San Mateo 17:6 - Kaqchiquel Bible

⁶ Y toq ri tijoxela' xkak'axaj ri', xkiqasaj-qa-ki' k'a pan ulew. Y janila k'a xkik'en rukiy.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Atoq xkakꞌaxaj re chꞌabꞌel reꞌ, ri discípulos santienta xkixibꞌij kiꞌ, xexukeꞌ qa y xkiqasaj kijolon pa ulew.

Kaqchikel Santa Maria de Jesus

⁶ Y antok ri iyoxeꞌ discípulos xcaꞌxaj reꞌ, xaꞌxuquieꞌ y xquikasaj-ka ri quijaluon cꞌa pan ulief. Y altíra xquixiꞌij-quiꞌ.

Kaqchikel Central Guatemala

⁶ Y tok ri e oxi' tijoxela' xcac'axaj ri', xquikasaj-ka-qui' c'a pan ulef. Y janíla c'a xquixibij-qui'.

Re C'ac'a Testamento pa Kach'abal

⁶ Y tak re je oxe' discípulos xquic'axaj quire', xe'xuque' y re nic'aj tak quivach c'a pan ulef xka-va-ka. Y camas xquixibij-qui'.

Kaqchikel Western Solola

⁶ Y tek ri ye oxi' discípulos xquic'axaj ri ch'abel ri', xexuque' xemaje' ka. Y sibilaj c'a xquixibij qui'.

San Mateo 17:6 ပူးပေါင်းရင်းမြစ်များ

1 Crón 21:16

Toq ri David xtzu'un-q'anej, jari' toq xutz'et ri ángel k'o pa kinik'ajal ri ruwach'ulew y ri kaj, y ruk'uan jun espada relesan-el pa ruk'ojelibal richin nuq'ijuj ri Jerusalem. Ri David y ri e tata'al ri ek'o rik'in kan jari' xkilukuba-qa-ki' pan ulew. Y rije' kikusan ri tzieq richin bis.

Ez 3:23

Xiyakatej k'a el y xibe pa taq'aj ri akuchi xubij-wi ri Jehová chuwe y xintz'et k'a ri ruk'ojlemal ri chiri', kan junan rik'in ri ruk'ojlemal ri xintz'et ri chuchi' raqen-ya' Quebar. Y roma ri' yin kan xinlukuba-qa-wi' k'a pan ulew chuwech.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Wuj Richin ri Chojmirisabelri'il 9:24

Y toq xoq'alajin-qa ri ruk'ojlemal ri Jehová kan xorepero' jun q'aq' y xuk'is ri kamelabel ri k'a nik'at na; kan xuk'is k'a ri kiq'anal ri chikopi' ri k'o pa ruwi' ri porobel. Y jari' toq konojel ri winaqi' xkitz'et ri xbanatej, xkireq kichi' roma kikoten y xkiqasaj-ki' k'a pan ulew.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 17:7

K'ari' ri Jesús xjel k'a apo kik'in, xeruchop-qa y xubij k'a chike: Kixyakatej, man tik'en rukiy, xcha' chike.

Hechos 22:7

Roma ri' yin xitzaq pan ulew. Y jari' k'a toq xinwak'axaj chi k'o jun ri nich'on chuwe, y nubij: Saulo, Saulo, ¿achike k'a roma toq achapon ch'a'oj chuwij yin?, xcha' chuwe.

Hechos 26:14

Roma ri' qonojel xojtzaq k'a pan ulew. Xinwak'axaj k'a chuqa' chi k'o jun ri xch'on-pe pa qach'abel hebreo, y xubij k'a chuwe: Saulo, Saulo, ¿achike k'a roma toq achapon ch'a'oj chuwij yin? Xa ayon k'a rat nasok-awi', achi'el nuben jun bóyix toq nuya' aqen chutza'n ri che' richin ri rajaw.

2 Pedro 1:18

Roj kan xqak'axaj k'a ri ch'abel ri' ri peteneq chila' chikaj roma ojk'o rik'in ri Jesucristo ri chiri' pa ruwi' ri juyu' ri kan ch'aron chire ri Dios.

Wuj Kichin ri To'onela' 13:20

Xbanatej k'a, chi toq ri ruxaq-q'aq' nel-el pa ruwi' ri abej y nijote' chikaj, jari' toq ri ángel richin ri Jehová xbe chupan ri ruxaq-q'aq' y xbe chikaj chikiwech ri Manoa y ri rixjayil, y rije' kan xkiqasaj k'a ki' k'a pan ulew.

Wuj Kichin ri To'onela' 13:22

Y ri Manoa xubij chire ri rixjayil: Kan qitzij ninbij chawe chi xa xqojken, roma kan xqatz'et ri Dios, xcha'.