San Mateo 17:17 - Kaqchiquel Bible

¹⁷ Y ri Jesús xubij k'a chi ri winaqi' ri ek'o chiri' jun sol winaqi' ri xa man kuqul ta kik'u'x. Rija' xa man jantape' ta xtik'oje' kik'in y man nukoch' ta nutz'et chi keri' nikiben. K'ari' xubij chi tikik'ama-pe ri ala' chuwech.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Ri Jesús xubꞌij chake ri discípulos: ¡Rix wineq aj wokami, xa ma kuqul ta ikꞌuꞌx rikꞌin ri Dios y xa ndijel ruwech rubꞌeyal ri ndibꞌix chiwa! ¿Rix ndinojij chi jumul ngikꞌojeꞌ chiꞌikajal? ¿Jarupeꞌ chik tiempo ngixinkachꞌ ndibꞌij rix? Tikꞌamaꞌ pe ri kꞌajol chinuwech.

Kaqchikel Santa Maria de Jesus

¹⁷ Y ri Jesús xuꞌej: ¡Man jun vinak chupan ri tiempo vacame ruyoꞌn ta ránima riqꞌuin ri Dios, xa quinojiel i-sachnak! ¿Ixreꞌ ntiꞌan pensar chi inreꞌ nojiel kꞌij xquicꞌujieꞌ iviqꞌuin? ¿Y janeꞌ (jaroꞌ) tiempo xquixcochꞌ? Ticꞌama-pa ri alaꞌ vaveꞌ, xchaꞌ ri Jesús.

Kaqchikel Central Guatemala

¹⁷ Y ri Jesús jari' xubij: Man jun vinek chupan re tiempo re' ri cukul ta ruc'u'x riq'uin ri Dios. Xa conojel e sachinaki'. ¿Rix nich'ob chi yin can jantape' yic'oje' iviq'uin? ¿Can jantape' c'o chi yixincoch'? Tic'ama' c'a pe ri ala' vave', xcha' ri Jesús.

Re C'ac'a Testamento pa Kach'abal

¹⁷ Y re Jesús jare' tak xubij: Man jun vinak chupan re tiempo re' re rubanon-ta confiar-ri' riq'uin re Dios. Xa conojel je'satzanak. Man tinojij che yen nojel tiempo xquinc'ue' iviq'uin. Y chuka' man tinojij che nojel tiempo xquixincoch'. Tic'ama-pa re ala' vova', xcha' re Jesús.

Kaqchikel Western Solola

¹⁷ Y ri Jesús yac'ari' tek xubij: Riyix winek ri yixc'o chuwech re ruwach'ulef, majun chiwe ri cukul ta ruc'u'x riq'ui ri Dios. Chi'iwonojel xa yix sachnek. ¿Riyix nich'ob chi riyin can ronojel k'ij xquic'oje' iwuq'ui y man c'a xquitane' ta chi yixincoch'? Tic'ama' c'a pe ri c'ajol wawe', xcha' ri Jesús.

San Mateo 17:17 ပူးပေါင်းရင်းမြစ်များ

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

San Mateo 6:30

Wi ri Dios yeruwiq jebel ri kotz'i'j y ri q'ayis ri ek'o pa taq juyu', y ri chua'q xa yek'aq pa q'aq', ¿achike k'a roma rix man ikuquban ta ik'u'x rik'in ri Dios chi kan nuya-wi ri itziaq? Roma rix kan más iwejqalen chikiwech rije'.

Hechos 13:18

Kawineq k'a juna' ri xkik'owisaj chupan ri tz'iran ruwach'ulew, ri Dios xukoch' ri kibanobal.

Marcos 16:14

Pa ruk'isibel, ri Jesús xuk'ut-ri' chikiwech ri julajuj rutijoxela', toq kichapon wa'in. Rija' xeruch'olij k'a roma man xkikuquba' ta kik'u'x; xa xkikowirisaj ri kánima y man xekinimaj ta ri xetz'eton richin ri Jesús chi k'astajineq chik pe chikikojol ri kaminaqi'.

Marcos 9:19

Ri Jesús xubij chike ri winaqi': Kan man jun chiwe rix ri kuqul ta ruk'u'x rik'in ri Dios. ¿Rix nich'ob chi yin kan jantape' yik'oje' iwik'in? ¿Chi kan jantape' k'o chi yixinkoch'? Tik'ama-pe ri ala', xcha'.

San Mateo 13:58

Roma ri' ri Jesús man xuben ta k'a k'iy meyel taq banobel ri chiri' chupan ri rutinamit, roma ri ruwinaq xa man xkinimaj ta.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin ri Q'axanri'il 14:27

¿K'a jampe' k'a xketane' re itzel taq winaqi' re', ri e rijatzul kan ri Israel chi itzel yech'on chuwij? Yin xenwak'axaj toq rije' yech'ojin.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

San Juan 20:27

Kan jari' k'a xubij chire ri Tomás: Taju-pe ri ruwi-aq'a' wawe' y ke'atzu' re nuq'a' e sokotajineq. Taya-pe la aq'a' pa nuk'alk'a'x y taju-pe chupan re sokotajik ri xuben ri kum. Kan tanimaj k'a, y man taben chi man nanimaj ta, xcha'.

San Lucas 24:25

Jari' toq ri Jesús xubij k'a chike: Rix ri maneq ina'oj, xa man okineq ta k'a pan iwánima ri kibin kan ri xeq'alajirisan ri ruch'abel ri Dios ojer kan.

San Lucas 9:41

Ri Jesús xubij chike ri winaqi': Kan man jun chiwe rix ri kuqul ta ruk'u'x rik'in ri Dios. ¿Rix nich'ob chi yin kan jantape' yik'oje' iwik'in? ¿Chi kan jantape' k'o chi yixinkoch'? Tik'ama-pe ri ala', xcha'.

San Mateo 16:8

Jak'a ri Jesús xretamaj k'a ri kich'obonik rije' y roma ri' xubij: ¿Achike roma nisach ik'u'x roma maneq ikaxlan-way? Rix ix achi'a' ri xa ti juba' ok kuqubabel-k'u'x k'o iwik'in.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Ex 16:28

Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Wuj Richin Etamabel-Tzij 6:9

¿Y rat q'or kan jantape' k'a xkakotz'e' kan chiri' y man jun naben? ¿K'a jampe' k'a xkayakatej-pe y yatane' richin yawer?

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Deut 32:5

Jak'a ri ik'aslen rix xa q'ayineq; ri tz'ilolej k'aslen xa iwik'in rix peteneq-wi. Rix xa man ruk'amon ta chi ix ralk'ual ri Dios, roma xa imalin kan rija' y ri ik'aslen xa xotoxik.

Wuj Richin ri Isaías 19:14

Ri Jehová kan xtuben chike chi xkemayamo-qa. Y roma ri ruk'ayewal, rije' xtikiben achi'el nuben jun q'abarel, toq nixa'a' y nitzaq-qa chupan ri'.

San Mateo 17:16

Xink'en k'a pe chikiwech re atijoxela' richin nikik'achojirisaj, jak'a man e tikirineq ta, xcha' ri achin ri'.

San Mateo 17:18

Ri Jesús xch'olin chirij ri itzel espíritu richin chi tel-el chiri' rik'in ri ala'. Y ri ala' ri' kan chupan ri ramaj ri' xk'achoj chire ri yabil.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

2 Corintios 11:1

Nink'utuj k'a utzil chiwe chi kinikoch'o' chik juba', rik'in ri nuch'ujerik, roma k'a k'o ri ninwajo' ninbij chiwe.