beyom xken, y xmuq.

Hechos 10:3

K'o k'a jun q'ij, toq xq'ax yan oxi' hora chire ri nik'aj-q'ij, rija' pa jun achik' jebel xutz'et chi k'o jun ángel richin ri Dios ri xok-apo rik'in, y xubij chire: ¡Cornelio!, xcha' ri ángel ri'.

Hechos 12:15

Jak'a ri kimolon-ki' ri pa jay man xkinimaj ta ri xberubij ri Rode chike. Xa xkibij chi xa xch'ujer. Jak'a ri xten nubij chi kan ja wi ri Pedro ri xrak'axaj rija'. Y rije' xkibij chi ja ri ru-ángel.

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.

Hechos 27:23

Roma chi'aq'a' xuk'ut-ri' chinuwech jun ángel ri rutaqon-pe ri Dios; ri Dios ri wajaw y ri ninsamajij chuqa'.

Hechos 5:19

Jak'a ri chi'aq'a', ri Dios xuteq k'a pe jun ángel ri pa cárcel kik'in rije'. Y re ángel re' xujeq-el ri ruchi' ri cárcel chikiwech, richin xerelesaj-el. Y xubij k'a chike:

Romanos 14:10

Roma ri' man ruk'amon ta chi niqaq'et-tzij pa ruwi' jun qach'alal. Y man utz ta chuqa' yojetzelan. Roma kan qonojel k'o chi yojapon chuwech ri Cristo richin nuq'et-tzij pa qawi'.

Romanos 14:21

Man k'a tiqatej ti'ij, man tiqaqum vino, ni man tiqaben xabachike ri nuben chire jun qach'alal chi nitzaq y numalij ruk'u'x.

Romanos 15:1

Roj ri kan qakuquban qak'u'x rik'in ri Cristo, nik'atzin chi yeqakoch' ri qach'alal ri man kan ta kikuquban kik'u'x rik'in ri Cristo. Man k'a tiqaben xaxe ri niqa' chiqawech roj.

1 Corintios 11:22

¿Kan maneq kami iwachoch richin chi chiri' ta yixwa-yixuk'ya-wi? ¿O chiwech rix xa kan man jun ok kiq'ij ri ch'aqa' chik qach'alal, ri nikimol-ki' junan iwik'in rix richin chi niya' ruq'ij ri Dios? ¿Y achike chuqa' roma toq kan ye'ik'ixbisaj ri qach'alal ri xa man jun ok k'o kik'in? ¿Kan niwajo' rix chi rik'in ri ibanobal ri', yin ninya' iq'ij? Kan man keri' ta k'a xtinben.

1 Corintios 16:11

Man ta xtiben chire chi man jun ruq'ij. Y toq xtel-pe chila' iwik'in, xtiya' ta pe ri nik'atzin chire richin ri rubey richin chi yinorutz'eta' kan, roma woyoben e rachibilan ri ch'aqa' chik qach'alal.

1 Corintios 9:22

Toq yik'oje' chikikojol ri qach'alal ri man jani kek'iy jebel rik'in ri nimabel-k'u'x, yin kan ninben-qa e achi'el rije', richin chi yek'iy chupan ri kik'aslen. Roma ri' yin junan ninben kik'in xabachike winaqi' richin chi rije' chuqa' yekolotej.

2 Corintios 10:1

Rix nibij chi toq ink'o iwik'in yalan ninxibij-wi', jak'a toq nej ink'o-wi, xa man ninpoqonaj ta chik ninbij-el ch'abel chiwe. Man rik'in ri' yin chi utzil yich'on iwik'in, rik'in ch'utirinen y rik'in ch'uch'ujil, kan achi'el xuben ri Cristo.

2 Corintios 10:10

Roma ek'o chiwe rix ri yetzijon chi yin toq k'o wuj yenteq-el chiwe, chupan ri' ruyon kow y poqon taq ch'abel ri yentz'ibaj-el, jak'a toq yinapon iwik'in xa maneq wuchuq'a' y maneq rejqalen ri yenbij.

Gálatas 6:1

Wach'alal, yich'on k'a iwik'in rix ri kan ik'uan jun k'aslen achi'el ri nrajo' ri Loq'olej Espíritu. Wi k'o ta jun qach'alal ri chaq k'ate' niqaqa pa mak, rik'in ch'uch'ujil tiyaka-pe, richin keri' nichojmirisaj ri ruk'aslen. Jak'a rix tichajij-iwi', richin man nik'uluwachij chuqa' keri'.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Apocalipsis 8:2

Y k'ari' xentz'et k'a ri e wuqu' ángel e pa'el-apo chuwech ri Dios y xjach jujun trompeta chike.