San Mateo 16:18 - Kaqchiquel Bible

¹⁸ Yin ninbij k'a chawe chi rat abini'an Pedro.*f22* Y ninbij chuqa' chawe chi pa ruwi' k'a re abej re' xtinpaba-wi jun molaj winaqi' ri yetzeqeliben wichin. Y man jun k'a xtinaqo kichin, ni ri kamik.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Y riyin nibꞌij chawa, chi rat, rat Pedro, y pariꞌ re abꞌej reꞌ nipabꞌaꞌ ri nu-iglesia, y ri rajawal ri kamik ma nditiker ta chirij.

Kaqchikel Santa Maria de Jesus

¹⁸ Y nivajoꞌ niꞌej chava: Atreꞌ Pedro abꞌeꞌ; y paroꞌ ri abꞌaj nem reꞌ xtinpabꞌa-ve ri nu-iglesia. Y ri camic man xtitiquir ta chirij.

Kaqchikel Central Guatemala

¹⁸ Yin ninvajo' c'a ninbij chave rat: Yin nuyo'on chic c'a jun abi'; romari' tok rat abini'an Pedro. Y ninbij chuka' chave chi pa ruvi' c'a re abej re' xtinpaba-vi ri nu-iglesia. Y man c'a xtich'acatej ta roma ri camic y roma ri etzelal.

Re C'ac'a Testamento pa Kach'abal

¹⁸ Yen ninjo' nimbij chava rat: Yen nyi'on chic jun abe', mare' tak rat abini'an Pedro. Y nimbij chava che pa rue' re aboj re' xtimpoba-va re nu-iglesia. Y man xtich'acataj-ta roma re camic y re etzelal.

Kaqchikel Western Solola

¹⁸ Y riyin chuka' nbij c'a chawe chi riyit Pedro chic c'a abi', y pa ruwi' re abej re' xtinpaba' wi ri nu'iglesia, y man c'a xtich'acatej ta ruma ruchuk'a' ri camic.

San Mateo 16:18 ပူးပေါင်းရင်းမြစ်များ

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.

Colosenses 1:18

Ja rija' ri jolomaj pa qawi' ri qakuquban qak'u'x rik'in, y oj okineq ruch'akul. Ja rija' xya'on ruk'aslen ri ch'akulaj ri'. Y ja rija' ri nabey ri xk'astej-el chikikojol ri kaminaqi', richin chi xk'oje' nabey pa ruwi' ronojel.

San Juan 1:42

K'ari' ri Andrés xuk'uaj ri Simón, k'a rik'in ri Jesús. Y toq ri Jesús xutz'et, xubij k'a chire: Ja rat ri Simón ri ruk'ajol ri Juan. Wakami xtabini'aj k'a chuqa' Cefas, xcha'. Pa ch'abel hebreo ri Cefas nel chi tzij Pedro.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

Hechos 2:47

Rije' utz k'a yetz'et koma ri winaqi'. Nikiya' k'a ruq'ij ri Dios, y kan q'ij-q'ij k'a ek'o más ri yekolotej, roma kan ja ri ajaw ri nibanon chike chi yek'iyer.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

Wuj Richin ri Isaías 54:17

Man jun kamisabel ri nik'achoj ta ri kan banon richin iwichin rix richin yixruk'is. Rix kan xtiben chike ri e etzelanel iwichin chi man xkeq'ajan ta chik chiwij. Jare' k'a ri xtiwichinaj kan rix ri ix nusamajel. Y rik'in k'a ri' xtiq'alajin chi rix kan ix choj. Yin Jehová ri yibin, nubij ri Dios.

Efesios 5:32

Ri nubij, kan janila k'a nim rejqalen y xq'alajirisex chiqawech roma ri Dios. Y ninch'ob chi re' kan achi'el ruk'aslen ri Cristo y chuqa' ri qak'aslen roj ri qakuquban qak'u'x rik'in.

Efesios 3:10

Ri Dios nrajo' k'a chi ri ángel y ri ch'aqa' chik ri k'o uchuq'a' kik'in ri ek'o chila' chikaj tikitz'eta' ri utzil ri nuben qik'in roj ri qakuquban qak'u'x rik'in. Y keri' tiketamaj k'a chi ri Dios janila k'iy na'oj k'o rik'in.

Wuj Richin Etamabel-Tzij 24:7

Chire jun wineq ri xa maneq runa'oj, kan nuna' chi man nuq'i' ta ri na'oj; roma ri', rija' kan man nrajo' ta nich'on ri pa taq molojri'il kichin ri winaqi' aj-na'oj.

Wuj Richin ri Achin Job 38:17

¿Awetaman akuchi k'o-wi ri okibel richin ri kamik? ¿Atz'eton chik kami rat ri q'equ'm richin ri jul ri'?

Apocalipsis 21:14

Y ri ruxe' ri tz'aq ri', kablajuj abej ri ruk'uan ri kibi' ri e kablajuj ri e taqon roma ri Karne'l.

Hechos 8:1

Ri Saulo kan xqa' chuwech chi ri Esteban xkamisex. Ri chiri' pa Jerusalem, ja q'ij ri' toq xtikir kan chikij ri yeniman ri Jesús chi janila ye'etzelex, y niban chike chi nikitej poqon. Konojel ri molaj qach'alal xkichop xetalutej-el; jujun xebe pa taq ch'aqa' chik tinamit ri chiri' pa Judea, y ch'aqa' chik xebe k'a pa Samaria. Jak'a ri e taqon roma ri Cristo k'a xek'oje' na kan chiri' pa Jerusalem.

Wuj Richin Bix Chire ri Dios 9:13

Tabana' utzil Jehová tajoyowaj nuwech yin; tatzu' re q'axo'n re nink'owisaj koma ri ye'etzelan wichin, kan kinakolo' k'a chuwech ri kamik,

1 Timoteo 3:5

Roma wi man retaman ta yeruyuqej ri ralk'ual, man nitikir ta chuqa' yeruyuqej ri molaj qach'alal.

Gálatas 2:9

Roma ri' toq ri Santiago ri chuqa' nibix Jacobo chire, ri Pedro y ri Juan, ri k'o kiq'ij chikikojol ri qach'alal, xq'ax chikiwech chi ja ri Dios chilabeyon-pe ri samaj ri' chuwe. Y richin niq'alajin chi junan qawech chi qachibil-qi', xkichop qaq'a', yin y ri Bernabé. Xaxe k'a roj yojbesamej chikikojol ri man e qawinaq ta, y rije' yebesamej chikikojol ri qawinaq judío.

San Mateo 18:17

Y wi ri awach'alal kan man nrak'axaj ta, y man yerak'axaj ta chuqa' rije', kan tabesujuj k'a chikiwech ri molaj awach'alal. Y toq rat abin chik chike y man rik'in ri' man niniman ta richin chi tuna' chi man utz ta ri xuben, tibana' k'a chire chi man iwach'alal ta chik.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Mateo 10:2

Jak'a kibi' re' ri e kablajuj ri e taqon roma ri Cristo: Ri nabey ja ri Simón ri nibix chuqa' Pedro chire; k'ari' ri Andrés ri rach'alal ri Simón; ri Jacobo y ri Juan ri e ruk'ajol ri Zebedeo;

Wuj Richin Bix Chire ri Dios 69:12

Ri winaqi' ri yetz'uye' chuchi' ri tinamit, yech'on itzel chuwij, y ri q'abarela' yinkiyojobej rik'in ri kibix.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

1 Corintios 15:55

Y wakami, ¿akuchi k'a k'o-wi ri ach'akonik, rat kamik? ¿Akuchi k'o-wi ri ach'akonik rat jul muqubel kamineq?

Wuj Richin ri Isaías 38:10

Yin xinch'ob chi pa nik'aj chire re nuk'aslen xkibe chupan ri jul richin muqbel, y ri kamik kan jubama xreleq'aj ri nik'aj nuk'aslen.

Wuj Richin ri Isaías 28:6

Ri Dios xtuben chire ri q'atoy-tzij chi kan xtuq'et-tzij pa ruchojmilal. Chuqa' xtuya' uchuq'a' chike ri achi'a' ri yechajin ri okibel richin ri tinamit.

Wuj Richin Bix Chire ri Dios 107:18

Rije' kan man xkirayij ta k'a xewa-xe'uk'ya', y xa kan xe'apon k'a chuwi' kamik.

2 Sam 18:4

Y ri David kan xuben achi'el ri xbix chire. K'ari' xk'oje' k'a chunaqaj ri akuchi niban-wi oken chire ri okibel richin ri tinamit, rokik ri aj-labal ye'el-el pa taq tzobaj richin yebe pan oyowal.

Wuj Richin Bix Chire ri Dios 127:5

Jebel ruwa-ruq'ij ri achin ri e k'iy ralk'ual xek'oje', achi'el ri achin richin oyowal ri runojisan ri rupeqes rik'in ch'ab. Re tata'aj re' kan man xtik'ixbitej ta k'a chikiwech ri etzelanel richin toq ek'o chikiwech ri e chojmirisey richin ri nibanatej.

Wuj Richin Bix Chire ri Dios 129:2

Kan pa rutikeribel-pe ri janila in poqonatajineq-pe, jak'a kan man e tikirineq ta pe chuwij.

Wuj Richin ri Jonás 2:6

Xinapon k'a pa siwan chire ri palou. Y ri ruwach'ulew achi'el xa ta kan xirutz'apej kan chiri' richin q'asen. Y jari' k'a toq rat Jehová nu-Dios yin, xajoyowaj nuwech y xinawelesaj-pe chupan ri siwan ri'.

San Mateo 4:18

Y k'o k'a jun q'ij toq ri Jesús beneq chuchi' ri choy ri k'o pa Galilea, xerutz'et e ka'i' achi'a'. Ri achi'a' ri', ja ri Simón ri nibix chuqa' Pedro chire, rachibilan ri Andrés ri rach'alal. Rije' yekiya-qa ri kiya'l chapbel-ker chupan ri ya', roma rije' kan e chapoy taq ker.

San Mateo 7:24

Y xabachike k'a wineq ri nak'axan y nuben ri ch'abel ri ninbij, yin xtinjunamaj k'a rik'in jun nowineq achin ri xupaba' jun rachoch pa ruwi' abej.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.