San Mateo 17:20 - Kaqchiquel Bible

²⁰ Roma ri' ri Jesús xubij chike: Man xixtikir ta xiwelesaj roma ri ikuqubabel-k'u'x rik'in ri Dios xa ti juba' ok. Kan qitzij k'a ninbij chiwe chi xa ta k'o kuqubabel k'u'x iwik'in, stape' achi'el ta ti rubanik jun ti ija'tz richin mostaza, xa rik'in ri', yixtikir ta niben chire re jun juyu' re' chi tel-el wawe' y tiq'ax kela', y kan man ta k'ayew nuben chiwech,

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Ri Jesús xubꞌij chake: Ma xixtiker ta porque ma kin ta kuqul ikꞌuꞌx rikꞌin ri Dios. Kin qetzij nibꞌij chiwa chi xa ta kuqul ikꞌuꞌx rikꞌin ri Dios, maske juninikꞌ ta ok achel jun chꞌuti wíta semilla mostaza, ngixtiker ta ndibꞌij chare re jun juyuꞌ reꞌ: Katel e chireꞌ y kateqꞌax kelaꞌ, y kin keriꞌ wi ndibꞌanatej, y ma jun achike ri man ta ngixtiker ndibꞌen.

Kaqchikel Santa Maria de Jesus

²⁰ Y ri Jesús xuꞌej chica: Man xixtiquir ta xivalasaj-el ruma man can ta icukubꞌan icꞌuꞌx riqꞌuin ri Dios. Y can ketzij ri niꞌej chiva: Xa ta icukubꞌan icꞌuꞌx riqꞌuin ri Dios, mesque incheꞌl-oc jun chꞌiti ijaꞌtz richin ri mostaza, ntiꞌej cha la juyuꞌ la chi tiel-el vaveꞌ y takꞌax chic jun lugar, y can xtakꞌax y man jun cꞌa kax ri man ta xquixtiquir xtiꞌan.

Kaqchikel Central Guatemala

²⁰ Y ri Jesús xubij chique: Man xixtiquir ta xivelesaj roma man icukuban ta ic'u'x jebel riq'uin ri Dios. Y can kitzij vi c'a ri ninbij chive: Xa riq'uin ta nicukuba' juba' ic'u'x riq'uin ri Dios, stape' ta achi'el jun ti ija'tz richin mostaza, xa riq'uin ri', vi rix nibij chire re jun juyu' re' chi tel-el vave' y tik'ax quela', can nik'ax-vi. Can man jun c'a ri man ta xquixtiquir niben, riq'uin nicukuba' juba' ic'u'x riq'uin ri Dios.

Re C'ac'a Testamento pa Kach'abal

²⁰ Y re Jesús xubij chaka: Man xixtiquir-ta xilisaj roma man can-ta ibanon confiar-ivi' riq'uin re Dios. Y can katzij nimbij chiva: Xa riq'uin-ta niban confiar-ivi' riq'uin re Dios, astapa' ancha'l-ta jun ch'et semilla chin mostaza, xa riq'uin re', yex can yixtiquir nibij cha re jun loma re' che tel-a vova' y tak'ax jun chic lugar, can xtak'ax-va. Can man jun cosa re man-ta xquixtiquir xtiban, xa riq'uin-ta ba' niban confiar-ivi' riq'uin re Dios.

Kaqchikel Western Solola

²⁰ Y ri Jesús xubij chique: Ma xixcowin ta xiwelesaj ruma ma icukuban ta ic'u'x jabel riq'ui ri Dios. Y can kitzij c'a ri nbij chiwe: Xa riq'ui ta nicukuba' juba' ic'u'x riq'ui ri Dios, astape' jun cukbel c'u'x ri xa achi'el jun ti ija'tz riche (rixin) ri mostaza, xa riq'ui ri' yixcowin nibij chare re jun juyu' re' chi tel el wawe' y tik'ax quela', y can xtik'ax wi. Y can ronojel c'a xquixcowin xtiben, wi nicukuba' ic'u'x riq'ui ri Dios.

San Mateo 17:20 ပူးပေါင်းရင်းမြစ်များ

San Lucas 17:6

Roma ri' ri Jesús xubij chike: Wi rix kan ikuquban ik'u'x rik'in ri Dios, stape' ta ri ikuqubabel-k'u'x xa achi'el ok jun ti ija'tz richin ri mostaza; rix kan yixtikir ta nibij chire la che' la' chi tel-el la akuchi tikil-wi, y tibetike' chupan ri palou; y la che' la' kan nunimaj-wi itzij.

Marcos 11:23

Roma wi keri', kan qitzij ninbij chiwe chi xabachike ri nibin chire re juyu' re' chi tel-el wawe' y tiq'ax chupan ri palou, kan keri' nibanatej.

San Lucas 18:27

Ri Jesús xubij k'a chike: Ri k'ayew nuben chikiwech ri winaqi', ri Dios kan nitikir nuben, xcha' chike.

San Lucas 1:37

Roma ri Dios man jun k'ayew nuben chuwech, xcha' ri ángel.

San Mateo 21:21

Ri Jesús xubij k'a chike: Kan qitzij ninbij chiwe chi wi ta rix kan nikuquba' ik'u'x, y man nipe ta pan iwánima chi xa man nibanatej ta ri nik'utuj; wi ta keri', man xaxe ta chire re wíkix ri yixtikir niben kere'. Xa kan nibanatej k'a chuqa' wi ta nibij chire jun juyu' chi tel-el ri akuchi k'o-wi y tiq'ax chupan ri palou, y kan keri' nibanatej.

Marcos 9:23

Ri Jesús xubij: Wi rat nakuquba' ak'u'x wik'in, kan xtibanatej-wi ri arayibel. Roma wi jun wineq kan nukuquba' ruk'u'x, kan nibanatej-wi ri achike nrajo', xcha' ri Jesús.

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

San Mateo 13:31

Y ri Jesús xuya' chik k'a jun k'ambel-tzij chikiwech, y xubij: Ri aj-chikajil ajawaren kan jubama k'a junan rik'in jun ti ija'tz richin mostaza ri niberutika' kan jun achin ri pa rulew.

San Juan 11:40

Jak'a ri Jesús xubij chire: Yin kan nubin chik k'a chawe chi wi xtakuquba' ak'u'x wik'in, kan xtatz'et k'a ri ruk'ojlen ri Dios, xcha'.

Marcos 4:31

Xa kan jubama junan rik'in ri nibanatej rik'in ri ija'tz richin mostaza ri nitik-qa. Ri ija'tz ri' xa jari' ri más ti ko'ol ok ri k'o chuwech re ruwach'ulew.

Hebreos 3:19

Y rik'in ri', roj niqetamaj chi rije' man xetikir ta xe'ok akuchi k'o uxlanen, roma man xkikuquba' ta kik'u'x rik'in ri Dios.

San Mateo 17:17

Y ri Jesús xubij k'a chi ri winaqi' ri ek'o chiri' jun sol winaqi' ri xa man kuqul ta kik'u'x. Rija' xa man jantape' ta xtik'oje' kik'in y man nukoch' ta nutz'et chi keri' nikiben. K'ari' xubij chi tikik'ama-pe ri ala' chuwech.

1 Corintios 12:9

Chike ch'aqa' nuben chi nim ri kikuqubabel-k'u'x rik'in ri Dios, y chike ch'aqa' nuben chi yetikir yekik'achojirisaj yawa'i'.

San Mateo 17:9

Y toq e xulan k'a pe chuwech ri juyu', ri Jesús xuchilabej chike: Man jun titzijoj-wi ri xitz'et k'a toq yin, ri xiqaqa-pe achi'el wineq chi'ikojol, xkik'astej-el, xcha'.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

San Mateo 17:19

Y toq kiyon chik k'a ek'o kan ri tijoxela' rik'in ri Jesús, xkik'utuj k'a chire: ¿Achike k'a roma roj man xojtikir ta xqelesaj-el ri itzel espíritu?, xecha' chire.

Marcos 11:22

Jak'a ri Jesús xubij chike: Rix chuqa' kan nik'atzin k'a chi nikuquba' ik'u'x rik'in ri Dios.

San Mateo 14:29

Y ri ajaw xubij-pe chire chi tipe k'a. Ri Pedro kan jari' xqaqa-el ri pa barco y xuchop k'a nibiyin pa ruwi' ri ya' richin nibe-apo k'a rik'in ri Jesús.