San Mateo 17:27 - Kaqchiquel Bible

²⁷ Man rik'in ri', richin chi utz yojk'ulun chikiwech ri yemolo ri méro, kabiyin k'a qa chuchi' ri choy richin yabekarun. Y ri nabey ker ri xtachop, tajaqa' k'a pa ruchi' y chiri' xtawil-wi jun méro. Tak'uaj-el y tatojo' kan ri awichin rat y ri wichin yin, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Pero chin ma itzel tikinaꞌ qoma roj, kabꞌiyin qa chuchiꞌ ri lago chutzꞌamik ker, y ri nabꞌey ker xtuyaꞌ riꞌ, tawelesaj pe pa yaꞌ y tajaqaꞌ pa ruchiꞌ. Chiriꞌ ndawil jun moneda, takꞌuaj y tajachaꞌ chake ri ngemolo ri méra ri ndikꞌatzin chin pa rachoch ri Dios, y keriꞌ ndataj kan ri ndikꞌatzin chi ndataj rat y ri wichin chuqaꞌ yin.

Kaqchikel Santa Maria de Jesus

²⁷ Pero xa man nakatoj ta, xa man xtiꞌka ta pa quiveꞌ (man xtiquiꞌan ta entender) karruma man nakatoj ta. Caꞌin cꞌa chuchiꞌ ri mar chi natzꞌamaꞌ car; y ri naꞌay car ri xtavalasaj-pa, tajakaꞌ pa ruchiꞌ y chireꞌ xtavil-ve ri miera chi natoj ri impuesto ri vichin inreꞌ y ri avichin atreꞌ, xchaꞌ ri Jesús cha ri Pedro.

Kaqchikel Central Guatemala

²⁷ Pero vi xa man nikatoj ta, riq'uin juba' man nik'ax ta chiquivech achique roma tok man nikatoj ta. Xa cabiyin c'a ka pa ya' chuchapic quer. Y ri nabey ri xtachop, tajaka' c'a pa ruchi' y chiri' xtavil ri mero ri nic'atzin richin ne'aya' can chique ri moloy-mero richin pa rachoch ri Dios. Ri mero c'a ri' nuben c'a richin naya' can ri avichin rat y ri vichin yin, xcha' ri Jesús chire ri Pedro.

Re C'ac'a Testamento pa Kach'abal

²⁷ Pero vo xa man nakatoj-ta, q'uiba' man nak'ax-ta pa quive' anchique roma tak man nakatoj-ta. Mare' mejor cabiyin-ka pa ya' chutz'amic car. Y re nabey car xtatz'am, tajaka' pa ruchi' y chire' xtavel re mero re ndoc chin che na'ya' can chique re molay-mero re ndoc pa rachoch re Dios. Re mero re' nuban chin che natoj can re avichin rat y re vichin yen chuka', xcha' re Jesús cha re Pedro.

Kaqchikel Western Solola

²⁷ Pero riche (rixin) c'a chi ma niyacatej ta coyowal, jet ka chuchi' choy chuchapic car. Y ri nabey ri xtachop, tajaka' c'a pa ruchi' y chiri' xtawil wi ri puek ri nic'atzin riche (rixin) chi nbe'aya' ca chique ri ye c'utuy puek riche (rixin) pa rachoch ri Dios. Ri puek c'a ri' nuben c'a riche (rixin) chi naya' ca ri awuche (awixin) riyit y ri wuche (wixin) riyin, xcha' ri Jesús chare ri Pedro.

San Mateo 17:27 ပူးပေါင်းရင်းမြစ်များ

2 Corintios 6:3

Y richin chi man ek'o winaqi' ri yetzaq ta qoma roj, kan niqatej k'a qaq'ij chi man jun tilitej chiqij, richin man tiyoq'otej ri samaj ri yojtajin chubanik.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

1 Corintios 8:9

Jak'a rix kan tichajij-iwi' richin chi man rik'in ri ibanobal ye'itzeq ch'aqa' qach'alal. Roma wi nitej, y yixrutz'et jun qach'alal ri xa man jani tiq'ax chuwech jebel, rik'in juba' roma ri' nimakun.

1 Corintios 8:13

Roma ri' yin wi nintz'et chi jun wach'alal nitzaq pa mak roma nintej ti'ij, ¡wi keri', yin man jun bey chik xtintej ti'ij!

Wuj Richin ri Jonás 1:17

Y ri Jehová xunaba' jun nimalej ker richin xubeq' ri Jonás, y keri' ri Jonás, xk'oje' k'a oxi' q'ij y oxi' aq'a' pa rupan ri ker.

Wuj Richin Bix Chire ri Dios 8:8

ri aj-xik' taq chikopi', ri ker ri ek'o chupan ri palou y ri jalajoj kiwech chikopi' ri yek'oje' pa ya'.

1 Rey 17:4

Chiri' chuchi' ri ch'uti'n raqen-ya' k'o ya' richin xtaqum; y yin xkenteq-el ri qo'ch awik'in richin yatkilij chiri', xcha'.

Romanos 14:21

Man k'a tiqatej ti'ij, man tiqaqum vino, ni man tiqaben xabachike ri nuben chire jun qach'alal chi nitzaq y numalij ruk'u'x.

Wuj Richin ri Jonás 2:10

Y ri Jehová xuteq k'a el ri ker chi xberuxa' kan ri Jonás chuchi' ri palou.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

Wuj Richin ri Rutikeribel 1:28

Y ri Dios kan xerurtisaj y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew y ja rix xkixk'oje' pa kiwi' ri chikopi' ri ek'o pa ya', chikopi' ri yebe pa kaq'iq' y ri chikopi' ri ek'o chuwech re ruwach'ulew, xcha'.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

San Juan 6:61

Toq ri Jesús xutz'et ri nikich'ob pa taq kánima e k'iy chike ri yetzeqeliben richin, xubij: ¿Kan poqon xina' roma ri xinbij?

San Mateo 5:29

Xa roma ri' wi jun runaq'-awech nibanon chawe chi yamakun, más utz tawelesaj y tatorij-el. Roma más utz chi xaxe jun chike ri runaq'-awech nibe kan y mani kan chijun ri ach'akul ri nibe kan pa q'aq'.

San Mateo 5:30

Chuqa' wi xa jun chike ri aq'a' nibanon chawe chi yamakun, más utz chi tachoyo' y tatorij-el. Roma más utz chi xaxe jun chike ri aq'a' nibe kan y mani chi kan chijun ri ach'akul ri nibe kan pa q'aq'.

San Mateo 17:26

Y ri Pedro xubij k'a chike ri man e kiwinaq ta. Y ri Jesús xubij chik: Ri kiwinaq man jun nikitoj.

San Mateo 18:6

Xabachike k'a wineq ri xtibanon chi nimakun ri más ruqasan-ri' chike ri yetzeqeliben wichin, ri nibanon ri etzelal ri', más ta utz xa nixim-el chuqul jun nimalej abej richin ke'en, y keri' nik'aq chupan ri palou.

San Mateo 18:8

Xa roma ri' wi jun aq'a' o jun awaqen ri nibanon chawe chi yamakun, más ta utz nachoy-el y natorij-el. Roma más ta utz chi xaxe jun aq'a' o jun awaqen k'o y yatok chupan ri k'aslen ri man k'isel ta, ke chuwech ka'i' aq'a' y ka'i' awaqen k'o y xa chi tz'aqet yabetorix kan chupan ri q'aq' ri man jun bey xtichup.

Marcos 9:42

Ri Jesús xubij chik: Xabachike k'a wineq ri xtibanon chire ri más ruqasan-ri' chike ri yetzeqeliben wichin, chi nimakun; ri nibanon ri etzelal ri', más ta utz xa nixim-el chuqul jun nimalej abej richin ke'en y keri' nik'aq k'a chupan ri palou.

Marcos 9:43

Xa roma ri' wi jun aq'a' ri nibanon chawe chi yamakun, más ta utz nachoy-el y natorij-el. Roma más utz chi xaxe jun aq'a' k'o y yatok chupan ri k'aslen ri man k'isel ta, ke chuwech ka'i' aq'a' k'o y xa chi tz'aqet yabetorix kan chupan ri q'aq' ri man jun bey xtichup.

San Lucas 17:2

Ri nibanon ri etzelal ri', más ta utz xa nixim-el chuqul jun nimalej abej richin ke'en, y keri' nik'aq k'a chupan ri palou, ke chuwech nuben chire jun tzeqelibey wichin yin chi nitzaq pa mak.